Levitikọs 8:7 - Edo Bible (E Baibol Ẹdo) Version 1996

⁷ Ọ keghi mu ẹwu iruemwi nii yọ ẹe, ọ keghi ye ugbẹkun ne mose ne a do nii gba ẹe ginna ẹẹn vbe ẹkun.

Levitikọs 8:7 ပူးပေါင်းရင်းမြစ်များ

Ẹksọdọs 28:2

U ghi se ẹwu ne ọ huanrẹn ne Errọn ne ọtuẹn ne ọ gha re ọghe ọghọ kevbe ose.

Ẹksọdọs 28:4

Ẹwu ne iran gha sele ọre ena khin. Ne a mu rhu ẹwẹe, adaghọ, agbada, ẹwu ne a do, ukugba uhunmwu kevbe ọza, iran ghi se ẹwu ne ọ huanrẹn ne Errọn ne ọtuẹn ke avbe ivbi ẹre nikpia ne iran sẹtin gha ga mwẹ zẹ vbe ohẹn.

Ẹksọdọs 28:6

“A ghi ya oru ne raghoragho, ne ọ vboro rhan-an, ne ọ baa, igoru kevbe eto ovbiohuẹ ne vbukhẹẹ, se adaghọ, a ghi do ona lele ẹe.

Ẹksọdọs 29:5

Iyeke ọnii, u ghi viọ ukpọn ohẹn nii, u ghi rhie ẹwu, ẹwu ne a mu ya ẹwu ọkotọ, adaghọ kevbe uhanhan ukpọn ẹwẹe ọghe Errọn, u ghi vbe ye ukugba gba ẹre ẹkun lẹga.

Aizaia 61:10

Ẹko rhiẹnrhiẹn Jerusalẹm rhunmwuda iwinna ne Nọyaẹnmwa winna ẹn. Te ọ yevbe ọha ne a mu ẹre egbe irhiọha. Osanobua ya imiẹnfan kevbe akhọnmiotọ yo ẹre ẹwu.

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Ezikiẹl 42:14

Avbe ohẹn gha rre uwu Ọgua Osa nẹ, iran na wẹ iran ra ladian, ẹkpotọ ne ọ rre ore, iran ghi bannọ avbe ukpọn nihuanrẹn ne iran yọe vbe iran ga e Nọyaẹnmwa yotọ vbe evba. Iran ghi viọ ukpọn ọvbehe yọ vbe iran a gha rrie ehe ne avbe emwa nii si koko yi.”

Ebe ne Pọl gbẹẹn gie emwa Rom 13:14

Sokpan wa viọ emwi igbinna ọghe Nọyaẹnmwa Jesu Kristi mwẹ obọ, wa ghẹ gie ẹmwẹ egbe orukhọ uwa mu uwa, vbe ekpa ne uwa na rhie emwi ne ọ ho nẹẹn ne ẹko vuọẹn.

Ebe ne Pọl gbẹẹn gie emwa Rom 3:22

A ya Jesu yi, ọre Osanobua rhunmwuda ẹre ya ọmwa khian ọmwata. Emwa hia ni ya Jesu yi, ọre Osanobua ru vberriọ rhunmwuda alughaẹn ne egbe i rrọọ hiehie re.

Galatia 3:27

Rhunmwuda, te a sa amẹ ne uwa ye uwu a kugbe be Kristi, rhunmwuda ọnii, te uwa ghi vbe mu akpa emwi ne ọ maa hia ọghe Kristi yọ.

I Samuẹl 2:28

I keghi hannọ ẹgbẹe ọghe ọe zẹ, vbe uwu ẹwae ni rre Izrẹl hia ne iran gha re ohẹn mwẹ, ne iran gha ga vbe Ogiukpo, ne iran gha giẹn eturari kevbe ne iran gha rhuan adaghọ ya nọ mwẹ ọta. I kevbe rhie asẹ ne iran, ne iran gha ghae vbe emwi ne a giẹn uan vbe aka.