Levitikọs 9:10 - Edo Bible (E Baibol Ẹdo) Version 1996

¹⁰ Ọ ke ghi giẹn ẹvbi ẹre, ihẹnmwẹ ọnrẹn, kevbe ititi ẹvbi ne ọ rre udu ẹre, zẹ vbe ne Nọyaẹnmwa tama e Mosis.

Levitikọs 9:10 ပူးပေါင်းရင်းမြစ်များ

Psalm 51:17

Izọese mwẹ, ọrọre ekhọe ne ọ mu egbe rriotọ Osanobua, wẹ i ra he ekhọe ne ọ mu egbe rriotọ, kevbe ne ọ roiro fi uyimwẹ werriẹ.

Ẹksọdọs 29:13

Iyeke ọnii, u ghi mu esagiẹn ne ọ rhu yan ẹkpokhurhu ẹre kevbe ẹvbi ne ọ rre udu ẹre kevbe ihẹnmwẹ ọnrẹn eveva kevbe ẹvbi nii rhu yan iran, u ghi giẹn ehia vbe uhunmwu aka zẹ vbe emwi izọhẹ ghe mwẹ.

Itan 23:26

Kakabọ gbe aro kotọ, ovbi mwẹ, ne u gie uyinmwẹ mwẹ gha re igiemwi nuẹn.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Aizaia 66:2

Mẹ ọ re ọ tobọmwẹ yi agbọn na hia. Ẹko avbe emwa ni mu egbe rriotọ ke ni roiro fiwerriẹ wa ma mwẹ iran ni mu ohan mwẹ, ni vbe họn ẹmwẹ mẹ.

Levitikọs 9:11

Sokpan, ọ keghi giẹn emiowo nọ rrọọ kevbe ohian rẹn vbe a gha ladian ore agọ rre nẹ.

Levitikọs 9:9

Ivbi ẹre keghi mu esagiẹn ọnrẹn bu ẹre gha dee, ọ na fi ikpinhianbọ irẹn yọ, ọ na ya vbọ ye ukpẹ aka ni rre dọmwadẹ okhiẹ aka, ọ na mu nọ ghi dekẹe vbọ hihiẹ ye ẹzi aka.