Maika 3:4 - Edo Bible (E Baibol Ẹdo) Version 1996

⁴ Ẹghẹ dee ne uwa gha na datu tie Nọyaẹnmwa sokpan rẹn i ra zẹ ye uwa ẹre. Rẹn i ra vbe họn erhunmwu ne uwa na rhunmwuda wa ru emwi dan nẹ.

Maika 3:4 ပူးပေါင်းရင်းမြစ်များ

Job 27:9

Ukpokpo gha rre, Osanobua gha họn utumwẹ iran ra?

Job 35:13

Utumwẹ ne iran tu ladian i mwẹ esa ne ọ ye; Osanobua ne Udazi ma deghẹ iran a ma wẹ ọ gha vbe họn urhu iran.

Psalm 18:41

Iran tu nọ iyobọ sokpan, a ma miẹn ne ọ miẹn iran fan iran da tie Nọyaẹnmwa, sokpan, ọ ma khuẹnniẹn.

Itan 1:28

Ẹghẹ nii, wa ghi gha kpetie ẹwaẹn, sokpan, mẹ ira khuẹnniẹn. Wa sẹtin gualọ mwẹ lele ehe hia, sokpan, wa i ra miẹn mwẹ.

Itan 28:9

Adeghẹ wẹ i ya uhi ru emwi te erhunmwu ruẹn ra wa gha sọnnọ Osanobua.

Aizaia 1:15

“Wa gha viọ obọ da odukhunmwu gha na erhunmwu. I i tọn aro mu ghe uwa vbene uwa a rhirhi yan na erhunmwu sẹ hẹ, I i danmwehọ, rhunmwuda, esagiẹn gba uwa obọ.

Aizaia 3:11

Sokpan, ọghe avbe emwa dan fo nẹ. Emwi ne iran ka ru emwa ọvbehe re, ọ re a ghi ra vbe ru iran re na.

Jerimaia 11:11

Rhunmwuda ọnii nian, mẹ ne Nọyaẹnmwa, ọ re ọ tama iran yotọ na wẹ I ra do si ọfuan ye iran egbe, kevbe wẹ iran i sẹtin lẹ ọre fe. Iran gha tu bu mwẹ gha dee do nọ iyobọ, I i zẹdẹ zẹ ye iran ẹre.

Jerimaia 14:12

Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”

Jerimaia 33:5

Eso gha gu ivbi e Babilọn gbinna, emwa ni gha ya ẹe vuọn avbe owa ni hia ighẹ ikun emwa ne I gha gbe ku otọ vbe uwu ohu kevbe okuosu mwẹ. I fi iyeke gbe hin ẹvbo na egbe rre nẹ rhunmwuda avbe emwi dan ne emwa ni rrọọ ru.

Jerimaia 5:31

Avbe akhasẹ i ta ẹmwẹ ọvbehe gberra ohoghe, vbene avbe akhasẹ khare ọ re avbe ohẹn ya khaemwisẹ yan emwa, emwa mwẹ i vbe wẹ hẹn. Sokpan, ena hia ghẹ ghi fo nia, vbe iran gha ru hẹ?”

Ezikiẹl 8:18

Obọ ohu mwẹ gha vba iran. I i ra sẹ iran rae, a ma wẹ ne I tohan iran. Iran gha go gboo gha na erhunmwu ghe mwẹ, sokpan I i zẹ ye iran ẹre.”

Maika 3:7

Iran ni ta emwi ni gha he sunu ye otọ, efaa gha rruan iran vbe ọ ma ghi sẹ vberriọ. Emwiekhue gha rruan iran rhunmwuda Osanobua ma ghi zẹ ẹmwẹ wanniẹn iran.

Maika 7:13

Sokpan otọ agbọn gha khian ato rhunmwuda uyinmwẹ dan ọghe emwa ni rrọọ.

Zẹkaraia 7:13

Rhunmwuda ne iran ma na zẹ yọ vbe I gu iran guan, iran ghi vbe na erhunmwu, mẹ ma vbe zẹ yọ.

Matiu 7:22

Ogha sẹ ẹdẹ ne a kha na, emwa nibun gha khama mwẹ wẹẹ, ‘Nọyaẹnmwa, Nọyaẹnmwa, ma ya eni ruẹn kporhu Osanobua. Ma khulo orhiọn dan nibun ladian. Ma winna iwinna ọyunnuan nibun vbe eni ruẹn.’

Iyẹn ne ọ Maan Ọghe Luk 13:25

Ọdafẹn ne ọ yan owa gha guakpao, ọ ghi ya khui urho, ẹghẹ nii, wa ghẹ ghi mudia ye ore gha tie, ‘Enọwanrẹn, kie ne ima!’ rẹn ghi wanniẹn tama uwa wẹẹ, ‘I ma rẹn ehe ne uwa ke rre.’

Iyẹn ne ọ Maan Ọghe Jọn 9:31

Ma rẹnrẹn wẹ Osanobua i zẹ ye ọmwa orukhọ ẹre, sokpan ọ zẹ ye avbe emwa ni daa nẹ re, ni vbe ru emwi ne ọ ho ne iran gha ru.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

I Samuẹl 8:18

Ẹghẹ nii gha sẹ, wa ghi gha gui ẹzọ orriara ọghe ọna imaan vbe ekpa avbe ọba uwa, ne uwa tobọ uwa zẹe, sokpan e Nọyaẹnmwa i ra zẹ ye ẹzọ ne uwa gui.”