Levitikọs 9:3 - Edo Bible (E Baibol Ẹdo) Version 1996

³ U ghi vbe tama ivbi Izrẹl ne iran mu ovbukhọ ya zọ ese orukhọ, ovbi ẹkhuia ne ọ rre ukpo ọkpa kevbe ogho ne ọ rre ukpo ọkpa, ne ẹ i mwẹ okan ne ese na giẹn uan.

Levitikọs 9:3 ပူးပေါင်းရင်းမြစ်များ

Gẹnẹsis 37:31

Iran keghi gbe ẹwe, iran na fi ẹwu ne gurọọ ọ ghe Jesẹf ye uwu esagiẹn ọnrẹn.

Ẹzra 10:19

Iran keghi yan wẹ iran gha khulo amwẹ iran, iran keghi ya ogho zọ ese ye orukhọ iran.

Ẹzra 6:17

Emwi ne iran ya do ugie a ya fi ohan kegha re ẹkhuia ẹmila iyisẹn, ohuan uri kevbe oteghe ohuan arria eva, ne iran ya zọ ese, deba ẹwe iweva ne iran ya zọ ese ye orukhọ, ẹwe ọkpọkpa ọghe ẹwae ọkpọkpa vbe Izrẹl.

Ẹksọdọs 12:5

Ọkere ne ọ gha re aranmwẹ ne ọ ma bun obọ, a ma kuan ẹre egbe, ọwẹe ne ọ rre ukpo ọkpa, wa sẹtin mu ohuan ra ẹwe.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Levitikọs 10:16

E Mosis keghi nọ ẹmwẹ ẹwe ne a ya zọ ese ye orukhọ, ọ keghi miẹn wẹ a giẹn ọnrẹn uan nẹ. Ọna keghi gie ohu Eliaza kevbe Itama ni ghi kẹe vbe ivbi Errọn mu ẹẹn, ọ keghi nọ wẹẹ,

Levitikọs 12:6

Ẹghẹ akpehuan rẹn ghẹ ghi gba nẹ ọre ọghe ọmọ okpia nọ ra ọmọ okhuo, ọ ghi mu ovbi ohuan ne ọ rre ukpo ọkpa bu ohẹn gha die onurho Owa Ukpon Ile ne a ya zọ ese ne agiẹn uan, ke vbe elikhukhu ra idu ne a ya zọ ese orukhọ.

Levitikọs 14:10

Vbe ikpẹde nogierẹnrẹn, ọ ghi viọ ivbi ogho eva kevbe ovbi ohuan amwẹ ọkpa, iran ghi gha re ne ẹ i mwẹ okan, uwan irhuarhua isẹn ne a ya ofigbọn ọliv gbe, ke ẹe kevbe ukhiọnmwẹ ọgọ ọghe ofigbọn ọliv.

Levitikọs 16:15

Vbe iyeke ọnii, ọ ghi gbe ẹwe izọese orukhọ ọghe emwa nii, ọ ghi mu esagiẹn ọnrẹn gha die Ehe Nọhuansẹ Ehia, ọ ghi sanmwẹ ọẹn yan ugue ẹkpẹti nii kevbe odaro Ẹkpẹti Ile nii, zẹ vbene ọ vbe ru esagiẹn ẹkhuia ẹmila nii.

Levitikọs 16:5

Ivbi Izrẹl ghi viọ ovbukhọ eva ne Errọn ya zọ ese orukhọ kevbe ogho ọkpa ne ese na giẹn uan.

Levitikọs 23:12

Vbe ẹdẹ ne uwa gha ru izẹọhẹ ọka, wa ghi vbe gbe ogho ukpo ọkpa ne ẹ i mwẹ okan, zẹ vbe izọese nẹ a giẹn uan.

Levitikọs 4:23

Ọwarọkpa vbe a ghẹ ghi rhie orukhọ nii ma rẹn nẹ, ọ ghi ya mu ovbukhọ ne ẹ i mwẹ okan, rre do ya zọ ese.

Levitikọs 4:3

Adeghẹ Ogie Ohẹn ọre ọ ru orukhọ ne ọ na mu abe gie emwa nii, ọ ghi mu ẹkhuia ẹmila ne ẹ i mwẹ okan ya zọ ese ghe Nọyaẹnmwa ye orukhọ ẹre.

Levitikọs 9:2

Ọ keghi tama Errọn wẹẹ, “Mu ovbi ẹkhuia ẹmila kevbe ogho ne ẹ i mwẹ okan ne uwa ya iran zẹ ọhẹ gie Nọyaẹnmwa, ẹkhuia ne ọ rrọọ, ọghe izọese orukhọ, ke ogho ne ọ rrọọ, ọ ghe izọese na giẹn uan.

Levitikọs 9:4

Ẹkhuia ọkpa kevbe ogho ọkpa, ọghe izọhẹ isara. Iran ghi ya iran zọ ese ghe Nọyaẹnmwa ba emwi izọese ọka ne a ya ofigbọn gbe. Tama iran ne iran ru ọna rhunmwuda e Nọyaẹnmwa gha rhie egbe maa iran ẹrẹna.”

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

I Pita 2:24

Kristi tobọ ẹre, ọre ọ ye egbe miẹn orukhọ mwa, ọ keghi ye egbe ẹre muẹn gha rrie ugbugbe, ne ima miẹn ehe na wulo hin orukhọ rre, ne a miẹn ehe na gha yin uyinmwẹ ẹmwata. Ẹwẹn ọghọe, ọre a ya mu uwa egbe rran.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.

Arhie Maan 5:9

Iran keghi so ihuan ọgbọn: “U sẹe ne ọ gha rhie ebe ne a kiri ni. Kevbe ne u giagia emwi ne a ya gbalọ ẹe rhunmwuda, a te gbe ua nẹ, u keghi ye uwu ruẹ dẹlẹ emwa ne agbọn gie Osanobua.