Maika 3:3 - Edo Bible (E Baibol Ẹdo) Version 1996

³ Wa rri avbe emwa mwẹ, wa zẹ iran ohian, wa guọghọ ugboloko iran, wa keghi giagia iran ye otọ zẹ vbene a giagia emiowo hẹ ye uwọnmwẹ.

Maika 3:3 ပူးပေါင်းရင်းမြစ်များ

Psalm 14:4

E Nọyaẹnmwa keghi nọ wẹẹ, “Iran ma rẹn ra? Te iran ni ru emwi dan na ma gele rẹn ne a ye ra? Emwa mwẹ ọ re iran rha ya koko egbe iran. Iran i vbe na erhunmwu gha mwẹ.”

Psalm 27:2

Ugbẹn vbe iran ne emwa dan, dekun mwẹ, iran keghi dele.

Itan 30:14

Emwa eso rrọ ne obọ ẹre wa rhanmwẹ ivbogue kevbe ne ẹ i mwẹ, ọnii ọ re iran wa ya re.

Aizaia 3:14

E Nọyaẹnmwa ra do buohiẹn avbe ediọn kevbe avbe ọkaolotu emwa irẹn, ọ baa iran ifi ẹzọ wẹẹ, “Wa ya de rhu avbe ogba azara, owa ọghe uwa vuọn ne emwi ne uwa miẹn avbe ivbiogue re.

Aizaia 3:15

Wa i mwẹ asẹ ne uwa gha ya gha piẹn emwa mwẹ ginnotọ, ne uwa vbe gha mu avbe ivbiogue vbuẹvbuẹ. Mẹ ne Udazi e Nọyaẹnmwa ne Oghodua ọ re ọ tae.”

Ezikiẹl 11:3

Iran khare wẹẹ, ‘Ma gha rherhe suẹn gha dọlegbe bọlọ owa. Ẹvbo yevbe akhe ne a ya le evbare, ma keghi vbe yevbe emiowo ne ọ rrọọ, sokpan, ọ yevbe degue ima hin obọ erhẹn rre.’

Ezikiẹl 24:4

Viọ emiowo ne ọ ghi maa sẹ yọ, izabọ kevbe owẹ ọre, vbe viọ avbe ugboloko ni maa sẹ yọ.

Emọs 8:4

Wa danmwehọ ẹmwẹ na, wa ni ya owẹ rrilo ne ẹ i mwẹ ginna otọ, ne uwa na vbe ho ne uwa fuẹn avbe ivbiogue ni rre ẹvbo hinrre.

Maika 2:8

E Nọyaẹnmwa keghi wanniẹn wẹẹ, “Wa gha gu emwa mwẹ gbinna zẹ vbe eghian. Emwa gha ke okuo rre, iran ghi gha ro wẹ egbe rọkhọ iran vbe owa, sokpan, wa gha khẹ, ne uwa bannọ iran ukpọn ne ẹkun hẹ gha rrie.

Zẹfanaia 3:3

Avbe ekhaẹmwẹ ọnrẹn yevbe oduma ni tulo wauwauwau. Iran ni buohiẹn ni rrọ yevbe akpakomiza ne ohanmwẹ gbe, ne obọ da sẹrriọ wẹ ẹ i ghi sẹtin sẹ ugboloko ọkpa rae khẹ owiẹ nọkpa.