Maika 4:11 - Edo Bible (E Baibol Ẹdo) Version 1996

¹¹ Uhunmwu ẹvbo si koko, ne iran mu okuo gie uwa. Iran wẹẹ, “Te a gha dunmwu e Jerusalẹm sẹ otọ. Ma gha ya ẹvbo na khian itowa!”

Maika 4:11 ပူးပေါင်းရင်းမြစ်များ

Psalm 129:5

Te obọ gha gba iran ni khuiwu e Zaiọn, ne a khulo iran werriegbe.

Psalm 83:5

Iro ne iran zẹe gu egbe ro nẹ, iran ku obọ gbe mu aro da ruẹ.

Aizaia 10:7

Sokpan, ọgbaisi Asiria wa vbe mwẹ iro ọkhọ ọghe obọ ẹre vbe ekhọe. Te irẹn wa mu egbe ne ọ fuẹn uhunmwu ẹvbo nibun uan.

Aizaia 17:12

Owogho nọkhua rre avbe uhunmwu ẹvbo ni wegbe, ọ yevbe uvannọ mwẹ nọkhua ọghe okun, ọ yevbe ne ubimwẹ ẹzẹ nọkhua mu vẹ.

Aizaia 29:7

ẹkpo nii, avbe ivbiyokuo hia ọghe avbe ẹvbo ni gu ẹvbo Ogiukpo Osanobua gbinna, gha khian ne a ho bẹkun, emwi igbinna iran hia ke emwi ikhẹgbe, kevbe emwi hia fẹẹrẹ, gha khian ne a ho bẹkun zẹ vbe imina, zẹ vbe emwi ne a gha mu idandan rẹn vbe asọn.

Jerimaia 52:4

Ẹre Nebukiadneza na rhunmwuda ọnii viọ avbe ivbiyokuo ẹre hia rre, ọ na dekun e Jerusalẹm vbe ikpẹdẹ ne ogigbe ọghe uki nogigbe ọghe ukpo nogihinrin ne Zedekaia yae vbe ọba. Iran keghi bu agọ ye vbe a ma he la ẹvbo nii, iran ke ghi, ghae ga ẹvbo nii.

Ezikiẹl 26:3

“Banbanna, vbene imẹ ne Nọyaẹnmwa ne Udazi khare ọ re ọna khin wẹẹ: Oghian an ọ re I khin, wẹ ne ore ẹvbo e Taia. I gha viọ uhunmwu ẹvbo nibun rre ne iran do guẹ gbinna iran gha rre zẹ vbe amẹ okun ne ọ khọn yo khọn rre.

Ezikiẹl 38:17

Wẹ ọrọre ọmwa ne I gha kha ẹkporriọ, ẹghẹ ne I na wẹ ne avbe akhasẹ Izrẹl ne eguọmwadia mwẹ tae ladian wẹ ẹdẹ dee ne I gha gie ọmwa ọkpa rre ne ọ do khọn Izrẹl.” E Nọyaẹnmwa ne Udazi ọ re ọ tae.

Obedaia 1:12

Ọ ma te kei ne u gha gbe ọvẹ ye emwi dan ne ọ rruan etuẹn ni rre Juda. Ọ ma te ke ne ẹko gha sẹ uẹ ọyẹnmwẹ vbe ẹdẹ ne iran fuan. Ọ ma te ke ne u gha giẹ iran vbe iran miẹn usẹ.

Maika 7:10

Ẹghẹ nii, avbe eghian mwa gha miẹn ọẹn, efaa ghi rruan avbe eghian nii ni ye ima gbe ogie wẹẹ, “E Nọyaẹnmwa ne Osanobua uwa vboo?” Aro mwa gha sẹ ọe vbe a gha khọn miẹn iran otọ, a gha ya owẹ rrilo iran mu otọ zẹ vbe ọrho vbe adesẹ ore.

Zẹkaraia 12:3

Sokpan, ọ gha sẹ ẹghẹ ne a kha na, I gha ye Jerusalẹm khian emwi ne ọ ye vbe okuta ne ọ khua. Ẹvboikẹvbo ne ọ wẹ rẹn ra tọn ẹn mu gha miẹn ikuangbe. Avbe uhunmwu ẹvbo hia ni rre agbọn gha ku obọ gbe ne iran gu ẹe gbinna.