Maika 5:8 - Edo Bible (E Baibol Ẹdo) Version 1996

⁸ A gha zagha iran lele uhunmwu ẹvbo, iran gha do yevbe oduma ni ru ohuẹ emwi ne ọ ra re vbe uwu ẹgbo ra oha ne aranmwẹ na rria: Ọ ghi la uwu ẹbu ohuan, ọ ghi san yan iran, ọ ghi yanghan iran ukhiọnmwẹ ukhiọnmwẹ, idaehọ ighe a gha miẹn ẹnrẹn fan i rrọọ.

Maika 5:8 ပူးပေါင်းရင်းမြစ်များ

Gẹnẹsis 49:9

Te Juda yevbe oduma, ọ gha gbe emwi nẹ, ọ ghi dọlegbe la irhu. Ọ gha niẹn egbua, ọ ghi lovbiẹ a i miẹn ne ohan giẹe rrẹrrọe.

Psalm 104:20

Wẹ ọre ọ yi asọn, uwu ebiebi ọre avbe aranmwẹ aranmwoha na ladian.

Psalm 44:5

Ẹtin ruẹn ọ re ima ya khọn eghian mwa muotọ.

Psalm 50:22

“Wa danmwehọ ẹmwẹ na wa ni ma zẹ ye ogho mwẹ ne I ghẹ fuẹn uwa a a i vbe miẹn ọmwa ne ọ gha miẹn uwa fan.

Itan 30:30

Oduma ne ọ wegbe sẹẹ vbe uwu aranmwẹ oha hia, emwi okpa ne ọ khue ẹre udu i vbe rrọ.

Aizaia 5:29

Avbe ivbiyokuo ni rrọọ tulo vbe avbe oduma ni gbe aranmwẹ nẹ, te iran ghi vbe dadae rrie ehe ne ọmwarhọkpa i na sẹtin miẹn iran ẹre.

Ezikiẹl 39:10

Iran i ghi la oha ya gha ho erhan, ra ne iran ya gha tọnnọ erhan gbotọ vbe ẹgbo rhunmwuda iran gha miẹn emwi igbinna ne a lẹ hẹkua ya gha koko erhẹn. Iran gha hẹrhu iran, iran ghi fu iran emwi viọ ighe avbe emwa ni ka hẹ rhu iran vbe fu iran emwi viọ.” E Nọyaẹnmwa ne Udazi tae nẹ.

Hozia 5:14

I gha gu ivbi Izrẹl kevbe Juda gbinna zẹvbe oduma. Mẹ tobọ mwẹ ọ re ọ ra yanghan iran hẹkua. Ẹghẹ ne I gha na silo iran kpao, ọmwa ne ọ gha sẹtin miẹn iran fan i rrọọ.

Maika 2:12

“Sokpan, mẹ gha si uwa koko, wa ne ivbi Izrẹl ni ghi kẹe. I gha viọ uwa kugbe zẹ vbe ohuan ne ọsuohuan viọ di owa ohuan. Zẹ vbe otọe ne aranmwẹ na rri irunmwu, ne ọ vuọn ne ohuan, emwa gha dọlegbe vuọn otọe uwa.”

Maika 4:13

E Nọyaẹnmwa khare wẹẹ, “Wa ne ivbi e Jerusalẹm, wa ya rri avbe eghian uwa oya. I gha ya uwa wegbe zẹ vbe ẹkhuia ne ọ mwẹ igho ematọn kevbe ibata owẹ oze. Wa gha dunmwu avbe okpẹvbo nibun sẹ otọ, avbe ẹfe ne iran ye ghe ẹe rua si koko, wa ghi viọ iran gunmwẹ, mẹ ne ọ re Nọyaẹnmwa ọghe otagbọn hia.”

Maika 4:7

A kun iran use, iran vbe khian rrei vbe owa, sokpan, I gha ya iran ni ghi ke ẹe mu omuhẹn ọvbehe, iran gha vbe do khian okpẹvbo nọkhua. Mẹ ghi gha ke oke Zaiọn khaemwisẹ yan iran ke ẹghẹ nii kpao kevbe rhinrin ẹdẹdẹmwẹdẹ.”

