Maika 4:4 - Edo Bible (E Baibol Ẹdo) Version 1996

⁴ Edọmwadẹ ọghọe gha rrọọ vbe ọfumwegbe vbe ugbo azara kevbe oliv ẹre, ọmwarhọkpa i ghi vbe runran ẹẹn. E Nọyaẹnmwa ne Oghodua ru eyan na nẹ.

Maika 4:4 ပူးပေါင်းရင်းမြစ်များ

I Ọba 4:25

Ẹghẹ hia ne ọ ya ẹe vbe agbọn, emwi rhọkpa ma ru emwa e Juda kevbe Izrẹl dọmwadẹ igiowa kegha mwẹ ugbo azara ọghe ọe kevbe ọghe erhan ohọ.

I Ọba 5:5

E Nọyaẹnmwa tama erha mwẹ ighẹ Devid wẹ ovbi uẹ ne I gha ya rriọba lele uẹ gha bọ owa mẹ. I mu egbe nian ne I ya bọ Ọgua Osa nii, ehe ne a gha na gha ga e Nọyaẹnmwa Osanobua mwẹ.

Job 11:19

Afianma avbe eghian ruẹn i ghi ra fian an, emwa ni bun gha do nọ iyobọ vbe obọ ruẹ.

Psalm 72:3

Te otọe nii gha miẹn ọmaa rhie vbene iran gha na gha mwẹ ẹfe te iran gha vbe mwẹ oghae ẹmwata.

Itan 3:25

U i ra vbe hawa ye ẹmwẹ ọkhọ udomwurri, egbe ne ọ hẹ rhu emwa dan zẹ vbe okpẹhoho.

Aizaia 1:20

sokpan, u gha yagha mwẹ, uhunmwu ọ re u ya khiẹ ọre, mẹ ne Nọyaẹnmwa ọre ọ tae.”

Aizaia 17:2

Emwa gha lẹkua hin avbe okpẹvbo e Siria rre ẹdẹdẹmwẹdẹ. Iran gha khian ehe ne ohuan kevbe ẹmila na rria, ọmwa ne ọ gha vbe khulo iran hin evba rre i rrọọ.

Aizaia 22:25

Ọ ghẹ ghi do gha ye vberriọ, ukeke ne a te kaẹn gbain gha vbọ, ọ ghi de fua, ọghe emwi ne a viọ rrọ yọ hia ghi wa vbe la evba fo.” E Nọyaẹnmwa tae nẹ.

Aizaia 26:16

Nọyaẹnmwa, wẹ rri avbe emwa ruẹn oya, ugbẹn vbe obọ ghi da iran, iran keghi na erhunmwu ghe ruẹ.

Aizaia 32:17

Rhunmwuda ighe emwa hia ọ re ọ ra gha ru emwi ne ọ gbae, ọfumwegbe kevbe ẹkun ne ọ sotọ ghi gha rrọọ ẹghẹ hia.

Aizaia 36:16

Wa ghẹ zẹye Hẹzekaia re! Ọgbaisi Asiria wẹ ne uwa ladian, ne uwa do rinmwian. A gha kue ne uwa gha rri ọmọ erhan azara uwa, ne uwa vbe gha rri ọmọ erhan ohọ uwa, ne uwa vbe gha wọn amẹ uhae ne uwa fiaẹn

Aizaia 40:5

Ẹghẹ nii, a ghi rhie uyi e Nọyaẹnmwa ne a miẹn, emwa ne agbọn hia gha vbe miẹn ọẹn e Nọyaẹnmwa tobọ ẹre yan ọna yotọ nẹ.”

Aizaia 54:14

Ẹmwata kevbe uhunmwu ẹmwẹ gha ya uwa wegbe. Wa gha fe vbe obọ ukpokpo kevbe ohan.

Aizaia 58:14

Ẹghẹ nii, wẹ gha miẹn oghọghọ ne a miẹn vbe uwu ugamwẹ mwẹ. I gha ya uwa khian ne a yọghọ na vbe otọ agbọn hia, wa gha vbe rriere otọ ne I mu ne Jekọb ne erha uwa odede. Mẹ ne Nọyaẹnmwa tae nẹ.”

