Maika 2:4 - Edo Bible (E Baibol Ẹdo) Version 1996

⁴ Ọ gha sẹ ẹghẹ nii, emwa ghi gha ya emwi ne ọ rruan uwa kpa itan zẹ vbe igiemwi ọkhọ, iran ghi vbe gha so ihuan iro na vbe ekpa emwi ne uwa miẹn: “A ya ima obọ sin otọ nẹ fẹẹrẹ! E Nọyaẹnmwa miẹn ima otọ nẹ, ọ keghi mu ne iran ni viọ ima oghunmwu.”

Maika 2:4 ပူးပေါင်းရင်းမြစ်များ

II Samuẹl 1:17

E Devid keghi so ihuan na ya viẹ e Sọl kevbe Jonatan ne ovbi ẹre.

II Krọnikol 35:25

E Jerimaia ne akhasẹ vbe gbẹn ihuan ya viẹ e Josaia ne ọba. Ihuan na ọ re iran ni so ihuan, ikpia kevbe ikhuo ghi ya khiẹ ọre vbe iran a gha khiẹ ọre. Te ọ ghi do khian iyi otọ ne iran gha ru ẹe vberriọ. Ihuan na rre usun avbe ihuan akhiẹ ne a si koko.

Job 27:1

E Job keghi dọlegbe suẹn gha guan ọ wẹẹ, “I ya ẹe vin ihẹn ighẹ Osanobua ne Udazi ne ọ rrọọ, ne ọ ma giẹ a bu asẹ mẹ. Ọ na ya ẹdẹ agbọn mwẹ khian nọ rriara wẹ,

Aizaia 14:4

Ọ gha ghi ru ọna nẹ, iran ghi do gha giẹ ọha e Babilọn wẹẹ: “Ọba ne ekhọe dan nii dee gbotọ! Ẹ i ghi dọlegbe wọ ọmwa rhọkpa uhunmwu ọvbehe.

Aizaia 24:3

Agbọn gha zanzan an, ọ ghi la ọrhiae rrie. E Nọyaẹnmwa tae nẹ, te ọ ru ẹe.

Aizaia 6:11

Mẹ keghi nọ wẹẹ, “Inu ẹghẹ ọ re ọ ra gha ye vbenian la vbe otọe yi e Nọyaẹnmwa?” Rẹn keghi wanniẹn wẹẹ, “Rhinrin avbe okpẹvbo nii tedo rẹnkhẹn uan ne ehia vbe dihoi rua, a te do miẹn wẹ avbe owa nii khian ne ẹvbo i ghi ye, a te do miẹn wẹ avbe otọe nii hia dihoi rua, ne ehia la ọrhiae rrie.

Jerimaia 14:18

I gha la uwu oha, I ghi gha miẹn ikun emwa ne a gbele vbe okuo, I gha la adesẹ ore, I ghi gha miẹn emwa ne ohanmwẹ ghi ra ghe ua. Avbe akhasẹ kevbe avbe ohẹn wa winna iwinna iran khian, sokpan, iran ma rẹn emwi ne iran ru.”

Jerimaia 4:13

Ghe vbe eghian nii wa dee zẹ vbe ubimwẹ amẹ. Avbe ikẹkẹ okuo ẹre yevbe ẹhoho ẹziza, okhian kẹ avbe ẹsin okuo ẹre sẹ oghohọn. Ma wiri, ọghe ima fo.

Jerimaia 6:12

“A gha viọ owa iran ne emwa ọvbehe, erriọ ọre a ra vbe ru ugbo iran kevbe amwẹ iran. Te I ra wa rri emwa ni rre otọe na oya.

Jerimaia 8:10

Rhunmwuda ọnii, I gha munọ ugbo iran ne emwa ọgbọn ọvbehe, I ghi vbe viọ amwẹ iran ne ikpia ọvbehe. Emwa hia fẹẹrẹ, ke ọ kpọlọ kevbe ọkanmwa, wa ni gha hia ne iran gha la odẹ ne ọ ma khuia khuan igho. Uhin ighe te avbe akhasẹ kevbe avbe ohẹn ghi mu emwa ni ru.

Jerimaia 9:10

Mẹ khare wẹẹ, “I gha khiẹ avbe oke nekhua, I gha viẹ oha ne emwirri na rria rhunmwuda, ehia kae, a i ghi miẹn emwa ni lae gberra. A i ghi họn utumwẹ avbe ẹmila vbọ, avbe ahianmwẹ kevbe aranmwẹ oha lẹ ladian vbọ.”

Jerimaia 9:16

I gha zagha iran lele avbe ehe ne iran tobọ iran ra avbe erha iran odede ma he họn ẹmwẹ ọnrẹn ẹdẹ. I ghi vbe gie ivbiyokuo ne ọ mu aro da iran, rhinrin I te do fuẹn iran an fẹẹrẹ.”

Ezikiẹl 16:44

E Nọyaẹnmwa keghi kha wẹẹ, “Emwa gha kpa itan na vbekpa ruẹ Jerusalẹm: ‘Emwi ne iye guee ọ re ovbi ẹre nokhuo guẹe.’

