Maika 1:7 - Edo Bible (E Baibol Ẹdo) Version 1996

⁷ Avbe ẹbọ ẹre hia ne eghẹnghẹn, a gha dunmwu ẹẹn ruan, emwi ne a te hẹ ne avbe ohẹn ne ikhuoẹre, a gha ye erhẹn giẹn uan, avbe amazẹ ọre hia gha khian utete ne ọ dihoi rua. E Sameria ọ re ọ viọ avbe emwi na rre ne ọ ya dugie ne otọ ẹre miẹn ehe na gha ma emwiokọ; banbanna nian, te avbe eghian rẹn ra viọ kpao, ne iran ya gha gho ẹre vbe ehe ọvbehe.”

Maika 1:7 ပူးပေါင်းရင်းမြစ်များ

II Krọnikol 31:1

Iran ghi ru emwiukpo na nẹ, ivbi Izrẹl hia keghi khian lele ore ẹvbo ni rre Juda hia, iran keghi ya guọghọ orre okuta ni rrọ kua, iran keghi siẹn ama Asiẹrra ne ẹbọ ne okhuo sẹ otọ, iran keghi dunmwu avbe Ogiukpo kevbe aro ẹbọ iran ni ga ẹbọ hia a. Iran keghi vbe ru ẹe vberriọ vbe ehe ni dekẹe vbe Juda, kevbe otọe Bẹnjamin, Ifreim kevbe Manasẹ, iyeke ọnii, iran hia kegha die owa.

Aizaia 23:17

Ukpoekigbe-siyenẹ ni ghẹ ghi gberra nẹ, e Nọyaẹnmwa gha gie Taia ya dọlegbe suẹn ẹki ẹre nẹdẹ, ọ ghi gie agbọn ẹvbo ni rre otọe agbọn hia do gha rhie ẹre vbe iwinna.

Aizaia 27:9

Sokpan, a gha ya orukhọ Izrẹl bọ ẹe vbe iran a lọ Ogiukpo okuta ọghe avbe ẹbọ iran ni ru ẹbọ nẹ zẹ vbe ebubẹ, ra a ghi miẹn wẹ a i ghi dọlegbe miẹn amazẹ ẹbọ okhuo ne iran tie ẹre Asiẹrra, ra ne Ogiukpo ne iran na giẹn eturari ye kẹe.

Ezikiẹl 6:6

A gha dunmwu avbe okpẹvbo ni rre Izrẹl hia, a ghi vbe miẹn wẹ avbe Ogiukpo kevbe avbe ẹbọ iran hia ghi khian ne a guọghọ ua rẹnkhẹnrẹnkhẹn, avbe Ogiukpo eturari iran, a gha duẹ ehia a, a ghi ho emwi hia ne iran ru bẹkun.

Hozia 2:12

I gha guọghọe rua ighe erhan ne ọ mọ ọmọ ne ọ ya ru ayọn, kevbe erhan ohọ hia, ne ọ khare ighe avbe esiọre ọ re ọ viọ ẹre ne irẹn, rhunmwuda iwinna ne ọ ye ne iran. I gha ya ogba azara ẹre kevbe erhan ohọ ẹre khian ẹgbo, aranmwẹ oha ghi rhia ẹre ua.

Hozia 2:14

Rhunmwuda ọnii, I ra dọlegbe rhie ẹre la uwu ato, odọ niii ọ re I gha na rhẹrhọe ne I ye ẹmwẹ ahoẹmwọmwa giee werriegbe gha mwẹ aho ghe mwẹ.

Hozia 8:5

Ẹkhuia ẹmila igoru ne emwa e Sameria gho wa sọnnọ mwẹ. Ohu iran wa kakabọ mu mwẹ vbe ọ ra kpee sẹ hẹ yi iran ke do mu ẹbọ ne iran gho fua?

Hozia 8:6

Owinna ne ovbi Izrẹl ọ re ọ ma amazẹ nii, ẹ i vbe zẹdẹ re ẹbọ hiehiere. Iran gha rẹnkhẹn ọẹn ruan ighe ẹbọ igoru ne iran gho vbe Sameria.

Joẹl 3:3

Iran yan uta ya gualọ ọmwa, ne a gha viọ avbe oghunmwu na, iran khiẹnnẹ emọ ikpia kevbe emọ ikhuo ọviẹn, ne iran ya gha ha igho ne avbe igberagia, kevbe ne iran ya gha da ayọn.

Levitikọs 26:30

I gha guọghọ ehe ne uwa na ga vbe uhunmwu oke hia, I ghi dunmwu aka ne uwa na giẹn eturari hia sẹ otọ. I ghi filo ikun orinmwi uwa yan amazẹ uwa ni dele. Vbe uwu ne emwi hia na khan mwẹ.

Diuteronomi 23:18

A ghẹ vbe rhie igho ne a la odẹ vberriọ khuan la ọgua osa e Nọyaẹnmwa Osanobua uwa wẹ te do ya ha osa emwi ne a ve, te avbe ebabotu ye owa ugamwẹ sọnnọ e Nọyaẹnmwa.

Diuteronomi 9:21

I keghi mu emwi orukhọ ne uwa ru nii ighẹ ẹkhuia ẹmila nii, I na fi ẹe fi uwu erhẹn. Iyeke ọnii, I keghi bunnọ ẹre ukhiọnmwẹ, I na lọ ẹe rẹnhunrẹnhun, I na rhurhu ne rẹnhunrẹnhun ni ku uwu ẹzẹ ne ọ lẹ ghe ototọ oke.

Arhie Maan 18:3

Rhunmwuda, rẹn keghi rhie ayọn ne emwa hia, ọ keghi ye iran dae ighẹ ayọn ne ọ wo vbe egbe ọghe alama oghẹ, kevbe ozuan ọghọe. Avbe ọba otọ agbọn keghi gu ẹe ru emwi alama oghẹ, iwinna ne agbọn winna keghi ya orriarria ọghọe ne ẹ i mwẹ egaga gha hue.”

Arhie Maan 18:9

Avbe ọba agbọn, ne ọ gu ẹe ruemwi awua kevbe orriarria, gha tu, iran gha vbe viẹ ne ẹvbo nii, vbe iran a miẹn ighogho ne ọ gbe vbe ọ gha giẹn.

I Samuẹl 5:4

Vbe owiẹ vbirrivbirri vbe ẹdẹ ne ọ vbe lele ẹe, iran ghi do ghe amazẹ nii vbe dọlegbe de vbe odaro Ẹkpẹti Ile ọghe e Nọyaẹnmwa. Uhunmwu ẹnrẹn kevbe obọ ẹre eva khuọnnọ kua, ehia kegha rre onurho, ikinnegbe ẹre ọkpa ọ re ọ ghi kẹe.