Maika 4:13 - Edo Bible (E Baibol Ẹdo) Version 1996

¹³ E Nọyaẹnmwa khare wẹẹ, “Wa ne ivbi e Jerusalẹm, wa ya rri avbe eghian uwa oya. I gha ya uwa wegbe zẹ vbe ẹkhuia ne ọ mwẹ igho ematọn kevbe ibata owẹ oze. Wa gha dunmwu avbe okpẹvbo nibun sẹ otọ, avbe ẹfe ne iran ye ghe ẹe rua si koko, wa ghi viọ iran gunmwẹ, mẹ ne ọ re Nọyaẹnmwa ọghe otagbọn hia.”

Maika 4:13 ပူးပေါင်းရင်းမြစ်များ

Psalm 24:1

E Nọyaẹnmwa ọ re ọ yan agbọn na, kevbe emwi ni rre uwu ẹre hia. Rẹn ọ re ọ yan otọe agbọn kevbe iran ni rrọ hia.

Psalm 68:29

Ke Ọgua Osa ruẹ ne ọ rre Jerusalẹm gha dee, ehe ne avbe ọba na viọ imuohan guẹ.

Psalm 72:10

Avbe ọba e Spen kevbe iran ni rre otọ ne amẹ lẹga gha zẹ ẹfe gie ẹe. avbe ọba avbe Arrebia kevbe Etiopia gha viọ imuohan gie ẹe.

Aizaia 18:7

Ẹdẹ dee ne Nọyaẹnmwa gha na miẹn emwi ihaoko vbe obọ ẹvbo na ne ẹzẹ ghae ye inu ihe ne ọ khin, ẹvbo ni wegbe ni vbe mwẹ ẹtin na, ẹvbo ni taẹn ne ikpakpa egbe ẹre vbe rrie na, ne emwa mu ohan rẹn la otọ agbọn hia. Iran gha rri Oke Zaiọn, ehe ne a na ga e Nọyaẹnmwa ne Oghodua.

Aizaia 21:10

Wa ne Izrẹl ne emwa mwẹ, te a te gha wiẹn uwa vbe ọka, sokpan, banbanna nian, te I mẹ ghi do na iyẹn oghọghọ na ne imẹ vbe họn vbe ọghe Nọyaẹnmwa ne Oghodua ne Osanobua Izrẹl, ma uwa.

Aizaia 23:18

A ghi ya igho ne ọ miẹn vbe ẹki fi ohan ne Nọyaẹnmwa. Ẹ i ra vbe viọ ẹre hin rre, sokpan, avbe emwa ni ga e Nọyaẹnmwa gha ya igho nii dẹlẹ evbare kevbe ukpọn ne iran gha lo.

Aizaia 5:28

Ifẹnmwẹ iran mu, uhanbọ iran vbe mu egbe ne ọ gha ya fi ifẹnmwẹ. Ibata ẹsin iran wegbe vba ematọn, owẹ ikẹkẹ okuo iran keghi vbe fi lẹga zẹ vbe ẹhoho ẹziza.

Jerimaia 51:20

E Nọyaẹnmwa khare wẹẹ, “E Babilọn wẹ ọrọre umọmọ mwẹ emwi igbinna ne I ya khọn okuo. I lo ruẹ ya rẹnkhẹn avbe uhunmwu ẹvbo kevbe avbe otọe arriọba,

Jerimaia 51:33

Vbe ọ ma he kpee wan, avbe eghian gha hele iran yotọ, iran ghi gha ya owẹ rrilo iran muotọ vbe ọka vbe ehe ne a na khuọn rẹn. Mẹ ne Nọyaẹnmwa ne Oghodua, ne Osanobua Izrẹl ọ re ọ taa ẹe.”

Daniẹl 2:44

“Vbe ẹghẹ avbe nikhaemwisẹ na, Osanobua ẹrinmwi gha mu arriọba ne ẹ i ra fo vbotọ gbọ. A i ra vbe sẹtin khọn rẹn ẹdẹ, sokpan, rẹn gha fuẹn avbe arriọba nii fẹẹrẹ, rẹn ghi gha rrọ ẹdẹdẹmwẹdẹ.

