Maika 3:11 - Edo Bible (E Baibol Ẹdo) Version 1996

¹¹ Iran ni khaemwisẹ vbe ẹvbo, igho ọ re iran re ya khaemwisẹ, avbe ohẹn gha miẹn igho ye otọ Uhi ne iran rhan ma emwa, igho ọ re avbe akhasẹ miẹn ya ghe umian, ehia ghi ye gha kha wẹ e Nọyaẹnmwa rrọ yaba iran. Iran ghi gha kha wẹẹ, “Emwi rhọkpa i ru ima, e Nọyaẹnmwa rrọọ yaba mwa.”

Maika 3:11 ပူးပေါင်းရင်းမြစ်များ

Itan 17:23

Ọbuohiẹn ne ẹ i ta ẹmwata ghi gha do rhie igho odieke, vbe iyeke ọnii, ibuohiẹn ẹmwata i ghi rrọ.

Aizaia 1:23

Etẹ ọ re avbe ọkaolotu ruẹ khin, kevbe avbe ọse avbe oyi, ẹghẹ hia ọ re iran ya miẹn emwa emwi ihaoko kevbe igho odieke. Iran i guan ne avbe ne ẹ i mwẹ erha vbe iko ẹzọ, erriọ iran i vbe zẹye avbe ẹgbẹ re vbe iran a do gui ma iran.

Aizaia 48:2

Sevba wa ghi ye gha ya unu hia tae wẹ ivbi ore nọkhua ọghe ẹvbo nọhuanrẹn nii ọ re uwa khin, kevbe wẹ Osanobua Izrẹl ọ re uwa ya egbe kọ ọmwa ne eni ẹnrẹn re e Nọyaẹnmwa ne Oghodua.

Aizaia 5:23

Sokpan, wa gha rri igho odieke kherhe nẹ, wa ghi fannọ emwa ni rri abe kua, wa ighi gie ne ọ ma rukhọ miẹn ibuohiẹn ẹmwata ne ọ khẹke ẹe.

Aizaia 56:11

Iran yevbe ekita ne aro vbẹ ne ẹko i vuọn. Avbe ọkaolotu na ma rẹn emwirhọkpa. Dọmwadẹ ọghọe vbe uwu iran ghi wa gha ru vbene ọ khọnrẹn, iran ghi gha gualọ ọghe obọ iran. Iran ghi kha wẹẹ.

Jerimaia 23:17

Iran ghi gha tama emwa ni ma zẹye ẹmwẹ ne I tama iran wẹ, agbọn gha wa ma iran. Iran ghi vbe gha tama ọmwa ne ọ zevbudu wẹ ọkhọ okpa i ra ya obọ kan rẹn.”

Jerimaia 26:7

Avbe ohẹn, avbe akhasẹ, kevbe avbe emwa ni hia họẹn vbe I ta ẹmwẹ na vbe Ọgua Osa.

Jerimaia 5:12

Emwa e Nọyaẹnmwa siẹn ọẹn, iran keghi kha wẹẹ, “Vbe ẹmwata, ẹ i ra ru emwi rhọkpa, ma i ra miẹn emwi ne ọ ba vbe aro, ma i ra miẹn okuo ra ukhunmwu.”

Jerimaia 6:13

Emwa hia fẹẹrẹ, ọkpọlọ kevbe ọ kanmwa, wa la odẹ ne ọ ma khuia gualọ igho. Uhin ighẹ te avbe akhasẹ kevbe avbe ohẹn ghi mu emwa ni ru.

Jerimaia 7:4

Wa dobọ ẹmwẹ ne uwa ya rẹrẹ egbe nii yi, ne uwa na kha wẹẹ, ‘Emwi rhọkpa i ra ru mwa! Ọgua Osa e Nọyaẹnmwa ọ re ọna khin, Ọgua Osa ọghe Nọyaẹnmwa ọ re ọna khin, Ọgua Osa ọghe Nọyaẹnmwa ọ re ọna khian!’

Jerimaia 8:10

Rhunmwuda ọnii, I gha munọ ugbo iran ne emwa ọgbọn ọvbehe, I ghi vbe viọ amwẹ iran ne ikpia ọvbehe. Emwa hia fẹẹrẹ, ke ọ kpọlọ kevbe ọkanmwa, wa ni gha hia ne iran gha la odẹ ne ọ ma khuia khuan igho. Uhin ighe te avbe akhasẹ kevbe avbe ohẹn ghi mu emwa ni ru.

Ezikiẹl 22:12

Eso vbe uwu avbe emwa uwa de izigha ya miẹn igho. Eso miẹn igho isu vbe ivbi Izrẹl ne ihua iran ne iran rhie igho na, iran ghi do ye ne iran na mu iran vbuẹvbuẹ fe. Iran mianmian mwẹ nẹ. E Nọyaẹnmwa ne Udazi guaan nẹ.

Ezikiẹl 22:27

Avbe ewọe oga ọba yevbe avbe oduma ni wa zanzan aranmwẹ ne iran gbe. Iran de izigha ne iran miẹn ehe na họn ẹfe.

Ezikiẹl 34:2

“Ovbi ọmwa, ta ku avbe ọkaolotu Izrẹl. Ta ẹmwẹ akhasẹ ma iran, ne u tama iran vbene imẹ ne Nọyaẹnmwa ne Udazi khama iran hẹ wẹẹ: ‘Wa wiri, wa ne ọsuohuan Izrẹl! Wa gha koko egbe uwa, sokpan, wa ma koko avbe ohuan.

Hozia 4:18

Iran ghẹ ghi da ayọn nẹ ẹsẹse, ẹmwẹ ebabotu ne iran gbe ọ re ọ ghi rre iran aro, ifaegbe ua ghi yẹ iran sẹẹ ọghọ.

