Maika 2:6 - Edo Bible (E Baibol Ẹdo) Version 1996

⁶ Emwa nii gha na iyẹn mwẹ iran wẹẹ, “Ghẹ ghi ya unu salọ ima. Ghẹ ghi talọ egbe ẹmwẹ nii. Osanobua i fa ima an.

Maika 2:6 ပူးပေါင်းရင်းမြစ်များ

Psalm 74:9

Avbe emwi iruẹmwi ni huanrẹn hia, ne ima mwẹ fo, akhasẹ ma ghi vbe keẹ, orhiọnkpa ne ọ rẹnrẹn vbene ọna gha kpee sẹ hẹ vbe otọ i rrọ.

Aizaia 29:10

E Nọyaẹnmwa ru ẹe nẹ, ne uwa gha vbiẹhunde, te ovbe ghi ra gbele uwa kua na. Avbe akhasẹ ọ re ọ te kei ne ọ gha re aro emwa nii, sokpan, Osanobua rhu iran aro nẹ.

Aizaia 30:10

Iran ghi khama avbe akhasẹ wẹ ne iran gue unu. Iran ghi kha wẹẹ, “Ghẹ ta ẹmwẹ emwi ne ọ re nọgbae ma ima. Ta emwi ne ima ho ne ima họn ma ima, gie ima hẹko gha dada ebibi ekhọe mwa khian.

Ezikiẹl 20:46

“Ovbi ọmwa, tọn aro mu ghe odẹ ekẹn. Ta ku odẹ ekẹn ne u vbe guan ẹmwẹ akhasẹ ghe avbe ẹgbo ni rre odẹ ekẹn.

Ezikiẹl 21:2

“Ovbi ọmwa, ta ku e Jerusalẹm. Ta ku ehe ne emwa na ru ugamwẹ. Tama otọ Izrẹl yotọ wẹ,

Ezikiẹl 3:26

I gha gbe uẹ aranmwẹ ne unu vbene a gha na miẹn wẹ u i ghi sẹtin tama avbe etẹ na yotọ khẹ ọ dee.

Emọs 2:12

Sokpan, wa kegha ya ayọn ne Nazarait da, wa na wẹ ne avbe akhasẹ ghẹ ta uhunmwu ne I gie iran re ma uwa.

Emọs 7:13

Gie iran gha ha ruẹ osa yọ. Ghẹ ghi guan ẹmwẹ akhasẹ vbe emwa vbe Bẹtẹl ọvbehe. Ehe ne Ọba na ga ọ re ọna khin, Ọgua Osa ẹvbohoho.”

Emọs 7:16

“Rhunmwuda ọnii nian, danmwehọ vbene Nọyaẹnmwa kha hẹ. U wẹ ne I dobọ ẹmwẹ akhasẹ ne I ta yi, ne I ghẹghi talọ ku ivbi Izrẹl.

Maika 3:6

“Wa ne avbe akhasẹ, ẹdẹ uwa rrie dọn ọn, ebi avan ra ro uwa. Rhunmwuda ne uwa na de emwa odẹ, wa i ghi ra miẹn umian akhasẹ ọvbehe, wa i ghi ra dọlegbe sẹtin ta emwi ne ọ gha he sunu ye otọ.”

Maika 6:16

Emwi na hia gha sunu rhunmwuda emwi dan ne Ọba Ehab ne ovbi Ọmri gu ẹe, ọ re uwa vbe guẹ. Emwi ne iran mu gbọọ ọ re uwa lele, rhunmwuda ọnii, I gha fuẹn uwa a, emwa hia ghi gha zan uwa. Emwa hia ghi gha sọnnọ uwa vbe ehe hia.”

Iwinna 4:17

Sokpan ne a miẹn ehe na gbe ukhu ẹre ua, ne ọ ghẹ hin obarowa vbe uwu ẹbu emwa na, wa gie a yan ma iran ne iran ghẹ ghi ya eni Jesu gu ọmwa rhọkpa guan.”

Iwinna 5:28

“Te ima wa mobọ yan ma uwa wẹ ne uwa ghẹ ghi ya eni ọmwa na ma ọmwarhọkpa emwi. Wa ma miẹn emwi ne uwa ru nian. Wa ya iruẹmwi uwa gba Jerusalẹm hia, te uwa ghi ra gie a lẹ ẹmwẹ uwu ẹre ginna ima obọ.”

Iwinna 5:40

Iran keghi tie avbe ukọ la owa, iran ghi gbe iran asan nẹ, iran keghi dọlegbe yan ma iran ne iran ghẹ ghi ta ẹmwẹ rhọkpa vbe eni Jesu, iran na zẹ iran obọ.

Iwinna 7:51

“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ.