Maika 3:2 - Edo Bible (E Baibol Ẹdo) Version 1996

² Sokpan, ohu emwi esi ghi gha mu uwa, wa ghi gha ho ẹmwẹ emwi dan, wa gha zẹlẹ emwa mwẹ ohian, ke iran kevbe ẹmwẹ ne unu, wa keghi gbẹn ugboloko iran hia.

Maika 3:2 ပူးပေါင်းရင်းမြစ်များ

I Ọba 21:20

Ugbẹn vbe Ehab ghi bẹghe Elaija, ọ tama rẹn wẹẹ, “U vbe zọ owẹ mwẹ miẹn nẹ ra oghian mwẹ.” Elaija keghi wanniẹn wẹẹ, “Ẹn, I zọ owẹ ruẹ miẹn nẹ rhunmwuda u na wa rhie gba yọ ne u gha ru emwi ne ọ ma gba vbe odaro e Nọyaẹnmwa.

II Krọnikol 19:2

Akhasẹ ọkpa, e Jehu ne ovbi e Hanani keghi ya vba ọba, ọ tama rẹn wẹẹ, “Wẹ yayi we emwi ne ọ gbae nọ ne a gha yi iran ne emwa dan obọ ra, ra ne a yegbe ba iran ni khuiwu e Nọyaẹnmwa? Emwi ne u ru si ohu e Nọyaẹnmwa yan ruẹn uhunmwu nẹ.

Psalm 15:4

Ọmwa ne emwa ne Osanobua kan fua sọnnọ, sokpan, ọ ghi gha ya ọghọ ne iran ni họn ẹmwẹ ne Nọyaẹnmwa. Ọmwa ne ọ ru zẹ vbene ọ yanrẹn vbe ẹghẹ hia, ehe ne ọ rhirhi khọn rẹn ne ọ degbe.

Psalm 53:4

Osanobua keghi nọọn wẹẹ, “Iran ma rẹn ra? Iran ni ru emwi dan na ma rẹn ne a ye ra? Emwi ne iran do emwa mwẹ re hẹ ọ re iran ya koko egbe, iran i vbe na erhunmwu ghe mwẹ.”

Itan 28:4

Adeghẹ wẹ i zẹye vbene uhi khare, avbe emwa dan ọ re uwẹ ye egbe baa, sokpan, u gha ya ẹe ru emwi, te u gu iran gbinna.

Aizaia 3:15

Wa i mwẹ asẹ ne uwa gha ya gha piẹn emwa mwẹ ginnotọ, ne uwa vbe gha mu avbe ivbiogue vbuẹvbuẹ. Mẹ ne Udazi e Nọyaẹnmwa ne Oghodua ọ re ọ tae.”

Aizaia 5:20

Ọghe uwa fo nẹ! Wa ni tie emwi dan emwi esi, kevbe emwi esi, emwi dan. Wa fi ebiebi werriẹ khian uwanmwẹ, wa keghi fi uwanmwẹ werriẹ khian ebiebi! Wa ya emwi ne ọ rriara khian ne ọ rhiẹnrhiẹn, wa keghi ya ne ọ rhiẹnrhiẹn khian ne ọ rriara.

Aizaia 57:12

Wa ro wẹ emwi ne uwa ru gbae, sokpan, I gha vẹ uwa uhe ua, avbe ẹbọ uwa i ra vbe sẹtin ru iyobọ ne uwa.

Ezikiẹl 11:7

“Rhunmwuda ọnii nian, wa họn vbene imẹ ne Nọyaẹnmwa ne Udazi tama uwa hẹẹ. Ẹmwata, te ore ẹvbo gele yevbe akhe ne a ya le evbare, sokpan, de emwi ne emiowo ne ọ rrọ khin yi? Ikun avbe emwa ne uwa gbele ua! Wa i di emwa na ya hiehiere, te I ra filo uwa kua hin ore ẹvbo na rre.