Maika 5:3

Erriọ, e Nọyaẹnmwa gha zẹ emwa rẹn obọ ne avbe eghian iran, a te do miẹn wẹ ọmwa ne ọ ra biẹ ọe biẹ ọmọ okpia. Ẹghẹ nii, a ghi do ku ivbi ẹvbo ẹre ni rre iwe koko ba emwa iran.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Zẹkaraia 10:5

Ivbi e Juda gha khọnmiotọ zẹ vbe ivbiyokuo ni ya owẹ gbele avbe eghian iran ye uwu ekhuọrhọ vbe adesẹ ore. Iran gha gbinna, rhunmwuda, e Nọyaẹnmwa rrọọ yaba iran, obọ iran gha vbe ke okhunmwu ne ẹsin avbe eghian.

Zẹkaraia 11:6

(E Nọyaẹnmwa khare wẹẹ, “Mẹ i ghi tohan ọmwarhọkpa vbe otọe agbọn ọvbehe. Mẹ tobọ mwẹ gha viọ emwa ni hia ye ẹtin iran ni khaemwisẹ yan iran obọ. Iran ni khaemwisẹ gha duẹ otọ agbọn uan, mẹ i ra vbe wọlọ ẹe hin ẹtin obọ iran rre.”)

Zẹkaraia 12:3

Sokpan, ọ gha sẹ ẹghẹ ne a kha na, I gha ye Jerusalẹm khian emwi ne ọ ye vbe okuta ne ọ khua. Ẹvboikẹvbo ne ọ wẹ rẹn ra tọn ẹn mu gha miẹn ikuangbe. Avbe uhunmwu ẹvbo hia ni rre agbọn gha ku obọ gbe ne iran gu ẹe gbinna.

Zẹkaraia 14:18

A deghẹ ivbi Igipt wẹ iran i ru Emwiukpo Ibuagọ, egbe emianmwẹ ne Nọyaẹnmwa mu ku avbe uhunmwu ẹvbo ni ma yo, gha vbe sẹ iran egbe.

Zẹkaraia 9:15

E Nọyaẹnmwa ne Oghodua gha degue emwa rẹn. Iran gha fuẹn eghian iran hia a. Iran gha davan vbe okuo zẹ vbe emwa ni wọn ohinrre. Iran gha gbe esagiẹn eghian iran ye otọ ọ ghi gha lẹ okpokpo zẹ vbe esagiẹn izọese ne a ke ọkpan rhurhẹ yan Ogiukpo.

Malakai 4:3

Ẹdẹ ne I gha guan yọ, wa gha khọnmiotọ vbe uhunmwu emwa dan, iran ghi do yevbe ebubẹ vbe atataowẹ uwa.

Nọmbas 24:9

Ẹvbo na yevbe oduma ne ọ mwẹ ẹtin ọ gha vbiẹ, a i miẹn ne ohan gie ẹe huẹn ọnrẹn. Afiangbe nọ ne ọmwa ne ọ na erhunmwu ne Izrẹl, ne ọ fi Izrẹl unu, a gha fi ẹre unu.”

Matiu 10:14

Deghẹ a miẹn ẹvbo ne ọ ma rhan obọ miẹn uwa ra iran ma rhie ehọ ne uwa ta yi, wa ghi kevba ladian, wa ghi vbe bọnmwẹ ebubẹ ni rre uwa owẹ ye otọ.

Iwinna 18:6

Ugbẹn vbe iran ghi suẹn gha gbe odan ye ọre owẹ, ne iran na vbe gha ya ukpẹ sakan ẹn, ọ keghi bọnmwẹ ukpọn rẹn ku iran ọ wẹẹ, “A deghẹ wa ghi fuan, uhunmwu uwa ọre uwa gha ya muẹn, I ma rẹn ọkpa I ma rẹn eva vbọ. Ke ẹghẹ na gha rae, I ra bu iran ne ẹ i re Ju.”

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Hibru 2:3

Vbe ima gha na miẹn uhunmwu hẹ khekherriọ a deghẹ ma ma zẹ ye ẹmwẹ imiẹnfan ne ọ kpọlọ sẹ vbenian na? Nọyaẹnmwa tobọ ẹre ọre ọ ka ta ẹmwẹ imiẹnfan na rre, iran ni miẹn ẹmwẹ ọnrẹn ye ehọ, keghi rhie maa ima ighẹ ẹmwata nọ.