Maika 4:5 - Edo Bible (E Baibol Ẹdo) Version 1996

⁵ Dọmwadẹ ẹvbo ọ re ọ gho, ọ ghi vbe họn ẹmwẹ ne ẹbọ ẹre, sokpan, ma gha ga, ma ghi vbe gha họn ẹmwẹ ne Nọyaẹnmwa ne Osanobua ima ẹdẹdẹmwẹdẹ.

Maika 4:5 ပူးပေါင်းရင်းမြစ်များ

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

II Ọba 17:29

Sokpan, emwa ni do yin e Sameria keghi ye gha mannọ amazẹ iran, iran kegha viọ ẹre lele avbe aro ẹbọ ne ivbi Izrẹl bọlọ ẹe. Dọmwadẹ otu ughughan kegha mannọ amazẹ vbe dọmwadẹ ẹvbo ne iran ye.

II Ọba 17:34

Iran kegha ye yin uyinmwẹ arre iran do sẹ ẹdẹnẹrẹ na. Iran i ga e Nọyaẹnmwa, iran i vbe ya ẹe ru emwi ighẹ uhi ne Nọyaẹnmwa rhie ne ivbi uniẹn Jekọb ne irẹn he ẹre Izrẹl.

Psalm 20:6

Eban nian, mẹ rẹnrẹn wẹ, e Nọyaẹnmwa rhie akhọnmiotọ ne ọba ne ọ hannọ zẹ. Ọ wanniẹn ọre ẹmwẹ, ke ẹrinmwi ne ọ huanrẹn ọghọe rre ọ ghi vbe ya ẹtin ẹnrẹn rhie akhọnmiotọ nekhua ne ẹẹn.

Psalm 48:14

“Osanobua na Osanobua ima nọ ẹdẹ kevbe ẹdẹdẹmwẹdẹ rẹn ọ re ọ ra gha su ima khian ke orre yasẹ orre.”

Psalm 71:16

I gha rho ẹtin ruẹn, Nọyaẹnmwa Osanobua I gha mu ẹmwẹ umamwẹ ruẹn go, ọwuẹ okpa kẹkan.

Aizaia 2:5

Banbanna nian, wa ne ivbi uniẹn e Jekọb wa gie ima gha khian vbe uwu uwanmwẹ ne Nọyaẹnmwa rhie ne ima.

Aizaia 26:13

E Nọyaẹnmwa Osanobua mwa, emwa ọvbehe wa gha kha yan mwa, sokpan, wẹ okpa kẹkan ọrọre Nọyaẹnmwa.

Aizaia 26:8

ma lele vbene uwẹ ho, ma mwẹ idaehọ vbe uwu uwẹ, wẹ okpa ọrọre emwi ne ima ho.

Jerimaia 32:40

I gha gu iran ta ile etẹbitẹ. Mẹ i ra dobọ emwi esi ne a ru ne iran yi ẹdẹdẹmwẹdẹ, I gha vbe ru ẹe ne iran ya ekhọe iran hia gha mu ohan mwẹ, ne iran ghẹ ghi fi iyeke gbe mwẹ ẹdẹ.

Zẹkaraia 10:12

I gha ru ẹe ne emwa mwẹ wegbe, iran gha ga mwẹ, iran gha họn ẹmwẹ mẹ.” E Nọyaẹnmwa guan nẹ.

Iwinna 14:16

Vbe ẹghẹ ne ọ gberra, ọ gie emwa hia gha ru vbene ọ khọn iran.

Diuteronomi 27:10

rhunmwuda ọnii, wa gha họn ẹmwẹ ne ẹẹn, ne uwa vbe gha rhie avbe uhi hia ne I viọ ne uwa ẹrẹna mwẹ.”

Kọlose 2:6

Vbene uwa ghi na rhan obọ miẹn Kristi Jesu nẹ nian zẹ vbe Nọyaẹnmwa, wa ku ẹdẹ agbọn uwa gbe ba ọghọe.

Kọlose 3:17

Emwi ne uwa a rhirhi ta ra emwi ne uwa a rhirhi gha ru, wa gha ru ẹe vbe eni Nọyaẹnmwa Jesu, vbe ne uwa na la ekpa ẹre rhie uyi ne Osanobua ne Evbavba.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”