Maika 3:5 - Edo Bible (E Baibol Ẹdo) Version 1996

⁵ Emwa mwẹ khian ne avbe akhasẹ mu rẹrẹ, iran ghi bọ ọmọma ne iran ni rhie igho ne iran, sokpan ne ọ ma rhie igho ne iran, iran ghi wẹ re mu egbe khẹ okuo. E Nọyaẹnmwa tama avbe akhasẹ na nian wẹẹ,

Maika 3:5 ပူးပေါင်းရင်းမြစ်များ

Itan 28:21

Ohiẹn ikhuiwu i maa. Sokpan, enibuohiẹn eso gha ru emwikemwi ne ọ ma gba, sokpan ne ọ miẹn igho odieke ne ọ kanmwa sẹẹ re vbọ.

Aizaia 3:12

Iran ni rhie igho isu ne emwa mọmọ gha wọ emwa mwẹ uhunmwu, iran ni rri iran osa kevbe gha mu iran ru. Wa ne emwa mwẹ avbe ọkaolotu uwa bibi uwa odẹ sẹrriọ wẹ, wa ma ghi rẹn odẹ ne uwa ghẹ ghi la.

Jerimaia 23:27

“Iran ro wẹ imina ne iran ta gha ya mwẹ mianmian zẹ vbene avbe erha iran mianmian mwẹ, iran na lele Baal.

Jerimaia 23:32

Danmwehọ ẹmwẹ ne imẹ ne Nọyaẹnmwa tae! Ohu avbe akhasẹ ni ta imina iran ne ọ vuọn ne ohoghe mu mwẹ. Iran ghi gha ta avbe imina na, iran ghi gha bibi emwa mwẹ odẹ vbekpa ohoghe kevbe orhuọ ọghe iran. I ma gie iran, I ma wẹ ne iran gha khian, iran i zẹdẹ mwẹ asa ne iran ye ne emwa nii hiehiere. Mẹ ne Nọyaẹnmwa ọ re ọ tae.”

Jerimaia 6:14

Iran gha ru vbene a miẹn wẹ ẹwẹn avbe emwa mwẹ, emwi ne ọ bolo ọmwa egbe kẹkan nọ. Iran gha kha wẹ ehia wa maa, vberriọ emwi ne ọ maa rhọkpa i rrọọ.

Jerimaia 6:4

Iran gha kha wẹẹ, “Wa mu egbe ne a dekun e Jerusalẹm. Wa mu egbe! Ma gha dunmwu ẹẹn vbe ogiavan!” Sokpan, iran gha vbe kha wẹẹ, “Ọ kpee gbe nẹ, te ẹdẹ ghi ra mu, te aghọnghọn ota ghi wa tan.

Eve Orriara 2:14

Avbe akhasẹ, ruẹ i miẹn ẹmwẹ tama ruẹn gberra ohoghe, orhu ne iran kpe keghi de ruẹ odẹ rhunmwuda, iran ma vẹ orukhọ ruẹ uhe ua iran keghi ya uwẹ gha ro ighe orukhọ ne u gha rhunmwuda ẹre fiwerriẹ, irrọ.

Ezikiẹl 13:9

Ẹ i ghi rrei gbe I rri uwa ne akhasẹ ni miẹn umian ohoghe oya, ne uwa na vbe ta emwi ne a miẹn yotọ ni de ọmwa odẹ. Wa i ra gha rre evba vbe ẹghẹ ne avbe emwa mwẹ gha na si koko ne iran ta vbene iran gha ru emwi hẹ, a i ra vbe gbẹnnẹ eni uwa ba ọghe ivbi emotọ Izrẹl, wa i ra vbe dọlegbe gha rrie otọe uwa ẹdẹdẹmwẹdẹ. Ẹghẹ nii, wa gha na rẹn ighe mẹ ọrọre e Nọyaẹnmwa ne Udazi.

Hozia 4:5

Asọn kevbe avan ọ re uwa ya yin uyinmwẹ akpa, avbe akhasẹ ma vbe maa sẹ uwa. I ra do fuẹn ọnrẹn uan ighe Izrẹl ne iye uwa.

Joẹl 3:9

“Wa ya ẹmwẹ na wewe, ma avbe uhunmwu ẹvbo wẹẹ, ‘Wa mu egbe okuo; wa si iyokuo uwa koko ne uwa khianmwu!

Maika 2:11

“Egbe akhasẹ ne iran na ho ọrọre ne ọ talọ ohoghe kevbe ne ọ rẹrẹ emwa, ne ọ vbe kha wẹẹ, ‘I ta ẹe zẹ vbe akhasẹ wẹ ayọn kevbe emwi ne a da gha kpọkua ne uwa!’

Maika 3:11

Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Malakai 2:8

“Sokpan, banbanna nian, wa ne avbe ohẹn fi iyeke gbe odẹ ẹmwata ne ọ rrọ nẹ. Emwi ne uwa ma emwa ẹre wa sii emwa nibun ya gha ru emwi ne ọ ma kei. Wa rraa ile ne I gu uwa taa nẹ.

Matiu 15:14

Ghẹ zẹ ye iran re. Arọndẹ ni rhu aro iran khin. Arhuaro gha rhie arhuaro la odẹ uye iran eva ra kharha yi.”

Matiu 7:15

“Wa gha ba avbe akhasẹ ohoghe. Iran gha mu akpa ohuan khuẹrhẹ yọ bu uwa rre, sokpan oduma dan iran wa khọ vbe uwu egbe.

Ebe ne Pọl gbẹẹn gie emwa Rom 16:18

Rhunmwuda iran ni ru emwi vbe nian, ẹ i re Kristi Nọyaẹnmwa ọre iran ga, gberra evbare ne ọ khọn iran. Iran ghi ya ẹmwẹ ne ọ rhiẹnrhiẹn kevbe aranmwẹ erẹrẹ iran gha ye iran ni ma rẹn ọkpa ọ ma rẹn eva de odẹ.