Maika 6:13 - Edo Bible (E Baibol Ẹdo) Version 1996

¹³ Rhunmwuda ọnii, I suẹn a rẹnkhẹn uan kevbe ọfuan uwa nẹ, rhunmwuda orukhọ uwa.

Maika 6:13 ပူးပေါင်းရင်းမြစ်များ

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Jerimaia 14:18

I gha la uwu oha, I ghi gha miẹn ikun emwa ne a gbele vbe okuo, I gha la adesẹ ore, I ghi gha miẹn emwa ne ohanmwẹ ghi ra ghe ua. Avbe akhasẹ kevbe avbe ohẹn wa winna iwinna iran khian, sokpan, iran ma rẹn emwi ne iran ru.”

Eve Orriara 1:13

“Ọ gie erhẹn ke odukhunmwu rre, erhẹn ne ọ gha yọn vbe uwu imẹ. Ọ khuẹẹn ifi khẹ mwẹ ọ keghi sii mwẹ gbotọ. Iyeke ọnii, ọ keghi hee mwẹ yotọ ọ na sẹ mwẹ rae ye obalọ ne ẹ i mwẹ erọkhọrọkhọ.

Eve Orriara 3:11

Ọ khu mwẹ la uwa oha, ọ yanghaan mwẹ uan, ọ keghi sẹẹ mwẹ rae.

Eve Orriara 5:16

Avbe emwi ne ima te ya ghan hia okpa ma ghi kẹe vbọ. Ma ru orukhọ nẹ, banbanna, ọghe ima fo.

Hozia 13:16

Te a gha rri e Sameria oya ye ne ọ na sọtẹ mwẹ. Emwa rẹn gha wulo ye okuo, a gha viọ avbe emobọ fianmwẹ otọe, a ghi va avbe ikhuohanmwẹ ẹko.”

Hozia 5:9

Ẹdẹ irria ikhi dee. Izrẹl gha la ọrhiae rrie. Ivbi Izrẹl, ẹ i mwẹ ọna ma sunu.

Levitikọs 26:16

I gha rri uwa oya. I gha si ọkhọ yan uwa uhunmwu, emianmwẹ ni i mwẹ ukhunmwu kevbe emwirraro ne ọ gha rhu uwa aro, kevbe ne ọ gha ya uwa gha rri ororo. Wa gha kọ emwiokọ uwa sokpan ẹ i ra ma ne uwa rhunmwuda eghian uwa gha khọn miẹn uwa otọ, iran ghi rri emwi ne uwa kọ ẹe.

Maika 1:9

A i sẹtin kpe ẹwẹn e Sameria rrie, emwi vberriọ gha mian e Juda ban, ọfuan sẹ onurho e Jerusalẹm tobọ ẹre nẹ, ehe ne emwa mwẹ ye.”

Maika 6:16

Emwi na hia gha sunu rhunmwuda emwi dan ne Ọba Ehab ne ovbi Ọmri gu ẹe, ọ re uwa vbe guẹ. Emwi ne iran mu gbọọ ọ re uwa lele, rhunmwuda ọnii, I gha fuẹn uwa a, emwa hia ghi gha zan uwa. Emwa hia ghi gha sọnnọ uwa vbe ehe hia.”

Maika 7:13

Sokpan otọ agbọn gha khian ato rhunmwuda uyinmwẹ dan ọghe emwa ni rrọọ.

Iwinna 12:23

Vbe ọwarọkpa nii, odibo Nọyaẹnmwa keghi wa gbe Hẹrọd fi otọ rhunmwuda ọ ma rhie uyi ne Osanobua, ọkhọe keghi rriọ rua, ọ na wu.