Maika 2:2 - Edo Bible (E Baibol Ẹdo) Version 1996

² Iran gha gualọ ako oha, iran ghi ya ẹtin vbe iwegbe mu ẹẹn, iran gha gualọ owa, iran ghi mu ẹẹn. Ẹgbẹe ọmwa ra ẹfe ọmwa ne egbe rọkhọ ẹe ẹ i ghi rrọọ.

Maika 2:2 ပူးပေါင်းရင်းမြစ်များ

I Ọba 21:1

Ugbo emwiokọ ọkpa keghi sikẹ ọkpẹn ẹguae Ehab vbe Jezrẹl, a kegha tie ọmwa ne ọ yan ugbo emwiokọ nii e Nabot.

II Ọba 9:26

‘I miẹn vbene a gbele Nabot kevbe ivbi ẹre hẹẹ nodẹ, ẹre I na yan wẹẹ, I gha rri uwẹ oya vbe emwa na, vbe uwu nene ogba na!’ ” E Jehu keghi tama ọkpọmwa rẹn wẹẹ, “Rhunmwuda ọnii nian, mu ikun e Joram, ne u fi ẹe fi uwu ogba e Nabot, ne u miẹn ehe na mu eyan e Nọyaẹnmwa sẹ.”

Job 31:38

“A deghẹ te I dẹ otọ ne ugbo mwẹ mu, a na gbe emwa ne ọ wa yan rẹn miẹn iran ẹre —

Ẹksọdọs 20:17

“Ghẹ yaro ye owa ẹrrẹe, ghẹ yaro ye amwẹ ẹrrẹe ra eviẹn ọnrẹn ra ẹmila re ra ekẹtẹkẹtẹ ọre ra emwikemwi nii re ọghọe.”

Aizaia 3:14

E Nọyaẹnmwa ra do buohiẹn avbe ediọn kevbe avbe ọkaolotu emwa irẹn, ọ baa iran ifi ẹzọ wẹẹ, “Wa ya de rhu avbe ogba azara, owa ọghe uwa vuọn ne emwi ne uwa miẹn avbe ivbiogue re.

Aizaia 5:8

Ọghe uwa fo nẹ! Wa gha dẹlẹ owa ọvbehe kevbe ugbo ọvbehe, ne uwa viọ ba ne uwa ka mwẹ. Ẹ i ghi rre gbe ban, emwa ọvbehe i ghi miẹn ehe dia, wa ọkpa ọ re ọ ghi ra gha rre otọe nii.

Jerimaia 22:17

Sokpan, emwi ne ọ re ọghe ne egbe uẹ okpa ọ re u bẹghe; u gbe ọmwa ne ọ ma rukhọ, u kegha ye ọkhọ wọ emwa ruẹn uhunmwu. E Nọyaẹnmwa guaan nẹ.

Ezikiẹl 18:12

Ọ gbe ivbiogue rhu, ọ rha, ọ wa rhie emwi ne ọmwa ne ọ mọmọ ẹre emwi rhie ne ẹẹn dayi. Ọ yo avbe aro ẹbọ iran ni ga ẹbọ, ọ vbe ga avbe ẹbọ osọnnọ.

Ezikiẹl 22:12

Eso vbe uwu avbe emwa uwa de izigha ya miẹn igho. Eso miẹn igho isu vbe ivbi Izrẹl ne ihua iran ne iran rhie igho na, iran ghi do ye ne iran na mu iran vbuẹvbuẹ fe. Iran mianmian mwẹ nẹ. E Nọyaẹnmwa ne Udazi guaan nẹ.

Ezikiẹl 22:13

“I gha so ekpa mwẹ yan oyi ne uwa rha kevbe izigha ne uwa de.

Ezikiẹl 33:26

Wa mu ẹtin yan umozo uwa. Te uyinmwẹ uwa zughu ọmwa ẹko. Dọmwadẹ ọghọe wa ru oghẹ. De emwi ne ọ ghi ya uwa gha ro yi ighe wa ọ re ọyan otọe nii?

Ezikiẹl 45:9

E Nọyaẹnmwa ne Udazi khare wẹẹ, “Ọ kpẹre ne uwa kegha ru orukhọ, wa ne nikhaemwisẹ vbe Izrẹl! Wa dobọ ọkhọ kevbe a zẹ emwa kpokpo uwa yi. Wa ru emwi ne ọ gbae kevbe ne ọ hẹnhẹn. Wa ghẹghi dọlegbe khulo emwa mwẹ hin otọ iran rre. Mẹ ne Nọyaẹnmwa ne Osanobua, ọ re ọ taa ẹmwẹ na ma uwa.

Ezikiẹl 46:18

Ovbiọba ne ọ rre asẹ, wẹ ne ọ ghẹ miẹn ọmwaikọmwa emwi ewe ẹre. Otọe ne a mu ne ẹẹn ọ re ọ gha na gha mu ne avbe ivbi ẹre, ne ọ ghẹ ya gha zẹ emwa mwẹ rhọkpa kpokpo vbekpa ne ọ gha na mu iran miẹn iran otọe iran.”

Ezikiẹl 8:17

E Nọyaẹnmwa keghi tama mwẹ wẹẹ, “Ovbi ọmwa a deghẹ u miẹn onii, ivbi e Juda na, ẹko ẹre ma vuọn iran ighe emwi ne ọ zughu ẹko ne iran ru zẹ vbene u miọẹn na, kevbe ne iran gha yin uyinmwẹ ikẹtin vbe otọe na hia. Sokpan, te iran gha rre do ru ẹe vbe uwu Ọgua Osa tobọ ẹre ne a miẹn ehe na kakabọ ya ohu mu mwẹ. A deghẹ u miẹn vbene iran la odẹ ne ọ ghi sọnnọ sẹẹ ehia yagha mwẹ hẹ.

Emọs 2:7

Iran ye owẹ rrilo ovbiogue kevbe ne ẹ i mwẹ ginna otọ, iran keghi vbe sua ovbiogue hin urodẹ rre. Ọmọ kevbe erha ẹe ghi gha gu ọmọ okhuo ọviẹn ọkpa ru emwi, iran na la ekpa ọnii ya iruẹn ye eni mwẹ nọhuanrẹn.

Emọs 4:1

Wa danmwehọ ẹmwẹ na, wa ne ikhuo e Sameria, ni ti ye egbe vbe ẹmila ne a koko vbe Basian, ni ru emwa ni ma wegbe khọ, ni wọ avbe ivbiogue uhunmwu, ni nọ wẹ ne avbe ọdafẹn iran gha dẹ ayọn gie iran.

Emọs 8:4

Wa danmwehọ ẹmwẹ na, wa ni ya owẹ rrilo ne ẹ i mwẹ ginna otọ, ne uwa na vbe ho ne uwa fuẹn avbe ivbiogue ni rre ẹvbo hinrre.

Maika 3:9

Wa danmwehọ, wa ni khaemwisẹ yan Izrẹl, wa ni khuiwu ohiẹn ẹmwata, ne uwa na vbe ya emwi ne ọ gbae khian ne ọ ma gba.

Maika 6:12

Iran ni fe vbe emwa ruẹn ya avbe ivbiogue ru enegbe iran, ọhọn ohoghe wa hia fẹẹrẹ wa khin.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

I Timoti 6:10

Rhunmwuda aho ẹmwẹ igho ọre emwi dan ughughan ke zọ ladian. Ẹmwẹ ne a gha mwẹ ọnrẹn mu emwa eso sẹrriọ wẹ, te iran ghi fi iyeke gbe iyayi, iran keghi ya akhiẹ ni bun guọghọ ekhọe iran uan.