Maika 2:3 - Edo Bible (E Baibol Ẹdo) Version 1996

³ Rhunmwuda ọnii, e Nọyaẹnmwa keghi kha wẹẹ, “I ra ru ẹe ne ọkhọ rruan uwa, wa i vbe lẹ ọre fe. Orueghe ọ re uwa ra miẹn na, ẹghẹ nii, wa i ghi ra gha khian ọkhian uhiomwẹ ọvbehe.

Maika 2:3 ပူးပေါင်းရင်းမြစ်များ

Aizaia 29:20

Evba nii i ọ re ọ khian gha re ufomwẹ iran ni wọ emwa ọvbehe uhunmwu, ni vbe zan Osanobua. A gha fuẹn dọmwadẹ ọmworukhọ ua.

Aizaia 3:16

E Nọyaẹnmwa khare wẹẹ, “Ghe vbene ikhuo e Jerusalẹm hio hẹ. Iran ghi gha tọn ukpihue mu khian. Iwinna ọghe ọ re ọ mu iran. Iran ghi gha zẹ owẹ gain gain, emwiobọ ne iran ya te egbe ghi gha tu giẹin giẹin.

Aizaia 5:19

Wa khare wẹẹ, “Wa wẹ Nọyaẹnmwa gie obọ kẹe vbe emwi ne ọ wẹ rẹn ra ru, ne ima miẹn ọẹn. Wa gie Osanobua nọhuanrẹn ọghe Izrẹl ru vbe ne ọ mwamwa ẹn, wa gie a ghe emwi ne ọ rre ọre ekhọe.”

Jerimaia 18:11

Banbanna nian, tama ivbi e Juda kevbe Jerusalẹm wẹ, I wa khuan khẹ iran, I wa mu egbe ne I ya rri iran oya. tama iran ne iran dobọ uyinmwẹ dan ne iran yin yi, ne iran fi ohọ werriẹ kẹe kevbe emwi ne iran ru.

Jerimaia 27:12

Ẹmwẹ vberriọ ọ re I vbe tama e Zedekaia ne ọba e Juda. “Gbe uhunmwu kotọ ne ọba e Babilọn. Ga irẹn kevbe emwa rẹn, u gha gha rre agbọn.

Jerimaia 34:17

Rhunmwuda ọnii nian, mẹ ne Nọyaẹnmwa khare wẹ wa yaan mwẹ zẹ, wa ma fannọ ivbi Izrẹl ne ihua uwa kua. Vbene ọ ghi na ye rrio nian khekherriọ, mẹ gha gie uwa zẹ ne ọ yẹ uwa, ne uwa zẹ wẹ okuo ọ ra gbẹ uwa, ke ohanmwẹ kevbe emianmwẹ. I gha gie avbe uhunmwu ẹvbo otọ agbọn hia runran ye emwi ne I ra ru uwa ẹre.

Jerimaia 36:23

Ọwarọkpa vbe Jehudi ghi tie ọgbagba eha ra enẹ nẹ, ọba keghi ye ovbi abẹe ne ọ guee giagiae ọ na hẹ ku erhẹn erriọ ọ re ọ wa gha ru ẹe khian, a te do miẹn wẹ ebe nii hia giẹn uan.

Jerimaia 43:2

Ẹre Azaraia ne ovbi e Hosiaia, kevbe Johanan ne ovbi e Karea, kevbe avbe emwa nii hia nekpa fẹẹrẹ na tama mwẹ wẹẹ, “Ohoghe ọ re u ta, e Nọyaẹnmwa ne Osanobua mwa ma gie uẹ ne u tama ima wẹ ne ima ghẹ gha rrie Igipt ne a ya yin odọ nii.

Jerimaia 8:3

A vbe ivbi ẹvbo dan na ni ghi miẹn uhunmwu vbọ, ni rre dọmwadẹ ehe ne I zagha iran kui, gha ho wẹ iran wu ọ re ọ maa sẹẹ ne iran gha rre agbọn, Mẹ ne Nọyaẹnmwa ne Oghodua tae nẹ.”

