Levitikọs 9:5 - Edo Bible (E Baibol Ẹdo) Version 1996

⁵ Iran keghi viọ avbe emwi hia ne Mosis tama iran gha die odaro Owa Ukpọn Ile, emwa nii hia keghi si koko ye evba ne iran ga e Nọyaẹnmwa.

Levitikọs 9:5 ပူးပေါင်းရင်းမြစ်များ

I Krọnikol 15:3

E Devid keghi rhunmwuda ọnii tie ivbi Izrẹl hia gha die Jerusalẹm ne a miẹn ehe na mu Ẹkpẹti Ile gha die ehe ne a dọlọ yi ye otọ khẹ ọre.

Nehimaia 8:1

Vbe ọ ghi te sẹ uki ne ogihinrọn, ivbi Izrẹl hia keghi gbe ẹkun sotọ vbe ẹvbo edọmwadẹ ọghọe. vbe uki ne okaro ọghe, uki ni, iran hia ke do si egbe koko vbe Jerusalẹm, vbe ehe ne otọe na vbe aro vbe uwu Urho Amẹ. Iran ke wẹ ne Ẹzra ne ohẹn kevbe ne ọ rẹn uhi ne Nọyaẹnmwa rhie la obọ e Mosis gie ivbi Izrẹl ne ọ mu ebe nene uhi re.

Ẹksọdọs 19:17

E Mosis keghi viọ emwa nii ladian vbe agọ ne iran ya vba Osanobua, iran keghi mudia vbe ototọ oke.

Levitikọs 9:4

Ẹkhuia ọkpa kevbe ogho ọkpa, ọghe izọhẹ isara. Iran ghi ya iran zọ ese ghe Nọyaẹnmwa ba emwi izọese ọka ne a ya ofigbọn gbe. Tama iran ne iran ru ọna rhunmwuda e Nọyaẹnmwa gha rhie egbe maa iran ẹrẹna.”

Levitikọs 9:6

E Mosis keghi kha wẹẹ, “Te e Nọyaẹnmwa tama uwa ne uwa ru avbe emwi na hia ne uwa sẹtin bẹghe awanwan uyi irẹn.”

Diuteronomi 31:12

Tie avbe ikpia hia, ikhuo hia, ibiẹka hia kevbe avbe orhunmwuyẹn ni rre uwa ẹvbo, ne iran hia miẹn ehe na họn ẹẹn, ne iran sẹtin ruẹ vbene a ya ọghọ ne Nọyaẹnmwa Osanobua hẹ, ne iran vbe gha ya ẹkoata lele emwi ne ọ ma emwa re.