Maika 1:16 - Edo Bible (E Baibol Ẹdo) Version 1996

¹⁶ Wa ne ivbi e Juda, wa zẹ eto uwa ne uwa ya khiẹ emọ ne uwa ho ẹmwẹ ọnrẹn. Wa gie akpan gha rre uwa uhunmwu zẹ vbene ọghe ugu ye, rhunmwuda, a gha miẹn uwa ivbi uwa viọ gha rrie iwe.

Maika 1:16 ပူးပေါင်းရင်းမြစ်များ

II Ọba 17:6

ne ọ vbe re ukpo ogihinrin ne Hosia la ẹkete, ọba Asiria keghi khọn e Sameria muotọ, ọ keghi hẹ ivbi Izrẹl oghunmwu gha rrie Asiria, ọ keghi viọ eso gha rrie ẹvbo e Hala ne iran yin evba, eso kegha rre ọkpẹn Ẹzẹ Habọ vbe otọ e Gozan, eso kegha rre ẹvbo e Midia.

Job 1:20

Ọre Job na guakpaegbe, ọ keghi ya akhiẹ sọ ukpọn ye egbe ẹre ẹkun. Ọ khiokhio eto, ọ na de mu aro rhu otọ.

Aizaia 15:2

Emwa ni rre ẹvbo ne a tie ẹre Dibọn hin uhunmwu oke ya gha viẹ vbe aro ẹbọ. Ivbi e Moab gha viẹ, iran gha vbe khiẹ avbe ẹvbo ne a tie ẹre Nebo kevbe Mẹdeba. Iran khiokhio eto kevbe ẹtu iran muotọ ba ẹmwẹ akhiẹ na.

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Jerimaia 16:6

Ke avbe ọdafẹn kevbe avbe ivbiogue ni rre otọe na, ehia gha wulo, sokpan, a i miẹn ọmwa ne ọ gha khiẹ iran ra ne ọ re iran. A i miẹn ọmwa ne ọ gha ya emwi valọ egbe ẹre ra ne ọ khiokhio eto akhiẹ.

Jerimaia 4:8

Rhunmwuda ọnii wa viọ ukpọn akhiẹ yọ, wa gha tu wa gha viẹ egbe. Rhunmwuda, ohu nọkhua ọghe Nọyaẹnmwa ma he la hin e Juda uhunmwu rre.

Jerimaia 47:5

Ivbi e Gaza miẹn akhiẹ nọkhua, ọgbunu gbe ivbi Askẹlọn unu an vbe Filistia ra khiẹ kpee sẹ hẹ vbe otọ yi?

Jerimaia 6:26

E Nọyaẹnmwa khama emwa rẹn wẹẹ, “Wa viọ ukpọn akhiẹ ye egbe ne uwa gha wunnu vbe uwu emuẹn, wa ye ameve ne ọ rriara khiẹ zẹ vbe ne ọmwa gha khiẹ ukpọmọkpa, rhunmwuda emwa ne ọ ra do fuẹn uwa a gha dekun uwa vbe amaro amakọ.

Jerimaia 7:29

Ivbi e Jerusalẹm, wa gha khiẹ, wa zẹ eto uwa hẹ kua, wa ya so ihuan orinmwi vbe uhunmwu oke rhunmwuda, ohu mu imẹ ne Nọyaẹnmwa I keghi vbe he avbe emwa mwẹ.

Eve Orriara 2:19

Wa gha kpaegbe yan egbe yan egbe vbe asọn ne uwa datie Nọyaẹnmwa; wa hihiẹ ekhọe uwa ladian ne uwa nọ rẹn wẹ ne ọ tohan ivbi uwa. Avbe emọ ne ohanmwẹ gbele ua lele adesẹ ore ẹvbo!

Emọs 7:11

Vbenian ọre ọ khare wẹẹ, ‘E Jeroboam gha wu ye okuo, a gha vbe kun ivbi Izrẹl ke ẹvbo iran kpao gha rrie iwe.’ ”

Emọs 7:17

Rhunmwuda ọnii nian, Amezaia, e Nọyaẹnmwa tama ruẹn wẹẹ, ‘Amwọn gha khian ebabotu ye ughe. A gha gbele ivbuẹ ua vbe okuo. A gha gia otọe ruẹ, a ghi munọ ọẹn ne emwa ọvbehe, wẹ tobọ ruẹ ghi ya wu ye ẹvbo iran ni gho ẹbọ. Vbene a i na gbe awẹawẹ, a gha viọ ivbi Izrẹl kpao vbe otọe iran gha rrie iwe.’ ”

Emọs 8:10

I gha ru ẹe ne uwa khiokhio eto, na uwa vbe viọ ukpọn akhiẹ ye egbe. Wa ghi ye vbe evbibiemọ ni khiẹ ukpọmọkpa ne iran biẹe. Tẹ ẹdẹ ne ẹdẹrriọ ra wa rriara ne ebi ro.

Diuteronomi 28:41

Wa gha biẹlẹ emọ ikpia kevbe emọ ikhuo sokpan iran gha wii uwa rhunmwuda a gha hẹ iran oghunmwu gha rrie vbe okuo.