Maika 3:6 - Edo Bible (E Baibol Ẹdo) Version 1996

⁶ “Wa ne avbe akhasẹ, ẹdẹ uwa rrie dọn ọn, ebi avan ra ro uwa. Rhunmwuda ne uwa na de emwa odẹ, wa i ghi ra miẹn umian akhasẹ ọvbehe, wa i ghi ra dọlegbe sẹtin ta emwi ne ọ gha he sunu ye otọ.”

Maika 3:6 ပူးပေါင်းရင်းမြစ်များ

Psalm 74:9

Avbe emwi iruẹmwi ni huanrẹn hia, ne ima mwẹ fo, akhasẹ ma ghi vbe keẹ, orhiọnkpa ne ọ rẹnrẹn vbene ọna gha kpee sẹ hẹ vbe otọ i rrọ.

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

Aizaia 59:10

te ima ghi ya obọ baba odẹ zẹ vbe arhuaro. Te ima ghi rrua owẹ vbe ogiavan ogioghogho vbe ne a miẹn wẹ ẹvbo iran ni wulo nẹ ne ehe hia na so ebiebi ọ re a ye.

Jerimaia 13:16

Wa gha ya ọghọ ne Nọyaẹnmwa ne Osanobua uwa, ne ọ ghẹ ya gie ebi ro uwa, wa ghi ya rrua owẹ vbe avbe oke nekhua. Ne ọ ghẹ ya fi uwanmwẹ ne uwa rhie aro yi werriẹ khian ebiebi ne ọ so kankan ankan.

Jerimaia 15:9

Iyọmọ ne emọ ihinrọn wulo, sahẹ, ọ kegha si ọghọnrọn. Ebi avan ro ẹe. A fa ẹre ua, ọ khuọnmwi emianmwẹ udu I gha gie avbe eghian uwa gbele avbe uwa ni ghi ye rre agbọn vbọ. Mẹ ne Nọyaẹnmwa ta ẹe ne.”

Jerimaia 18:18

Emwa nii keghi kha wẹẹ, “Wa gia gualọ vbene a gha ru ẹmwẹ e Jerimaia hẹ. A gha miẹn avbe ohẹn ne ọ gha ma ima emwi rhinrin, avbe umẹwaẹn ni gha bu ima ude, kevbe avbe akhasẹ ni gha ta ẹmwẹ Osanobua ma ima. Wa gie a mu ẹmwẹ kuan rẹn, ne a ghẹ ghi danmwehọ ẹmwẹ ne ọ ta.”

Ezikiẹl 13:9

Ẹ i ghi rrei gbe I rri uwa ne akhasẹ ni miẹn umian ohoghe oya, ne uwa na vbe ta emwi ne a miẹn yotọ ni de ọmwa odẹ. Wa i ra gha rre evba vbe ẹghẹ ne avbe emwa mwẹ gha na si koko ne iran ta vbene iran gha ru emwi hẹ, a i ra vbe gbẹnnẹ eni uwa ba ọghe ivbi emotọ Izrẹl, wa i ra vbe dọlegbe gha rrie otọe uwa ẹdẹdẹmwẹdẹ. Ẹghẹ nii, wa gha na rẹn ighe mẹ ọrọre e Nọyaẹnmwa ne Udazi.

Ezikiẹl 7:26

Ọkhọ okpa gha lele ọvbehe. Iyẹn dan ghi gha gbe usun rre. Wa gha rinmwian avbe akhasẹ ne iran ta emwi ne iran miẹn. Avbe ohẹn i ghi ra miẹn emwi ma emwa ẹre, avbe eniwanrẹn i ra vbe miẹn ude bu.

Emọs 8:11

“Ẹghẹ dee, ne I gha na gie ukhunmwu la otọe nii, ohan mwẹ ghi gha gbe emwa, sokpan ẹ i re ohanmwẹ evbare, ovbamẹ gha gbe iran, sokpan ẹ i re amẹ, ne a wọn. Ohanmwẹ kevbe ovbamẹ ẹmwẹ ne ọ ke ehe ne Nọyaẹnmwa ye rre gha gbe iran. Mẹ ne Nọyaẹnmwa ne Udazi ọ re ọ taa ẹe.

Maika 2:6

Emwa nii gha na iyẹn mwẹ iran wẹẹ, “Ghẹ ghi ya unu salọ ima. Ghẹ ghi talọ egbe ẹmwẹ nii. Osanobua i fa ima an.