Ezikiẹl 22:27

Avbe ewọe oga ọba yevbe avbe oduma ni wa zanzan aranmwẹ ne iran gbe. Iran de izigha ne iran miẹn ehe na họn ẹfe.

Ezikiẹl 24:4

Viọ emiowo ne ọ ghi maa sẹ yọ, izabọ kevbe owẹ ọre, vbe viọ avbe ugboloko ni maa sẹ yọ.

Ezikiẹl 34:3

Wa wọn ewẹn iran, wa rhuan ukpọn ne a ya eto iran do, wa kevbe gha gbele avbe ohuan ni maa sẹẹ vbọ re. Sokpan, wa i koko nene avbe ohuan.

Emọs 4:1

Wa danmwehọ ẹmwẹ na, wa ne ikhuo e Sameria, ni ti ye egbe vbe ẹmila ne a koko vbe Basian, ni ru emwa ni ma wegbe khọ, ni wọ avbe ivbiogue uhunmwu, ni nọ wẹ ne avbe ọdafẹn iran gha dẹ ayọn gie iran.

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Maika 2:8

E Nọyaẹnmwa keghi wanniẹn wẹẹ, “Wa gha gu emwa mwẹ gbinna zẹ vbe eghian. Emwa gha ke okuo rre, iran ghi gha ro wẹ egbe rọkhọ iran vbe owa, sokpan, wa gha khẹ, ne uwa bannọ iran ukpọn ne ẹkun hẹ gha rrie.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Zẹfanaia 3:3

Avbe ekhaẹmwẹ ọnrẹn yevbe oduma ni tulo wauwauwau. Iran ni buohiẹn ni rrọ yevbe akpakomiza ne ohanmwẹ gbe, ne obọ da sẹrriọ wẹ ẹ i ghi sẹtin sẹ ugboloko ọkpa rae khẹ owiẹ nọkpa.

Iyẹn ne ọ Maan Ọghe Luk 19:14

Emwa ẹvbo ẹre i ho ẹmwẹ ọnrẹn, rhunmwuda ọnii, iran keghi zẹ ọrhẹ lelẹe ne iran ya kha wẹ, ‘Ma i ho ne okpia nii rrie egie yan ima.’

Iyẹn ne ọ Maan Ọghe Jọn 18:40

Iran keghi van okan ya rhie ewanniẹn ne ẹn wẹẹ, “Hiehiere, ẹ i re irẹn, Barabbas ma họ.” (Izigan ọre Barabbas gha khin.)

Iyẹn ne ọ Maan Ọghe Jọn 7:7

Agbọn i sẹtin gha khuiwu uwa, sokpan mẹ ọre ọ khuiwu ẹre rhunmwuda ne I na tama rẹn wẹ iwinna rẹn ẹ i ma.

Ebe ne Pọl gbẹẹn gie emwa Rom 1:32

Iran rẹnrẹn wẹ Uhi Osanobua kha re ighẹ uhunmwu ọre emwa ni ru emwi vberriọ ya khiọ ẹre. Sẹ evba, te iran ye ru avbe emwi na, ne ọ ghi wa rhia sẹ vbọ ọrọre wẹ, iran ghi vbe gha kpe ọbọbọ ye emwa ni ru vberriọ re.

Ebe ne Pọl gbẹẹn gie emwa Rom 12:9

Wa gie aho ẹmwẹ ọmwa gha re ne ọ sẹ otọ ẹko. Ghẹ gha ma ẹko emwi dan. De obọ mu emwi esi.

II Timoti 3:3

Iran i ghi mwẹ itohan, iran ghi rri vbe ekhọe, iran ghi ye unu rhia ọmwa ran, iran ghi gha yin uyinmwẹ ikẹtin, aro iran ghi gha kpannọ ugiọnmwẹ erhẹn, ohu emwi ne ọ maa ghi gha mu iran.