Levitikọs 9:12 - Edo Bible (E Baibol Ẹdo) Version 1996

¹² Ọ keghi gbe aranmwẹ ese na giẹn uan ọghe egbe ẹre. Ivbi ẹre ke mu esagiẹn ọnrẹn gie ẹe, ọ keghi rhurhẹ ọe ku igienenẹ ọghe aka.

Levitikọs 9:12 ပူးပေါင်းရင်းမြစ်များ

Levitikọs 10:19

Errọn keghi wanniẹn wẹẹ, “Wẹ rẹnrẹn wẹ emwi ne ọ gbe orrirri na ye sunu vbe egbe mwẹ, egbe ne emwa ni rre ya viọ izẹọhẹ orukhọ rre deba ese ne agiẹn uan ọghe iran gie Nọyaẹnmwa ẹrẹna. Akpawẹ te imẹ rri emiowo ọghe izẹọhẹ orukhọ nii ẹrẹna, ẹko gha rhiẹnrhiẹn e Nọyaẹnmwa ra?”

Levitikọs 9:11

Sokpan, ọ keghi giẹn emiowo nọ rrọọ kevbe ohian rẹn vbe a gha ladian ore agọ rre nẹ.

Levitikọs 9:13

Iran keghi mu uhunmwu ẹnrẹn kevbe ikele emiowo aranmwẹ nii nọ dekẹe, ọ keghi giẹn ehia vbe aka.

Levitikọs 9:16

Ọ na vbe mu aranmwẹ ọghe ese na giẹn uan rre, ọ na vbe ya ẹe zọ ese zẹ vbe odẹ na ru ẹe la.

Levitikọs 9:9

Ivbi ẹre keghi mu esagiẹn ọnrẹn bu ẹre gha dee, ọ na fi ikpinhianbọ irẹn yọ, ọ na ya vbọ ye ukpẹ aka ni rre dọmwadẹ okhiẹ aka, ọ na mu nọ ghi dekẹe vbọ hihiẹ ye ẹzi aka.

Ẹfisọs 5:2

Wa gie aho ẹmwẹ ọmwa gha kha yan ẹdẹ agbọn uwa, zẹ vbene Kristi ho ẹmwẹ mwa, ne ọ na ya ẹdẹ agbọn rẹn fi ohan ne ima, zẹ vbe emwi imuohan kevbe emwi izọ ese ne ọ winhin, ne ọ yẹ Osanobua.