Maika 4:12 - Edo Bible (E Baibol Ẹdo) Version 1996

¹² Sokpan, avbe uhunmwu ẹvbo na ma rẹn emwi ne ọ rre Osanobua ekhọe. Iran ma rẹn wẹ te a si iran gboo ye ihọkpa ne a rri iran oya, zẹ vbene a si ọka gboo ne a miẹn ehe na dunmwu ẹn.

Maika 4:12 ပူးပေါင်းရင်းမြစ်များ

Psalm 147:19

Ọ gie uhunmwu gie emwa rẹn, igiodẹ ọre ke uhi ẹre ne ivbi Izrẹl.

Psalm 147:20

Ọ ma vbe he ru ọna ne ẹvbo ọvbehe; iran na rẹn uhi ẹre. Wa rho e Nọyaẹnmwa!

Aizaia 10:7

Sokpan, ọgbaisi Asiria wa vbe mwẹ iro ọkhọ ọghe obọ ẹre vbe ekhọe. Te irẹn wa mu egbe ne ọ fuẹn uhunmwu ẹvbo nibun uan.

Aizaia 21:10

Wa ne Izrẹl ne emwa mwẹ, te a te gha wiẹn uwa vbe ọka, sokpan, banbanna nian, te I mẹ ghi do na iyẹn oghọghọ na ne imẹ vbe họn vbe ọghe Nọyaẹnmwa ne Oghodua ne Osanobua Izrẹl, ma uwa.

Aizaia 29:7

ẹkpo nii, avbe ivbiyokuo hia ọghe avbe ẹvbo ni gu ẹvbo Ogiukpo Osanobua gbinna, gha khian ne a ho bẹkun, emwi igbinna iran hia ke emwi ikhẹgbe, kevbe emwi hia fẹẹrẹ, gha khian ne a ho bẹkun zẹ vbe imina, zẹ vbe emwi ne a gha mu idandan rẹn vbe asọn.

Aizaia 55:8

E Nọyaẹnmwa khare wẹẹ, “Iro mwẹ i yevbe iro uwa, uyinmwẹ mwẹ vbe lughaẹn ne ọghe uwa.

Jerimaia 29:11

Mẹ okpa kẹkan ọ re ọ rẹn emwamwa ne I mwamwa ẹn vbekpa uwa, emwamwa ọghe wẹ ne agbọn ma uwa ighe ẹ i re wẹ ne ọkhọ rruan uwa, emwamwa ọghe wẹ ne ọ sẹ uwa obọ ighe agbọn ne ọ maa ne uwa rhie aro yi ẹdẹ nakhuẹ.

Jerimaia 51:20

E Nọyaẹnmwa khare wẹẹ, “E Babilọn wẹ ọrọre umọmọ mwẹ emwi igbinna ne I ya khọn okuo. I lo ruẹ ya rẹnkhẹn avbe uhunmwu ẹvbo kevbe avbe otọe arriọba,

Jerimaia 51:33

Vbe ọ ma he kpee wan, avbe eghian gha hele iran yotọ, iran ghi gha ya owẹ rrilo iran muotọ vbe ọka vbe ehe ne a na khuọn rẹn. Mẹ ne Nọyaẹnmwa ne Oghodua, ne Osanobua Izrẹl ọ re ọ taa ẹe.”

Joẹl 3:2

I gha si avbe uhunmwu ẹvbo hia si koko, I ghi viọ iran gha die Iya Ibuohiẹn. Evba nii ọ re I ra na bu ohiẹn iran vbe ekpa emwi ne iran ru emwa mwẹ re. Iran zagha ivbi Izrẹl kua, lele ẹvbo ẹrrẹe, iran keghi ghae Izrẹl ne otọe mwẹ.

Iyẹn ne ọ Maan Ọghe Luk 3:17

Ọ rhie ahẹn ne ọ ra ya khan emwiokọ ẹre mwẹ obọ, ọ gha viọ ọka ni rrọọ la aza, ọ ghi ye erhẹn ne ẹ i dọyọ giẹ ihunhun ni rrọọ.”