Levitikọs 9:4 - Edo Bible (E Baibol Ẹdo) Version 1996

⁴ Ẹkhuia ọkpa kevbe ogho ọkpa, ọghe izọhẹ isara. Iran ghi ya iran zọ ese ghe Nọyaẹnmwa ba emwi izọese ọka ne a ya ofigbọn gbe. Tama iran ne iran ru ọna rhunmwuda e Nọyaẹnmwa gha rhie egbe maa iran ẹrẹna.”

Levitikọs 9:4 ပူးပေါင်းရင်းမြစ်များ

Ẹksọdọs 16:10

Ehe ne Errọn na gu avbe emwa nii guan nii, iran na gbe aro ghe odẹ ato, vbe udomwurri, awanwan ne ẹi gie a ghe nii keghi rhie egbe ma vbe okuku.

Ẹksọdọs 19:11

vbe ẹdẹ ne irakhuẹ, vbe ẹdẹ ne ẹdẹrriọ, mẹ ne Nọyaẹnmwa gha tuorre vbe uhunmwu oke Sainai ehe ne avbe emwa nii hia gha na bẹghe mwẹ.

Ẹksọdọs 24:16

Uyi ọghe Nọyaẹnmwa keghi tuo rre yan oke nii. Ivbi Izrẹl gha ghẹ ẹre awanwan nii keghi yevbe erhẹn ne ọ wa giẹn vbe uhunmwu oke nii, okuku keghi degue ẹre la ikpẹdẹ ehan, vbe ikpẹdẹ ne ne ogihinrọn, e Nọyaẹnmwa keghi datie Mosis ke adesẹneva okuku nii gha dee.

Ẹksọdọs 29:43

Evba I ra na do gha miẹn ivbi Izrẹl, uyi mwẹ ghi ya evba nii khian ne ọ huanrẹn.

Ezikiẹl 43:2

I keghi ya bẹghe uwanmwẹ ne wainwain ne a ya rẹn ighe Osanobua Izrẹl rre evba vbe ọ ke odẹ ahọ dee. Urhu e Nọyaẹnmwa keghi ye vbe uvannọmwẹ okun, uwanmwẹ ne wainwain nii keghi wan mu otọ hia.

Ezikiẹl 43:27

Uzọla ọkpa ghẹ ghi gberra nẹ, avbe ohẹn ghi suẹn gha zọ ese vbe ogiukpo nii, ese ne a gien uan kevbe ọghe isara ọghe emwa nii. Ẹghẹ nii, ẹko uwa hia ghi do gha rhiẹnrhiẹn mwẹ. Mẹ ne Nọyaẹnmwa ne Udazi ọ re ọ tae.”

Levitikọs 2:1

“Omwa gha yo imuohan ọka gie Nọyaẹnmwa, ọ ghi ka dunmwu ẹre irhuarhua nẹ, ọ ghi sa ofigbọn ọliv kevbe eturari ba ẹre.

Levitikọs 3:1

“Omwa gha ya ọkpa vbe uwu ẹmila obọ ẹre sisara, ọ kere ne ọ gha re ẹkhuia ra ẹmila amwẹ ne ẹ i mwẹ okan.

Levitikọs 9:23

E Mosis kevbe Errọn keghi la uwu Owa Ukpọn Ile, iran ghi ladian, iran keghi fiangbe emwa nii, uyi e Nọyaẹnmwa keghi rhie egbe ma emwa nii hia.

Levitikọs 9:3

U ghi vbe tama ivbi Izrẹl ne iran mu ovbukhọ ya zọ ese orukhọ, ovbi ẹkhuia ne ọ rre ukpo ọkpa kevbe ogho ne ọ rre ukpo ọkpa, ne ẹ i mwẹ okan ne ese na giẹn uan.

Levitikọs 9:5

Iran keghi viọ avbe emwi hia ne Mosis tama iran gha die odaro Owa Ukpọn Ile, emwa nii hia keghi si koko ye evba ne iran ga e Nọyaẹnmwa.

Levitikọs 9:6

E Mosis keghi kha wẹẹ, “Te e Nọyaẹnmwa tama uwa ne uwa ru avbe emwi na hia ne uwa sẹtin bẹghe awanwan uyi irẹn.”

Nọmbas 14:10

Emwa nii ghi te ra filo okuta gbele iran an, sokpan vbe udomwurri, iran keghi ya bẹghe vbe uwanmwẹ ne ẹ i gia ghe nii ne ọ rhie maa we Nọyaẹnmwa re evba, rhie egbe ladian yan Owa Ukpọn Ile.

Nọmbas 16:19

Ẹre Kora na si emwa ni hia koko, iran keghi mudia viọ aro da e Mosis kevbe Errọn vbe onurho Owa Ukpọn. Vbe udomwurri, uwanmwẹ ne ẹ i gia ghe nii, ne a ya rẹn ighẹ Nọyaẹnmwa rre evba, keghi rhie egbe maa emwa nii hia.