Jerimaia 23:4

I gha zẹ enikhaemwisẹ ne iran gha gbearoghe iran. Ohan i ghi ra ye gha mu emwa mwẹ ra ne afianma gha fian iran, mẹ i ghi dọlegbe rri iran oya. Mẹ ne Nọyaẹnmwa ta ẹe nẹ.”

Jerimaia 30:10

“Wa ghẹ gie ohan mu uwa, wa ne emwa mwẹ wa ne ivbi Izrẹl, wa ghẹ fian afianma I gha dẹ uwa werriegbe ke odẹ ne ọ rrei ni rre, ke otọ ne uwa na re oghunmwu rre wa gha rri owa, wa ghi gha rre ọfumwegbe ẹkun gha sẹ uwa otọ, ọmwa rhọkpa ne ọ gha runran uwa i rrọọ.

Ezikiẹl 34:25

“I gha gu iran ta ile ne ọ gha rhie maa wẹ ẹkun gha sẹ iran otọ. I gha wabọ avbe aranmwẹ akọn dan hin otọe nii rre, ne avbe ohuan mwẹ sẹtin gha rrọọ vbe ne a i na mwẹ ẹbe vbe oha kevbe uwu ẹgbo.

Ezikiẹl 34:28

“Uhunmwu ẹvbo avbe iran ni ga ẹbọ i ghi ra do dọlegbe gha fu iran emwi ọvbehe, avbe aranmwẹ akọn i ghi ra ye gha gbele iran re. Iran gha rrọọ vbe a i mwẹ ẹbe, ọmwarhọkpa i ghi ra dọlegbe runran iran.

Ezikiẹl 38:11

U gha kha wẹ u ra mu okuo la ẹvbo ne ẹ i mwẹ ẹtin, ehe ne emwa hia na rrọ vbe ọfumwegbe kevbe ne ẹkun na sotọ vbe avbe ẹvbo ne a ma gbe ekẹn ga vbe ne ẹ i na mwẹ ne ọ gbinna ne ẹẹn.

Ezikiẹl 39:26

Iran ghẹ ghi dọlegbe gha rre otọe iran nẹ vbe ne a i na fian afianma, vbe ne a i ghi na miẹn ọmwa ne ọ kpokpo iran orhiọn, iran gha sẹtin mian mian vbene a fa iran an hẹ vbe iran ya mwẹ maa.

Levitikọs 26:6

“I gha rhie ọfumwegbe ne uwa vbe otọ rua, wa ghi vbe gha vbiẹ vbe ne uwa i na fian afianma, I gha fuẹn avbe aranmwẹ dan ni rre otọe nii, okuo i ghi ra vbe gha rrọọ vbe evba.

Maika 5:3

Erriọ, e Nọyaẹnmwa gha zẹ emwa rẹn obọ ne avbe eghian iran, a te do miẹn wẹ ọmwa ne ọ ra biẹ ọe biẹ ọmọ okpia. Ẹghẹ nii, a ghi do ku ivbi ẹvbo ẹre ni rre iwe koko ba emwa iran.

Zẹfanaia 3:13

Ivbi Izrẹl ni miẹn uhunmwu vbọ i fu ọmwa, iran i ra tọlọ ọmwa, iran i ra ta ohoghe ra ne iran mu ọmwa rẹrẹ. Agbọn gha ma iran, ẹkun gha vbe sẹ iran otọ vbene iran i na mu ohan ọmwa ikọmwa.”

Zẹkaraia 3:10

Ọ gha sẹ ẹdẹ ne a kha na, dọmwadẹ ọghọe vbe uwu uwa gha gie na tie emwa ẹdogbo ẹre ne ọ do gu ẹe ghae vbe oghọghọ ọfumwegbe kevbe ẹkun ne ọ sẹ otọ, vbe ehe ne ọ na ye ogba azara kevbe erhan ohọ gba ogba ga egbe.”