Levitikọs 9:17 - Edo Bible (E Baibol Ẹdo) Version 1996

¹⁷ Ọ keghi mu izọhẹ ọka rre, ọ na zẹ uguobọ irhuarhua okpa, ọ na giẹn ọnrẹn uan vbe aka (a keghi vbe ru ọna ba ese na giẹn uan ne a zọ ẹdẹgbegbe).

Levitikọs 9:17 ပူးပေါင်းရင်းမြစ်များ

I Krọnikol 16:40

Iran ghi gha giẹn ohoho ese vbe uhunmwu Ogiukpo vbe owiẹ kevbe ota hia, zẹ vbene a gbẹn ọẹn ye uhi ne Nọyaẹnmwa gbẹn ne ivbi Izrẹl.

II Krọnikol 2:3

E Solomọn keghi gie ne a tama e Hiram ne ọba e Taia wẹẹ, “Vbe gha do ẹki gun mwẹ zẹ vbene u vbe gha do ẹki gie erha mwẹ ighẹ e Devid ne ọba vbe ẹghẹ ne u na khiẹnnẹ igẹdu e sida ne ẹẹn ne ọ ya bọ ẹguae ẹre.

Levitikọs 3:5

Avbe ohẹn ghi giẹn ena hia vbe uhunmwu aka deba ese ne a giẹn uan nii. Uwinhinmwẹ emwi ihaoko evbare na yẹ Nọyaẹnmwa.

Levitikọs 9:1

Ẹdẹ ghi gba vbe a ru emwi ọghe a ye ọmwa ma ohẹn fo nẹ, e Mosis keghi tie Errọn kevbe ivbi ẹre ke iran kevbe avbe olotu Izrẹl.

Iyẹn ne ọ Maan Ọghe Jọn 6:53

Jesu tama iran wẹẹ, “Ẹmwata ọre I tama uwa, vbe ẹ i re te uwa rri efun egbe Ovbi Ọmwa ne uwa vbe wọn esagiẹn ọnrẹn, wa i sẹtin gha mwẹ arrọọ vbe uwu uwa.

Galatia 2:20

Ọre a ghi na miẹn nian wẹ, ẹ i re imẹ ọre ọ ghi rre agbọn ọvbehe, sokpan Kristi ọre ọ rre agbọn vbe uwu imẹ vbene I ghi ya rre agbọn na nian, iyayi ọre I ghi ya rrọọ vbe uwu ovbi Osanobua, ọmwa ne ọ ho ẹmwẹ mwẹ, ọ na rhie ẹdẹ agbọn rẹn mẹ.