Maika 2:5 - Edo Bible (E Baibol Ẹdo) Version 1996

⁵ Rhunmwuda ọnii, ẹghẹ gha ghi sẹ ne a gha ya dọlegbe mu otọe nii ne emwa Nọyaẹnmwa, ẹ i ghi sẹ uwa rhọkpa obọ vbọ.

Maika 2:5 ပူးပေါင်းရင်းမြစ်များ

II Ọba 17:23

Rhinrin a te do miẹn vbe okiekie wẹ, e Nọyaẹnmwa wẹ ne a ho iran bẹkun vbe odaro irẹn, zẹ vbene ọ la unu avbe akhasẹ ne eguọmwadia ẹre ya obọ sẹ ekhae ne iran wẹ rẹn gha ru ẹe vberriọ. Ẹre a na miẹn wẹ a viọ ivbi Izrẹl gha rrie iwe vbe Asiria, ehe ne iran ye ye do sẹ ẹdẹnẹrẹ na.

I Krọnikol 16:18

“I gha mu otọ Kenan nuẹn ọwuẹ ra gha nọ.” Erriọ ọ re ọ tae.

Nehimaia 7:61

Iran eva yan iyeva, yan arria eha (642) kegha rrọ vbe ẹwae Delaia, Tobaia, kevbe Nekoda ni ke avbe ẹvbo ne a tie ẹre Tẹl Mela, Tẹl Hasia, e Kerub, Adọn kevbe Imẹ rre, sokpan iran ma sẹtin rhan otọ ẹre fo wẹ uniẹn ivbi Izrẹl ọ re iran khin.

Psalm 16:6

Okhekhe ọ re emwi ne u ya mẹ hia khin u miẹn vbe iran ma hẹ!

Hozia 9:3

Ivbi Izrẹl i ra vbe gha rre otọe e Nọyaẹnmwa, sokpan, te iran ra werriegbe gha rrie Igipt, iran ghi vbe ya gha rri evbare awua vbe Asiria.

Nọmbas 34:13

Ẹre Mosis na tama ivbi Izrẹl wẹẹ, “Otọe ne uwa ra yan uta yi ya ghae ọre ọna khin, otọe ne Nọyaẹnmwa ya ne ẹwae ihinrin vbe ukhiọnmwẹ.

Nọmbas 34:16

E Nọyaẹnmwa keghi tama e Mosis wẹẹ,

Diuteronomi 23:2

“Ọmọ ne erha ẹe vbe iye ẹe ma rọnmwẹ egbe, a ghẹ ka ẹe kevbe emọ ne ọ gha biẹlẹ ba emwa e Nọyaẹnmwa, uhin ya sẹ orre ne ogigbe.

Diuteronomi 23:8

Emọ ne iran biẹlẹe, a sẹtin ke orre ne ogieha ka iran ba emwa e Nọyaẹnmwa.

Diuteronomi 32:8

Nọyosẹ ọ re ọ ghae otọe sẹ ẹvbo obọ, rẹn ọ re ọ ta ehe ne emwa gha yin, ọ ghae otọ edọmwadẹ ẹvbo ne ẹẹn.

Jọsua 18:10

E Jọsua keghi yan uta nọ e Nọyaẹnmwa ne iran, ọ na mu ihe eso vbe otọe nii ne dọmwadẹ ọghọe vbe ivbi Izrẹl.

Jọsua 18:4

Wa zẹ arhin eha ke ẹwae ọkpọkpa gun mwẹ. I gha wẹ ne iran ya lele otọe ni hia gaa ne iran vbe gbẹnnẹ ebe ya gie ẹre ighẹ egbe emwi ne iran gha ho ne iran gha mwẹ vbe ọghe iran, ne iran bu mwẹ gha dee.