Maika 3:7 - Edo Bible (E Baibol Ẹdo) Version 1996

⁷ Iran ni ta emwi ni gha he sunu ye otọ, efaa gha rruan iran vbe ọ ma ghi sẹ vberriọ. Emwiekhue gha rruan iran rhunmwuda Osanobua ma ghi zẹ ẹmwẹ wanniẹn iran.

Maika 3:7 ပူးပေါင်းရင်းမြစ်များ

Psalm 74:9

Avbe emwi iruẹmwi ni huanrẹn hia, ne ima mwẹ fo, akhasẹ ma ghi vbe keẹ, orhiọnkpa ne ọ rẹnrẹn vbene ọna gha kpee sẹ hẹ vbe otọ i rrọ.

Ẹksọdọs 9:11

Avbe ọbo edunna ma ghi sẹtin rre do miẹn e Mosis rhunmwuda, uruvba gba iran egbe hia zẹvbe ne ivbi Igipt nekpa vbe ye.

Aizaia 44:25

Mẹ ye avbe iran ni fi iha ne emwa, gbogiẹ I ghi vbe ya emwi ne avbe iweuki ta yotọ khian ne ọ ma de yọ. Mẹ khare ighẹ ohoghe ẹmwẹ ne avbe umẹwaẹn ta khin. I ghi rhie ma ighẹ ukọnmwẹ ọ re ẹwaẹn iran khin.

Jerimaia 18:18

Emwa nii keghi kha wẹẹ, “Wa gia gualọ vbene a gha ru ẹmwẹ e Jerimaia hẹ. A gha miẹn avbe ohẹn ne ọ gha ma ima emwi rhinrin, avbe umẹwaẹn ni gha bu ima ude, kevbe avbe akhasẹ ni gha ta ẹmwẹ Osanobua ma ima. Wa gie a mu ẹmwẹ kuan rẹn, ne a ghẹ ghi danmwehọ ẹmwẹ ne ọ ta.”

Ezikiẹl 24:17

Ghẹ gie a họn vbe u so asukpẹ eve. Ghẹ bannọ uhunmwu yotọ ra ne u ya owẹ kẹkan gha khian zẹ vbe ama akhiẹ. Ghẹ mu emwi gue aro ra ne u rri evbare ne iran ni rre akhiẹ re.”

Ezikiẹl 24:22

Ẹghẹ nii wa gha ru vbene I ru na. Wa i ra viọ emwi gue aro ra ne uwa rri evbare ne iran ni miẹn akhiẹ re.

Levitikọs 13:45

Ọmwa ne ọ khuọnmwi emianmwẹ ikpakpa egbe nọ muohan ghi gha yọ osọnmwẹ ukpọn, ọ ghi sẹ eto ne a ma salọ rae ye uhunmwu, ọ ghi ya emwi gue ototọ ugbaro ẹre, ọ ghi gha tu khian wẹẹ, “Awua awua.”

Emọs 8:11

“Ẹghẹ dee, ne I gha na gie ukhunmwu la otọe nii, ohan mwẹ ghi gha gbe emwa, sokpan ẹ i re ohanmwẹ evbare, ovbamẹ gha gbe iran, sokpan ẹ i re amẹ, ne a wọn. Ohanmwẹ kevbe ovbamẹ ẹmwẹ ne ọ ke ehe ne Nọyaẹnmwa ye rre gha gbe iran. Mẹ ne Nọyaẹnmwa ne Udazi ọ re ọ taa ẹe.

Maika 3:4

Ẹghẹ dee ne uwa gha na datu tie Nọyaẹnmwa sokpan rẹn i ra zẹ ye uwa ẹre. Rẹn i ra vbe họn erhunmwu ne uwa na rhunmwuda wa ru emwi dan nẹ.

Maika 7:16

Avbe uhunmwu ẹvbo gha miẹn ọna, iro ghi han iran vbene iran ye wegbe sẹ nii. Vbe uwu iro ne ọ han iran, iran gha koko unu gbua, iran ghi ya obọ khiọ ehọ.

Zẹkaraia 13:4

Ọ gha sẹ ẹghẹ nii, akhasẹ ne ọ gha ye ẹmwẹ umian ẹnrẹn gha hio i rrọọ ra na ọ gha ru emwi akhasẹ ra ne ọ silo iba ukpọn ye egbe ya gha mu emwa ru.

I Samuẹl 14:37

Ẹre Sọl na nọ Osanobua wẹẹ, “Ne I dekun ivbi e Filistin ra? U gha gie ima khọnmiotọ ra?” Sokpan, Osanobua ma zẹ ẹmwẹ wanniẹn ẹdẹrriọ.

I Samuẹl 28:15

E Samuẹl keghi tama e Sọl wẹẹ, “Vbọzẹ ne u na kpokpo mwẹ yi? Demwi ne u tie mwẹ werriegbe rre ba?” E Sọl keghi wanniẹn wẹẹ, “Uwu ọlọghọmwa nọkhua ọ re I ye na! Avbe Filistin gun mwẹ gbinna, Osanobua vbe fi iyeke gbe mwẹ. Ọ ma ghi rhie ewanniẹn mẹ ọvbehe deghẹ la obọ avbe akhasẹ rre nọ ra imina, ọnii ọ sii ẹe ne I na tie ruẹ, ne u tama mwẹ emwi ne I gha ru.”

I Samuẹl 28:6

Rhunmwuda ọnii, ọ keghi nọ e Nọyaẹnmwa emwi ne irẹn gha ru, sokpan, e Nọyaẹnmwa ma zẹdẹ rhie ewanniẹn ne ẹẹn, ọ re vbe imina nọ, ra uta, ra la obọ akhasẹ.

I Samuẹl 9:9

E Sọl keghi wanniẹn wẹẹ, “Iro esi u zẹẹ! Gie a gha khian.” Ẹre iran na gha rrie ẹvbo ne ọmwa ne ọ huanrẹn nii ye. Iran ghi mu oke hin rrie ẹvbo nii, iran keghi miẹn ibiẹka ikhuo ni tuorre dee, iran ra do sa amẹ. Iran keghi nọ avbe ibiẹka ikhuo nii wẹẹ, “Ọbiro rre owa ra?” (Ẹkpo nẹdẹ, ọmwa gha te ra nọọn Osanobua emwi, ọ ghi kha wẹẹ, “Wa gia gha rrie ọghe ọbiro.” Rhunmwuda ẹghẹ nii, ọbiro ọre a tie avbe akhasẹ).