Maika 1:8 - Edo Bible (E Baibol Ẹdo) Version 1996

⁸ E Maika keghi kha wẹẹ, “Rhunmwuda ọna, I gha khiẹ, I gha viẹ eve orriara. Ne I ya rhie ma vbene I miẹn akhiẹ sẹ hẹ, I gha ya irhunmwuirhun kevbe owẹ kẹkan khian la ẹvbo nii gaa, I gha tu wauwauwau zẹ vbe ekuaghagha, I gha viẹ egbe mwẹ uan zẹ vbe ugomugo.

Maika 1:8 ပူးပေါင်းရင်းမြစ်များ

II Ọba 18:13

Ọ ghi rre ukpo ne ogiwenẹ ne Hẹzekaia ne ọba la ukpo, e Senakẹrib ne Ọgbaisi ọghe Asiria keghi mu okuo la ẹvbo ne a gbe ekẹn gaa ni rre Juda, ọ na khọn ehia muotọ.

Ẹsta 4:1

E Modekai ghi họn avbe emwi na hia ni sunu, ọ keghi sọ ukpọn ye egbe ẹre ẹkun, ọ keghi viọ ukpọn akhiẹ yọ, ọ keghi zẹ emuẹn yan uhunmwu, ọ keghi khian la ẹvbo nii lẹga vbene ọ na wa kpe orhu eve orriara.

Job 30:29

Urhu mwẹ keghi vuọn ne akhiẹ kevbe ohioro, ọ yevbe utumwẹ akuaghagha ra ugomugo.

Psalm 102:6

Te I ghi ye vbe ahianmwẹ oha vbe uwu ato, zẹ vbe esughusughu vbe itowa.

Aizaia 13:21

Ọ gha khian ehe ne avbe aranmwẹ oha dia, ke ne avbe esughusughu bọlọ oko yi. Avbe ugomugo gha rre evba, avbe ẹwe oha ghi gha khọn yo khọn re vbe itowa ni rrọọ.

Aizaia 13:22

Owa ọkhẹ ni te rrọọ, kevbe avbe ẹguae, avbe akpakomiza kevbe ekuaghagha ọ re ọ ghi gha tulo vbe evba. Ẹdẹ e Babilọn rre nẹ. Te ẹdẹ ọ re ghi ra gberra.”

Aizaia 16:9

Banbanna nian, I viẹ ugbo azara e Sibma, I vbe viẹ Jazẹ. Ameve rhọ vbe aro mwẹ ne Hesbọn kevbe Elealẹ rhunmwuda, emwiorhọ i rrọọ ne ọ gha ya ẹko avbe emwa nii gha rhiẹnrhiẹn.

Aizaia 21:3

Emwi ne I họẹn kevbe ne I miẹn vbe umian nii, sii ohan kevbe obalọ yọmwẹ egbe, obalọ ne ọ yevbe ọghe okhuo ne emwi ubiẹmwẹ ru.

Aizaia 22:4

Banbanna nian, wa hẹko sẹ mwẹ rae ne I viẹ eve orriara ne avbe iran ni wulo vbe emwa mwẹ. Wa ghẹ zẹdẹ hia ne uwa fu mwẹ ẹko rre.

Aizaia 32:11

Uwu ọrọkhọrhọ ọ re uwa ye dee usin, vbe ne a i na mwẹ oyanghan, sokpan, banbanna nian, wa gie ohan ya uwa gha guọ zẹzẹzẹ, wa bannọ ukpọn uwa kua, ne uwa viọ osọnmwẹ ukpọn rhuan.

Jerimaia 4:19

Obalọ ẹre! Egbe mwẹ i rrọ obalọ ẹre, udu mwẹ! Udu mwẹ wa fi kpikpikpi I i sẹtin hunwan, i họn ẹmwẹ avbe okpe nii, deba ugomwẹ okuo.

Jerimaia 9:1

Akpawẹ uhae amẹ ọ re uhunmwu mwẹ khin nian, ne aro mwẹ vbe gha re uhunmwu ẹzẹ ne ọ lẹẹ, ne I miẹn ehe na gha viẹ, asọn kevbe avan, ne avbe emwa mwẹ ne a gbele ua!

Jerimaia 9:10

Mẹ khare wẹẹ, “I gha khiẹ avbe oke nekhua, I gha viẹ oha ne emwirri na rria rhunmwuda, ehia kae, a i ghi miẹn emwa ni lae gberra. A i ghi họn utumwẹ avbe ẹmila vbọ, avbe ahianmwẹ kevbe aranmwẹ oha lẹ ladian vbọ.”

Jerimaia 9:19

Wa danmwehọ urhu eve vbe Zaiọn, “Ọghe ima fo nẹ! A fa ima an fẹẹrẹ. Te ima gha kpa vbe otọe mwa, I iran guọghọ ima owa a nẹ.”

Ezikiẹl 32:18

“Ovbi ọmwa, gha khiẹ avbe emwa ọkhọngborrie ni rre Igipt. Viọ iran ba avbe uhunmwu ẹvbo ni wegbe ọvbehe hia ni rre agbọn na gha rrie ẹvbo avbe emwa ni wulo nẹ.

Maika 2:4

Ọ gha sẹ ẹghẹ nii, emwa ghi gha ya emwi ne ọ rruan uwa kpa itan zẹ vbe igiemwi ọkhọ, iran ghi vbe gha so ihuan iro na vbe ekpa emwi ne uwa miẹn: “A ya ima obọ sin otọ nẹ fẹẹrẹ! E Nọyaẹnmwa miẹn ima otọ nẹ, ọ keghi mu ne iran ni viọ ima oghunmwu.”

I Samuẹl 19:24

Rẹn keghi bannọ ukpọn kua, ọ na gha ku, ọ na gha vannọ vbe odaro e Samuẹl. Ọ keghi wa lovbiẹ vbe irhunmwirhun avan nii hia ke ẹe kevbe asọn nii hia. (Erriọ ọre itan na ya suẹn wẹẹ, “Akhasẹ ọre Sọl ghi vbe khin ra?”)