Maika 1:3 - Edo Bible (E Baibol Ẹdo) Version 1996

³ Ehe nọhuanrẹn ọghe ọe ọ re Nọyaẹnmwa gha kegha dee. Ọ gha tuorre, ọ ghi gha khian vbe uhunmwu avbe oke ni yo.

Maika 1:3 ပူးပေါင်းရင်းမြစ်များ

Job 40:12

Ẹn, ghe iran ne u silo iran kẹ otọ rẹn rẹnkhẹn ọmwa dan an, ye ehe ne ọ mudia yi.

Psalm 115:3

Osanobua mwa rre ẹrinmwi, ọ vbe ru emwi ne ọ rhirhi khọn rẹn.

Aizaia 25:10

E Nọyaẹnmwa gha degue Oke Zaiọn sokpan, a gha ya owẹ rrilo ivbi e Moab ginna otọ zẹ vbene a ya owẹ rri irunmwu ye uwu ekẹn nekhui ne a ya kọ emwiokọ.

Aizaia 26:21

E Nọyaẹnmwa tuorre ke ehe ne ọ ye vbe ẹrinmwi dee, ne ọ do rri emwa ni rre agbọn oya ye orukhọ ne iran ru. Izigha ni iran dee vbe ẹkhokho, a gha fannọ ehia ladian, otọe i ghi ra dọlegbe viọ emwa ne emwa gbele ua lẹre.

Ezikiẹl 3:12

Orhiọn Osanobua keghi tọn mwẹ mu, I keghi họn urhu okpa ne ọ davan vbe iyeke mwẹ, ne ọ khare wẹẹ, “Wa rho uyi Osanobua vbe odukhunmwu vbe ẹrinmwi.”

Emọs 4:13

Osanobua ọ re ọ yii avbe oke nekhua, ọ keghi vbe yii avbe ẹhoho. Ọ gie ọmwa ne agbọn rẹn emwi ne ọ rre irẹn ekhọe, ọ sẹtin ye avan khian asọn, ọ ghi vbe gha khian vbe ehe ne ọ yo vbe agbọn. Eni ẹnrẹn ọrọre Nọyaẹnmwa, Osanobua ne Oghodua.

Emọs 9:5

E Nọyaẹnmwa ne Udazi ne Oghodua ye obọ kan otọ agbọn, ọ keghi mu rueghe. Emwa ni rrọ hia gha khiẹ. Otọ agbọn hia kegha hu yo hu rre zẹ vbe Ẹzẹ e Naẹl.

Habakọk 3:19

E Nọyaẹnmwa ne Udazi rhie iwegbe mẹ. Ọ ya owẹ mwẹ wo ye ulẹ zẹ vbe ẹrhuẹ; ọ keghi ya mwẹ di avbe oke nekhua ya, vbe a i mwẹ ẹbe.

Zẹkaraia 14:4

Ọ gha sẹ ẹghẹ nii, ọ gha mudia ye Oke Ọliv ne ọ rre odẹ ahọ ọghe Jerusalẹm, ẹghẹ nii iya nọkhua ghi gia Oke Ọliv ye ihe eva ke odẹ ahọ ya sẹ orrie. Ukhiọnmwẹ ọkpa vbọ ghi laghe odẹ okuọ, ukhiọnmwẹ nọkpa ghi laghe odẹ ekẹn.

Diuteronomi 32:13

Ọ gie iran gha kha yan otọe ni yo, iran kegha rri emwi ni zọrre vbe oha iran miẹn owọn oha vbe uwu okuta erhan ohọ iran kegha maa vbe otọe okuta.

Diuteronomi 33:29

Izrẹl, a miẹn uwa ne u ghi ye ọmwa ne ọ yevbe ruẹ i rrọọ, ẹvbo ne Nọyaẹnmwa miẹnfan. E Nọyaẹnmwa tobọ re ọrọre asa kevbe umozo ọwua ne ọ gha degue ruẹ do khọnmiotọ ne uẹn. Eghian uwa gha rre do rinmwian ye itohan, wẹ gha ye owẹ rrilo iran mu otọ.”