Maika 5:12 - Edo Bible (E Baibol Ẹdo) Version 1996

¹² “I gha rhia rua ighe avbe ẹbọ ne uwa lo, I i ra vbe sẹ ọho ne ọ miẹn aro ọkpa kẹkan rae ne uwa.

Maika 5:12 ပူးပေါင်းရင်းမြစ်များ

Aizaia 2:20

Ọ gha sẹ ẹdẹ nẹdẹrriọ, iran gha filo amazẹ igoru kevbe esiliva ne iran mannọẹn kua, iran gha sẹ ehia rae ne ofẹn oha kevbe avbe ẹguẹn.

Aizaia 27:9

Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.

Aizaia 44:17

Ne ọ ghi kẹe vbe erhan nii, ọ ghi ya ẹe ka amazẹ, ọ ghi vbe vbẹrre ye uhunmwu rhanmwẹ otọ ne ẹẹn. Ọ ghi vbe na erhunmwu ghe ẹre wẹẹ, “Wẹ ọrọre Osanobua mwẹ, miẹn mwẹ fan.”

Ezikiẹl 16:41

Iran gha gien owa ruẹ sẹ otọ, iran ghi vbe gie avbe ikhuo do gha bi ghe oya ne a rri ọ re. I gha da ruẹ obọ igberagia ne u gbe yi, I ghi vbe ru ẹe ne u ghẹ ghi ya emwi ne avbe egbakhian ruẹn.

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Zẹkaraia 13:1

E Nọyaẹnmwa ne Oghodua khare wẹẹ, “Ọ gha sẹ ẹghẹ ne a kha na, a gha kie uhunmwu ẹzẹ ọkpa a, nẹ ọ khue ivbi uniẹn e Devid kevbe ivbi e Jerusalẹm huan hin orukhọ iran kevbe ẹbọ ne a gho rre.

Diuteronomi 18:14

Ẹre Mosis na kha wẹẹ, “Emwa ne uwa ra ya mu ẹre otọ yin na, emwa ni ru ẹbo awan kevbe ni fi iha, ọ re iran khin sokpan e Nọyaẹnmwa Osanobua rua ma kue yọ ne uwa ru ọna.

Arhie Maan 19:20

A keghi mu aranmwẹ oha nii oghunmwu ke ẹe kevbe akhasẹ ohoghe nii ne ọ winna iwinna ọyunnuan vbe odaro ẹre. (Ama ọyunnuan nii ọre ọ ya rẹrẹ iran re ighẹ iran ni vin ama aranmwẹ oha ni ye egbe, ne iran na vbe gha ye uhunmwu rhanmwẹ otọ ne amazẹ ọre.) Aranmwẹ oha nii ke ẹe kevbe akhasẹ ohoghe nii, a keghi munọ iran ke ẹmwẹ ne unu fi lo ku uwu odighi erhẹn ne ọ giẹn emwi ne ọ ye vbe ugbofi ladian.

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.