Levitikọs 8:4 - Edo Bible (E Baibol Ẹdo) Version 1996

⁴ E Mosis keghi ru zẹ vbene Nọyaẹnmwa tama rẹn, ugbẹn vbe emwa nii ghi sikoko nẹ.

Levitikọs 8:4 ပူးပေါင်းရင်းမြစ်များ

Ẹksọdọs 39:1

Eto ohuan ne raghoragho kevbe ne ọ vboro rhan-an, kevbe ne ọ baa ọre a ya sele ẹwu ne mose mose ne avbe ohẹn lo vbe iran a gha ru emwi vbe uwu ehe ne ọ huanrẹn. Iran keghi se ẹwu iwinna ohẹn ne Errọn zẹ vbene Nọyaẹnmwa tama e Mosis.

Ẹksọdọs 39:21

Iran keghi ya irri ne raghoragho dele oroka ni rre uhanhan ẹwẹe nii ginna oroka ni rre ẹwu nii, vbe ne uhanhan ẹwẹe ukpọn gha na mudia vbe odukhunmwu ugbẹkun vbene ẹ i ghi na kuọghọ kua, zẹ vbene Nọyaẹnmwa tama e Mosis.

Ẹksọdọs 39:29

Ebuluku ne a ya eto ovbiohuẹ ne vbukhẹẹ ne a mẹ ru, eto ovbiohuẹ ne raghoragho, ne ọ vboro rhan-an kevbe ne ọ baa ne a do emwi ya mu ona lele zẹ vbene Nọyaẹnmwa tama e Mosis.

Ẹksọdọs 39:5

Ugbẹkun ne a do mose mose nii ke wa vbe deba nene ẹwu adaghọ na, obọ ona ọkpa nii ọre a vbe ya ruẹe ne a na ye igoru, eto ohuan ne raghoragho, ne ọ vboro rhan-an kevbe ne ọ baa ruẹe, kevbe eto ovbiohuẹ ne vbukhẹẹ ne a mẹ, zẹ vbene Nọyaẹnmwa tama e Mosis ne ọ ru ẹe.

Ẹksọdọs 39:7

Ọ na solo ẹe ginna ọza izabọ ọghe ẹwu adaghọ nii zẹ vbe ikpẹrọnmwọ ne ọ gha ye ọmwa eni ivbi Izrẹl rre zẹ vbe ne Nọyaẹnmwa tama e Mosis ne ọ ru.

Levitikọs 8:13

Iyeke ọnii, e Mosis keghi viọ ivbi Errọn hia rrie odaro, ọ na viọ ẹwu yọ iran, ọ na gbalọ iran ebuluku, ọ na vbe gbalọ ẹrhu ye iran uhunmwu zẹ vbene Nọyaẹnmwa khare.

Levitikọs 8:17

Ọ keghi mu ne ọ ghi dekẹe vbe ẹkhuia nii, ke ẹe kevbe ohian rẹn, efun kevbe ẹkpokhurhu ẹre, ọ keghi ya giẹn ọnrẹn uan vbe a ghi lahin agọ rre nẹ zẹ vbene Nọyaẹnmwa wẹ ne a ru ẹe.

Levitikọs 8:29

Ẹre Mosis na mu ewẹn ọnrẹn, ọ na mu ẹẹn gie Nọyaẹnmwa zẹ vbe ọhẹ kpataki. Eso ne ọ sẹ Mosis obọ nọ vbe ogho ne a ya ma ohẹn. E Mosis keghi ru emwi hia zẹ vbe ne Mosis tama rẹn.

Levitikọs 8:3

U ghi tie emwa nii hia sikoko ye evba.”

Levitikọs 8:35

Wa ghi wa gha rre onurho Owa Ukpọn ile nii asọn kevbe avan la ikpẹdẹ ihinrọn, wa ghi gha ru vbene Nọyaẹnmwa khare, deghẹ wa ma ru vberriọ, wa gha wulo.” Emwi ne Nọyaẹnmwa tama mwẹ ọre ọna khin.

Levitikọs 8:5

Ọ tama iran wẹẹ, “I ra ru zẹ vbene Nọyaẹnmwa khare.”

Levitikọs 8:9

Ọ keghi mu ukugba uhunmwu yọ ọre uhunmwu, ọ keghi vbe mu emwi itegbe igoru ne a gbẹnnẹ emwi yi ya fi ohan ne Nọyaẹnmwa, ye ọre odaro zẹ vbene Nọyaẹnmwa tama rẹn.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

I Kọrinti 11:23

Rhunmwuda, obọ Nọyaẹnmwa ọre I na miẹn emwi ne I ma uwa re, wẹ, Nọyaẹnmwa Jesu, vbe asọn ne a rhie ẹre maa, ọ rhie ebrẹd.

I Kọrinti 15:3

Emwi ne imẹ miẹn rhie ọre I vbe na rhie sẹ uwa obọ, emwi ne ọ wa vbe re emwi kpataki ẹsẹse wẹ Kristi wu ba ẹmwẹ orukhọ mwa zẹ vbene a gbẹn ọẹn ye Ebe.

Diuteronomi 12:32

“Wa ru emwi hia ne I tama uwa ne uwa ru, wa ghẹ fian yọ, wa ghẹ fian hin.