Hozia 4:8

Orukhọ ne avbe emwa mwẹ ru ọ re uwa ya họn ẹfe, rhunmwuda ọnii, te uwa ghi ho ne iran kakabọ gha ru orukhọ yọ.

Emọs 5:14

Wa rhie ekhọe yọ ne uwa gha ru emwi ne ọ gbae, ẹ i re emwi dan, ne uwa miẹn ehe na diagbọnya. Ẹghẹ nii ọ re Nọyaẹnmwa ne Oghodua gha na yaba uwa zẹ vbene uwa ta ẹe na ighe ọ yaba uwa.

Emọs 9:10

A gha gbele avbe emwa orukhọ ni rre emwa mwẹ vbe okuo, iran hia ni kha wẹẹ, ‘Osanobua i gie ọkhọ sunu vbe egbe mwa.’ ”

Maika 3:5

Emwa mwẹ khian ne avbe akhasẹ mu rẹrẹ, iran ghi bọ ọmọma ne iran ni rhie igho ne iran, sokpan ne ọ ma rhie igho ne iran, iran ghi wẹ re mu egbe khẹ okuo. E Nọyaẹnmwa tama avbe akhasẹ na nian wẹẹ,

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Zẹfanaia 3:3

Avbe ekhaẹmwẹ ọnrẹn yevbe oduma ni tulo wauwauwau. Iran ni buohiẹn ni rrọ yevbe akpakomiza ne ohanmwẹ gbe, ne obọ da sẹrriọ wẹ ẹ i ghi sẹtin sẹ ugboloko ọkpa rae khẹ owiẹ nọkpa.

Zẹfanaia 3:4

Avbe akhasẹ nii rrọ ma rẹn enegbe, uma dan iran si, avbe ohẹn ghi gha ru awua avbe emwi nihuanrẹn, iran gha khiẹn uhi Osanobua ne ọ miẹn ehe na gua emwi ne iran ho ro.

Malakai 1:10

E Nọyaẹnmwa ne Oghodua khare wẹẹ, “Akpawẹ a miẹn ọkpa vbe uwu uwa ne ọ gha khui urho Ọgua Osa nian ne uwa ghẹ ghi miẹn ehe na ya gha hie erhẹn nọ ma maa ye Ogiukpo mwẹ. Ẹko uwa i ma mwẹ hiehiere. I i ra rhan obọ miẹn emwi ihaoko ne uwa viọ gunmwẹ.

Malakai 2:9

Rhunmwuda ọnii, te imẹ ghẹghi vbe ru ẹe wẹ ne ivbi Izrẹl gha zan uwa rhunmwuda wa ma ru vbene imẹ ho; wa gha ma emwa emwi, wa i ya obọkpa mu emwa hia.”

Nọmbas 16:15

Ohu keghi mu e Mosis, ọ na tama e Nọyaẹnmwa wẹẹ, “Ghẹ rhan obọ miẹn izẹ ọhẹ rhọkpa ne iran na viọ rre. Ne I ru ẹre emwi rhọkpa irrọ vbe uwu iran, I ma vbe mu vbe uwu avbe ekẹtẹkẹtẹ iran.”

Nọmbas 22:7

Ẹre avbe ọkaolotu Moab ke Midian na viọ igho ne iran gha ya ha osa ne ẹẹn vbe ọ gha fi iran unu mwẹ obọ, iran keghi bu e Balam gha khian, iran na ya tama rẹn vbene Balak gie.

Matiu 3:9

Wa ghẹ gha roro ighe uwa gha sẹtin mu Ebraham zasa ne uwa muẹn gba ye ukpẹ gha tie, ‘Ivbi Ebraham ma khin.’ Ne I tama uwa wẹ Osanobua gha sẹtin viọ vbe avbe okuta na ya ru uniẹn ne Ebraham.

I Timoti 3:3

Ọ ma kei ne ọ gha re ọdayọn ra ne ọ fian ọkpannike, sokpan, ọ ghi gha re ọmẹhẹ kevbe ne ẹ i ho ẹmwẹ, ọ ma ke ne ọ gha ho ẹmwẹ igho.

Taitọs 1:11

Ọ kere ne a da iran obọ ẹmwẹ ne iran guan yi, rhunmwuda, igiowa ni bun ọre iran ye emwi ne ọ ma te kei ne iran ma emwa ẹre, gbe sẹ otọ, ba ẹmwẹ emwiekhue wẹ, te iran gualọ igho.

I Pita 5:2

Wa gha re Ọsuohuan avbe oghẹn ohuan ne Osanobua viọ ne uwa, wa gha ye aho ne ọ ke uwu ekhọe rre gbe aro ghe iran, vbene Osanobua ho ne uwa gha ru ẹe, ẹ i re ne a gbe omaro omaro ru. U ghi gha winna iwinna ruẹn, ẹ i re rhunmwuda ne a miẹn ehe na ha ruẹ osa kẹkan, sokpan aho ne a winna ne ọ ke ekhọe rre.

Ebe ne Jud gbẹẹn 1:11

Umiẹn agbọn ne iran ye. Odẹ ne Ken lae ọre iran vbe la, iran keghi rhunmwuda igho ya egbe iran fi ohan ne abaku ru, zẹ vbene Balam ru. Isọtẹ fuẹn iran uan, zẹ vbe ne Kora sọtẹ.

I Samuẹl 8:3

Sokpan, iran ma lele ukpowẹ erha iran. Igho ne a khuan ọkpa ọ re aro iran wa gha ye. Rhunmwuda ọnii, iran kegha rri igho odieke, iran na gha khiẹn ohiẹn bu.