Maika 3:8 - Edo Bible (E Baibol Ẹdo) Version 1996

⁸ Sokpan, zẹ vbe ọghomwẹ e Nọyaẹnmwa ya orhiọn rẹn kevbe ẹtin ẹnrẹn vuọn mwẹ ọ vbe rhie mwẹ ne I gha rẹn emwi ne ọ re ohiẹn ẹmwata, kevbe udinmwẹ ne I gha ya gha tama ivbi Izrẹl orukhọ ne iran ru.

Maika 3:8 ပူးပေါင်းရင်းမြစ်များ

Job 32:18

I i ghi sẹtin mudia ne I ghẹ guan I i ghi sẹtin khui ẹmwẹ ni ye unu.

Aizaia 58:1

E Nọyaẹnmwa khare wẹẹ, “Kakabọ go vbene ẹtin ruẹn sẹe! Tama Izrẹl ne emwa mwẹ, vbene orukhọ iran ye hẹ.

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Aizaia 61:2

Ọ gie mwẹ ne I ya kha, wẹ ẹghẹ sẹ nẹ, ne Nọyaẹnmwa gha ya miẹn emwa rẹn fan. Ọ ghi vbe khọn eghian iran muotọ. Ọ giee mwẹ nẹ I ya fu iran ni khiẹ ẹko rre,

Jerimaia 1:18

Danmwehọ, Jerimaia, emwa hia ni rre otọe na gha mu aro dan da ruẹ, avbe ọba, e Juda, avbe ekhaẹmwẹ avbe ohẹn, kevbe avbe emwa nii. Sokpan, vbe ẹdẹnẹrẹ na, mẹ rhie ẹtin nuẹn nian ne u ya khẹ iran, te u ra ye vbe ẹvbo ne a gbe odin gaa, orre ematọn, ekẹn oze. Obọ iran i sẹtin ke ukhunmwu ne uẹn, rhunmwuda, I gha rrọọ yaba ruẹ, ne I degue ruẹ, mẹ ne Nọyaẹnmwa ọ re ọ taa ẹe.”

Jerimaia 20:9

Sokpan, I gha kha wẹẹ, “I gha mianmian e Nọyaẹnmwa, I i ghi vbe dọlegbe guan vbe eni ẹnrẹn.” Ẹghẹ nii, uhunmwu ne u gie ghi yevbe erhẹn ne ọ giẹn vbe uwu imẹ I ghi gha hia ne I yẹn ọnrẹn muotọ, sokpan I i ghi sẹtin rhie ẹre lẹre.

Jerimaia 6:11

Ohu iran ne ọ mu ẹẹn wa vbe giẹn vbe erhẹn vbe uwu ime, Nọyaẹnmwa, I i ghi sẹtin zin ẹnrẹn ọvbehe.” Ẹre Nọyaẹnmwa na tama mwẹ wẹẹ, “Hihiẹ ohu mwẹ yan avbe ibiẹka vbe adesẹ ore, kevbe ye ehe ne avbe igbama na si koko. A gha viọ avbe ọdọ kevbe avbe amwẹ kpao, a i ra vbe sẹ avbe ọmaẹn rae.

Eve Orriara 2:14

Avbe akhasẹ, ruẹ i miẹn ẹmwẹ tama ruẹn gberra ohoghe, orhu ne iran kpe keghi de ruẹ odẹ rhunmwuda, iran ma vẹ orukhọ ruẹ uhe ua iran keghi ya uwẹ gha ro ighe orukhọ ne u gha rhunmwuda ẹre fiwerriẹ, irrọ.

Ezikiẹl 16:2

“Ovbi ọmwa, rhie uyinmwẹ osọnnọ ne Jerusalẹm yin ma rẹn.

Ezikiẹl 20:4

“Ovbi ọmwa, wẹ mu egbe ne u gha ya bu ohiẹn iran ra? U ghi ru vberriọ khekherriọ. Ye iran avbe emwi osọnnọ ne avbe erha iran ru rre.

Ezikiẹl 22:2

“Ovbi ọmwa, u mu egbe ne u gha ya bu ohiẹn ẹvbo ne ọ vuọn ne avbe izigha ra? Wa rhan otọ uyinmwẹ osọnnọ hia ne ọ yinrin ma rẹn.

Ezikiẹl 23:36

E Nọyaẹnmwa keghi tama mwẹ wẹẹ, “U mu egbe ne u ra ya bu ohiẹn Ohola kevbe Oholiba ra. Ba iran ifi ẹzọ ye emwi oya ne iran ru.

Ezikiẹl 3:14

Orhiọn Osanobua keghi wa ya ẹtin nọkhua hin yan mwẹ, vbene orhiọn rẹn wa mu mwẹ khian nii, ẹko kegha rriara mwẹ, ohu na gha mu mwẹ.

Ezikiẹl 43:10

E Nọyaẹnmwa keghi ye rhie te ẹe wẹẹ, “Ovbi ọmwa, gu ivbi Izrẹl guan vbekpa Ọgua Osa na, ne u gie iran ghe vbene a mwa rẹn bọ hẹ. Ruẹe ne ekhue emwi dan ne iran ru gha mu iran.

Matiu 7:29

Ọ ma ye vbe iran ni ma emwa Uhi. Ẹmwẹ asẹ ọghe obọ ẹre ọre ọ ta.

Iyẹn ne ọ Maan Ọghe Mak 3:17

Jems kẹe kevbe Jọn ne ọtẹn ọnrẹn (Jesu keghi he iran Boanigis, ọnii nọ wẹ, “Ivbi avan Nukhunmwu”);

I Kọrinti 2:4

Ikpẹ orhu mwẹ kevbe ẹmwẹ ne I ta ẹe, I ma ya ẹmwẹ umẹwaẹn ne ọ guẹ ẹmwẹ ta ẹe, vbe ẹ i re ẹmwẹ ne ọ mu ọmwa ekhọe ọghe ẹtin Orhiọn Osanobua.