Maika 2:9 - Edo Bible (E Baibol Ẹdo) Version 1996

⁹ “Wa khulo avbe ikhuo ne emwa mwẹ mwẹ kua vbe owa ne ọ yẹ iran. Wa ma ghi gie afiangbe mwẹ sẹ ivbi iran obọ ẹdẹdẹmwẹdẹ.

Maika 2:9 ပူးပေါင်းရင်းမြစ်များ

Psalm 72:19

Wa rho eni ẹnrẹn ne ọ mwẹ uyi ẹdẹdẹmwẹdẹ. Te uyi ẹre gha gha otọ agbọn hia. Isẹ! Isẹ!

Jerimaia 10:20

Owa ukpọn mwa rhiae, irri ne ọ da ẹe yi giagiae. Ivbi mwa hia kpao. Emwa ne ọ ghaghi mu owa ukpọn mwa kpaegbe i ghi rrọọ, ọmwa i ghi rrọ ne ọ gha tan ukpọn onurho ẹre.”

Ezikiẹl 39:21

E Nọyaẹnmwa keghi kha wẹẹ, “I gha gie avbe uhunmwu ẹvbo miẹn uyi mwẹ kevbe vbene I ya ẹtin mwẹ mu emwamwa ne ọ kere sẹ hẹ.

Joẹl 3:6

Wa viọ ivbi e Juda kevbe Jerusalẹm, wa na viọ iran khian rrei, wa na ya khiẹnnẹ iran ne ivbi e Grik.

Emọs 2:7

Iran ye owẹ rrilo ovbiogue kevbe ne ẹ i mwẹ ginna otọ, iran keghi vbe sua ovbiogue hin urodẹ rre. Ọmọ kevbe erha ẹe ghi gha gu ọmọ okhuo ọviẹn ọkpa ru emwi, iran na la ekpa ọnii ya iruẹn ye eni mwẹ nọhuanrẹn.

Maika 2:2

Iran gha gualọ ako oha, iran ghi ya ẹtin vbe iwegbe mu ẹẹn, iran gha gualọ owa, iran ghi mu ẹẹn. Ẹgbẹe ọmwa ra ẹfe ọmwa ne egbe rọkhọ ẹe ẹ i ghi rrọọ.

Habakọk 2:14

Sokpan, urẹnmwẹ uyi Osanobua gha vuọn agbọn na hia zẹ vbene amẹ vuọn okun.

Zẹkaraia 2:5

E Nọyaẹnmwa tobọ ẹre tae nẹ wẹ te irẹn ra gha re ekẹn erhẹn lẹga ẹvbo nii ne irẹn gha degue ẹre, kevbe wẹ tẹ irẹn ra gha rre evba ke irẹn kevbe uyi irẹn hia.”

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Iyẹn ne ọ Maan Ọghe Mak 12:40

Iran miẹn ehe na la avbe ẹgbẹ egbe, iran ghi khiẹn iran obọ miẹn iran owa iran, iran ghi do gha na erhunmwu ne ọ taẹn ọghe ne a ba bẹghe mwẹ. Te oya ne a ra rri iran ẹre yae khọrhiọn yọ!”

Iyẹn ne ọ Maan Ọghe Luk 20:47

Iran ni miẹn ehe na la avbe ẹgbẹ egbe, iran keghi gbe iran miẹn iran owa iran, iran ghi gha na erhunmwu ne ọ taẹn ọghe ne a ba bẹghe mwẹ. Iran ọre a ra rri ọre oya ne ọ sẹ re vbe ehia.”

II Kọrinti 3:18

Ma hia fẹẹrẹ khekherriọ, ọre ọ rhie uyi Nọyaẹnmwa maa vbe aro ne a ma rhie emwi gue. Nene uyi ọkpa nii, ghi ke ehe ne Nọyaẹnmwa, ne ọre nene Orhiọn ye rre, do fi ima werriẹ khian vbene irẹn ye, vbe uyi ne ọ kpọlọ sẹ ọna ẹsẹse.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

I Samuẹl 26:19

U ghi danmwehọ mwẹ, Umogun. A deghẹ e Nọyaẹnmwa ọ re ọ werriẹ ruẹ aro da mwẹ, a gha zọ ese imuohan gie ẹe, ọ gha fi ekhọe werriẹ, sokpan, a deghẹ emwa ne agbọn ọ re ọ ru ẹe, e Nọyaẹnmwa ọ re ọ gha fi iran unu. Rhunmwuda, iran khu mwẹ hin otọe e Nọyaẹnmwa rre. Iran wẹ ne I ya gha ga ẹbọ ẹrrẹe, kevbe ne I vbe gbe ihoi vbe otọe ne Nọyaẹnmwa mu ne emwa rẹn.