Eve Orriara 1:14

“Te ọ wa yi orukhọ mwẹ hia ẹro ọ na sele ehia kugbe; ọ mu ẹẹn fi la mwẹ urhu obọ ukhuamwẹ ọnrẹn keghi da mwẹ. E Nọyaẹnmwa rhie mwẹ yan avbe eghian mwẹ obọ, I ma sẹtin ru iran emwi rhọkpa.

Eve Orriara 2:17

E Nọyaẹnmwa ye ru ẹe vbene ọ wẹ rẹn re ru ẹe: Ọ fuẹn ima an vbe ne a i na mwẹ itohan, zẹ vbene ọ taa ẹe yotọ ke ẹghẹ nii gha dee. Ọ gie obọ avbe eghian mwa ke ukhunmwu, ọ keghi ye ọyẹnmwẹ sẹ iran ye udemwẹ mwa.

Eve Orriara 5:5

A khu mwa ọgbẹgbẹ zẹ vbe ẹsin ra e kamẹl egbe wọ mwa, sokpan a ma gie ima hẹwẹ.

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Emọs 2:14

Ya sẹ egbe iran ni guara rhulẹ, ọkpa ne ọ ra miẹn uhunmwu i rrọọ, ẹtin gha fo iran ni wegbe avbe ivbiyokuo i ra vbe sẹtin sinmwi uhunmwu iran ye agbọn.

Emọs 3:1

Wa ne ivbi Izrẹl, wa danmwehọ uhunmwu na ne Nọyaẹnmwa gie vbe ekpa uwa, emwa uhunmwu ẹvbo ni hia fẹẹrẹ ne Nọyaẹnmwa viọ ke Igipt gha dee:

Emọs 3:2

“Vbe avbe uhunmwu ẹvbo hia ni rre agbọn na, wa ọkpa ọre I rẹnrẹn, wa ọkpa ọre I vbe gbe aro ghe vbọ. Ọnii ọre ọ si ẹe ne orukhọ uwa na re emwi ne ọ mu ohan, ọnii ọ si ẹe ne a na miẹn wẹ ẹ i mwẹ I ma rri uwa oya yọ.”

Emọs 5:13

Rhunmwuda ọnii, ọmwa wa hẹko hunwan ọ re ọ maa sẹ vbe egbe ẹghẹ dan vbenian!

Maika 2:1

Umiẹn vbe ọ gha ba so iran hẹ ighe iran ne ẹ i miẹn ovbe vbe iran a lovbiẹ rhunmwuda emwi dan ne iran mwamwa vbe ekhọe! Iran gha wa miẹn ẹkpotọ ọwarọkpa vbe owiẹ, iran ghi ru emwi ne iran mwamwaẹn.

Ebe ne Pọl gbẹẹn gie emwa Rom 16:4

Iran ni rhie uhunmwu mwẹ atataobọ ba ẹmwẹ mwẹ. Wa gun mwẹ kpọnmwẹ iran, ẹ i re mẹ ọkpa, sokpan kevbe esọsi emwa ne ẹ i re Ju hia.

Ẹfisọs 5:16

U gha miẹn ẹkpo otọ ya ru emwi, u ghi lo ẹre ẹsẹse rhunmwuda, ẹghẹ ne a ye na i maa.

Diuteronomi 28:48

Rhunmwuda ọnii nian, eghian ne Nọyaẹnmwa, ra viọ ẹre aro da uwa ọ re uwa ra gha ga. Ovbamẹ gha gbe uwa, ohanmwẹ amẹ ghi gbe uwa, wa gha rre ivbabọ, ukpọn kevbe emwi ọvbehe hia. Eghian uwa ghi gha ye ọkhọ ye obọ yẹn uwa uhunmwu rhinrin wa te do fuan.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.