Hozia 10:11

“Ẹghẹ ọkpa, te Izrẹl te ye vbe oteghe ẹmila ne a ma ẹre emwi ẹsẹse, ne ọ mu egbe kevbe ne ọ vbe ho ne ọ gha wiẹn ọka vbe ẹghẹ hia. Sokpan, mẹ keghi kha wẹ, te I gha rhie urọnghọn ye ẹyaẹn rẹn ne mose mose na, te I gha vbe gbalọ ẹre egbe khẹ iwinna ne ọ wegbe sẹ ọnii. I keghi ru ẹe ne Juda gha si emwi ne a ya vulo otọ, Izrẹl keghi vbe si emwi ne a ya guọghọ otọ.

Maika 5:7

Ivbi Izrẹl ni miẹn uhunmwu vbọ, gha yevbe evbu ne ọ fu ọmwa egbe rre ne Nọyaẹnmwa gie gie uhunmwu ẹvbo nibun, zẹ vbe amẹ ne ọ rhọ yan emwiokọ ne ọ da zọ dee. Iran gha ye egbe yan Osanobua ighe ẹ i re ọmwa kẹkan.

Habakọk 3:12

U khian la agbọn, u fian ẹn rra vbe ohu ruẹ, vbe ohu ruẹ nọkhua, u ya owẹ rrilo avbe uhunmwu ẹvbo mu otọ.

Zẹkaraia 12:3

Sokpan, ọ gha sẹ ẹghẹ ne a kha na, I gha ye Jerusalẹm khian emwi ne ọ ye vbe okuta ne ọ khua. Ẹvboikẹvbo ne ọ wẹ rẹn ra tọn ẹn mu gha miẹn ikuangbe. Avbe uhunmwu ẹvbo hia ni rre agbọn gha ku obọ gbe ne iran gu ẹe gbinna.

Zẹkaraia 12:6

“Ọ gha sẹ ẹghẹ nii, I gha ru ẹe ne ẹwae ni rre Juda gha ye vbe erhẹn ne ọ rre otọe ẹgbo ra ni rre ugbo ọka ne ọ wo nẹ, iran gha fuẹn avbe ẹvbo ni lẹga iran an. Ivbi e Jerusalẹm ghi gha rrọ vbe ne ẹkun na sẹ iran otọ vbe ore ẹvbo.

Zẹkaraia 4:14

Ẹre irẹn ghi na kha wẹẹ, “Iran na ọrọre avbe ikpia eva ne Osanobua zẹe, ọ na vbe nọnọ ori ye iran uhunmwu ne iran gha ga irẹn, ne e Nọyaẹnmwa ne ọ yan otọ agbọn hia.”

Zẹkaraia 6:5

Rẹn keghi wanniẹn wẹẹ, “Avbe ẹhoho enenẹ ena khin, te iran wa da ke akharha e Nọyaẹnmwa ọghe otọ agbọn hia dee na.”

I Kọrinti 16:2

Vbe ikpedẹ ne okaro ọghe uzọla hia, dọmwadẹ ọghọe ghi fian igho rhie ye otọ zẹ vbene igho ne ọ khuaẹn vbe sẹ, ne a ya ẹe gbakhua hin, a i rẹn vbe I gha rre, ne a ghẹ ghi vbe gha gbẹn okhuo igho ne a koko.

Diuteronomi 33:25

Te ọ gha ya onurho ematọn gba ogba ga avbe ẹvbo ẹre te ọ gha rrọ ẹghẹ hia vbe ne ai na fian afianma.

Jọsua 6:19

Sokpan avbe emwikemwi ne a ya esiliva ra igoru ra oze ra ematọn ru, te a ra viọ iran ye efẹn ọkpa ne Nọyaẹnmwa. Te a ra viọ iran ye uwu aza e Nọyaẹnmwa.”