Levitikọs 8:8 - Edo Bible (E Baibol Ẹdo) Version 1996

⁸ Ọ keghi mu uhanhan ẹwẹe yọ ẹe, ọ keghi vbe viọ Urim kevbe Tumin yọ.

Levitikọs 8:8 ပူးပေါင်းရင်းမြစ်များ

Ẹzra 2:63

Ovbi e Ju ne ọ khaemwisẹ keghi tama iran wẹ ne iran ghẹ rri evbare ne a ya yo imuohan gie Osa, a te do miẹn ohẹn ne ọ guara lo Urim kevbe Tumin.

Nehimaia 7:65

Ovbi e Ju ne ọ re ne ọ khaemwisẹ keghi tama iran wẹ iran i ra sẹtin rri evbare ne a ya fi ohan gie Osanobua vbe ẹ i re te a miẹn ohẹn ne ọ guara lo Urim kevbe Tumin nẹ.

Ẹksọdọs 29:1

“Vbenian ọre u gha ya ye Errọn kevbe ivbi ẹre fi ohan mẹ ne iran ga mwẹ zẹ vbe ohẹn. U ghi mu ovbi ẹkhuia ẹmila ọkpa kevbe ogho eva ne a ma kuan ra ne egbe gba na.

Ihuan Ne Ọ Sọọ Ihuan Hia 8:6

Ghẹ gie ẹmwẹ ọmwa la ruẹ aro gberra ogho mwẹ ghẹ sikan mu obọ ọmwa ọvbehe gberra ọghọ mwẹ, ahoẹmwọmwa wa mwẹ ẹtin zẹvbe uwu, orriarria wa vbe mwẹ ẹtin zẹ vbe uwu tobọ ọre, te ọ mu erhẹn, ọ ghi vbe gha giẹn emwi khian zẹvbe okperhẹn.

Aizaia 59:17

Ọ gha mu ẹmwata yọ zẹ vbe ẹwu ematọn okuo, kevbe akhọnmiotọ zẹvbe ẹrhu ẹgere. Ọ gha ye amuegbe ne a ya dọlọ emwi hia yi yọ egbe ẹre ẹwu kevbe ne a ya rri emwa oya ne a ya rria ikhi ye emwi dan ne a ru emwa ẹre.

Nọmbas 27:21

“Eliaza ne ohẹn ọre rẹn ra ye aro khọ, ọmwa ne ọ gha ya Urim kevbe Tumin gualọ otọ emwi ne I ho. Odẹ vbenian Eliaza ọre ọ ra gha dia e Jọsua kevbe emwa Izrẹl hia vbe emwi ne iran ra gha ru hia.”

Ẹfisọs 6:14

Rhunmwuda ọnii, khẹ ye egbe, ya ẹmwata ru ugbẹkun rhie gba, ya aruemwiata ru uhanhan ẹwẹe.

Diuteronomi 33:8

Ọ keghi kha vbe ekpa ọghe ẹwae Livai wẹẹ: “Wẹ ne Nọyaẹnmwa, ye egbe ruẹ ne a rẹn vbe ekpa Urim kevbe Tumin, la obọ avbe Livai, ne eguọmwadia esi ruẹ wẹ danmwẹ iran ghe vbe Masa u kevbe miẹn otọ iran ye emwata vbe ẹzẹ Mẹriba.

I Tẹsalonaika 5:8

Sokpan ivbi uwanmwẹ ẹdẹ ma khin, ọ kere ne aro gbannọ ima vbe uhunmwu. Ọ kere ne ima gbalọ iyayi kevbe aho ẹmwẹ ọmwa ye egbe zẹ vbe uhanhan ẹwẹe, kevbe idaehọ ne ima mwẹ ye imiẹnfan, zẹ vbe ẹrhu ne uhunmwu.

I Samuẹl 2:28

I keghi hannọ ẹgbẹe ọghe ọe zẹ, vbe uwu ẹwae ni rre Izrẹl hia ne iran gha re ohẹn mwẹ, ne iran gha ga vbe Ogiukpo, ne iran gha giẹn eturari kevbe ne iran gha rhuan adaghọ ya nọ mwẹ ọta. I kevbe rhie asẹ ne iran, ne iran gha ghae vbe emwi ne a giẹn uan vbe aka.

I Samuẹl 28:6

Rhunmwuda ọnii, ọ keghi nọ e Nọyaẹnmwa emwi ne irẹn gha ru, sokpan, e Nọyaẹnmwa ma zẹdẹ rhie ewanniẹn ne ẹẹn, ọ re vbe imina nọ, ra uta, ra la obọ akhasẹ.