Ezikiẹl 2:10

Obọ nii keghi rhan ebe ohian nii, I keghi miẹn wẹ te a gbẹnnẹ ọre aro kevbe iyeke — emwi ne a gbẹnnẹ yọ kegha re eve akhiẹ, ugomwẹ kevbe irriakọn.

Joẹl 1:13

Wa yọ ukpon akhiẹ ne uwa gha viẹ ne avbe ohẹn ni ga vbe Ogiukpo. Wa gha rrie uwu Ọgua Osa, ne uwa ya ye asọn hia khiẹ! Ọka ra ayọn i ghi rrọ, ne uwa gha ya ru imuohan gie Osanobua uwa.

Joẹl 1:8

Wa ne avbe emwa, wa gha viẹ vbe ọmọ okhuo ne ọ viẹ uwu ọdọ ne ọ te ra rọnmwẹ.

Emọs 5:1

Wa ne ivbi Izrẹl wa danmwehọ ihuan orinmwi ne I ra so yan uwa:

Emọs 5:17

Ugomwẹ gha rre uwu ogba azara hia. Emwi na hia sunu rhunmwuda, I dee ra do rri uwa oya.” Erriọ Nọyaẹnmwa khare.

Maika 1:15

Ivbi ẹvbo ne a tie ẹre Maresia, e Nọyaẹnmwa gha viọ uwa ye eghian obọ, iran nii gha khọn miẹn uwa ẹvbo. Avbe ọkaolotu Izrẹl gha ya lẹre ye uvun okuta ọghe Adulam.

Maika 1:8

E Maika keghi kha wẹẹ, “Rhunmwuda ọna, I gha khiẹ, I gha viẹ eve orriara. Ne I ya rhie ma vbene I miẹn akhiẹ sẹ hẹ, I gha ya irhunmwuirhun kevbe owẹ kẹkan khian la ẹvbo nii gaa, I gha tu wauwauwau zẹ vbe ekuaghagha, I gha viẹ egbe mwẹ uan zẹ vbe ugomugo.

Maika 2:10

Wa kpaegbe ne uwa kpao, egbe rọkhọmwẹ i ghi rre emwa ọvbehe. Orukhọ ne uwa ru zẹ emwa na ye ne a ra fuan nẹ.

Habakọk 2:6

Emwa ne a khọn miẹn ẹre otọ gha zan iran, iran ghi vbe gha mu ohu iran. Iran ghi kha wẹẹ: “Wa viọ emwi ne ẹ i re ọghe uwa, sokpan, ọghe uwa fo! Vbe ọ gha kpee sẹhẹ, ne uwa gha khiẹn iran ni rri uwa osa obọ wẹ ne iran ha osa, ne uwa ya si ẹfe koko ne egbe uwa!”

Zẹfanaia 1:2

E Nọyaẹnmwa khare wẹẹ, “I ra fuẹn emwi ni rre otọ agbọn na an.

Nọmbas 23:18

ẹre Balam na guan ẹmwẹ akhasẹ ọre: “Larre, Balak ne ovbi Zipọ, do danmwẹ ehọ ẹmwẹ ne I ra ta.

Nọmbas 23:7

E Balam keghi guan ẹmwẹ akhasẹ na wẹẹ, “E Balak ne ọba e Moab ọ re ọ rhie mwẹ ke Siria ne ẹvbo oke ne odẹ ahọ gha dee. Ọ keghi kha wẹẹ, ‘Larre do gun mwẹ guan, fi avbe emwa Izrẹl unu.’

Nọmbas 24:15

Ọre ọ na guan ẹmwẹ akhasẹ na: “Uhunmwu ne Balam ne ovbi Pẹọ gie, ẹmwẹ ọmwa nii ne ọ bẹghe vẹn ẹn,

Nọmbas 24:3

Ọ keghi guan ẹmwẹ akhasẹ na wẹẹ: “Uhunmwu ne Balam ne ovbi Beọ gie, ẹmwẹ ọmwa nii ne ọ sẹtin bẹghe vẹn ẹn,

Iyẹn ne ọ Maan Ọghe Mak 12:12

Avbe ọkaolotu e Ju keghi te ho ne iran mu Jesu rhunmwuda iran rẹnrẹn ighẹ rhunmwuda iran ọre ọ na kpa itan na. Sokpan ohan emwa kegha mu iran, iran na rhunmwuda ọnii sọ rae, iran na gha rrie.

Diuteronomi 28:29

Wa ghi gha ye obọ baba odẹ khian vbe ogiavan ogioghogho, zẹ vbe arhuaro, wa iran miẹn odẹ uwa. Emwi kemwi ne uwa a rhirhi ru, ọkpa ne ọ gha dinna odẹ i rrọọ. A ghi gha zẹ uwa kpokpo kugbakẹghẹrẹ, a ghi rha uwa, a i vbe miẹn ọmwa ne ọ gha ye uwa obọ.