Maika 1:12 - Edo Bible (E Baibol Ẹdo) Version 1996

¹² Ivbi e Marọt rhie aro ye odẹ gha khẹ ne a bu iran rre, rhunmwuda, e Nọyaẹnmwa si ọkhọ kẹ ore Jerusalẹm nẹ.

Maika 1:12 ပူးပေါင်းရင်းမြစ်များ

Job 30:26

Ọyẹnmwẹ kevbe uwanmwẹ ọre I te rhie aro yi, sokpan ibaro kevbe ebiebi ọ re I ghi miẹn.

Aizaia 45:7

Mẹ ọ re ọ yi uwanmwẹ kevbe ebiebi mẹ ọ re ọ gie afiangbe kevbe ọfuan rre, mẹ ne Nọyaẹnmwa ọ re ọ ru avbe emwi na hia.

Jerimaia 14:19

E Nọyaẹnmwa, te uwẹ wa he Juda fo fẹẹrẹ ra? Te uwẹ mu ohu emwa ni rre Zaiọn ra? Vbọzẹ ne u na mu ohu ima sẹ vberriọ yi ne a na miẹn wẹ, a i ghi sẹtin mu ima egbe rran? Ma rhie aro ye ọfumwegbe sokpan, emwi ọma rhọkpa ma sunu, ma rhie aro ye amu ọmwa egbe rran, sokpan, emwi ugborrirri ọ re ọ rre.

Jerimaia 8:15

Wa rhie aro ye odẹ gha khẹ ọfumwegbe kevbe ẹghẹ amu ọmwa egbe rran, erhọkpa ma dunna, sokpan emwi ohan nọkhua ọ re ọ rre ye ihe ẹre.

Emọs 3:6

A gha họn urhu okpe okuo vbe ẹvbo, ne ohan ghẹ mu emwa ni rrọ ra? Ọkhọ vbe sunu vbe ẹvbo ra vbene Nọyaẹnmwa ma na gie?

Maika 1:9

A i sẹtin kpe ẹwẹn e Sameria rrie, emwi vberriọ gha mian e Juda ban, ọfuan sẹ onurho e Jerusalẹm tobọ ẹre nẹ, ehe ne emwa mwẹ ye.”

Ebe Rut 1:20

Rẹn keghi wanniẹn wẹẹ, “Wa ghẹ ghi tie mwẹ Naomi, wa gha tie mwẹ Mara rhunmwuda Osanobua ne Udazi ye obọ ne ọ tọn mu mwẹ nẹ.

I Samuẹl 4:13

Elai keghi tota ye ọkpẹn odẹ vbe ehe ne ọ wa tota yi, ọ na gha ghe umọdia. Afianma keghi wa gha fian ẹn ba ẹmwẹ Ẹkpẹti osẹe ọghe Nọyaẹnmwa. Okpia nii ghi sẹ adesẹneva ẹvbo, ọ keghi na iyẹn, emwa hia kegha tulo rhunmwuda ohan mu iran.