Levitikọs 8:35 - Edo Bible (E Baibol Ẹdo) Version 1996

³⁵ Wa ghi wa gha rre onurho Owa Ukpọn ile nii asọn kevbe avan la ikpẹdẹ ihinrọn, wa ghi gha ru vbene Nọyaẹnmwa khare, deghẹ wa ma ru vberriọ, wa gha wulo.” Emwi ne Nọyaẹnmwa tama mwẹ ọre ọna khin.

Levitikọs 8:35 ပူးပေါင်းရင်းမြစ်များ

I Ọba 2:3

ne u gha ru avbe emwi ne Nọyaẹnmwa ne Osanobua ruẹ tama ruẹn ne u ru. U ghi gha ya uhi ẹre kevbe ilele ẹre ru emwi zẹ vbe ne a gbẹnnẹ ọẹn ye uhi e Mosis ne emwi hia ne u ru miẹn ehe na gha dinna odẹ nuẹn vbe ehe ne u rhirhi mu uhunmwu da.

Ẹksọdọs 29:35

“Emwi ne I tama ruẹn na zẹẹ ọre u ra ru ne Errọn kevbe avbe ivbi ẹre. Ikpẹdẹ ihinrọn ọre u ra do ugie ne a ya ma iran ohẹn la.

Ezikiẹl 43:25

U ghi gha ya ẹwe ọkpa, ẹkhuia ẹmila ọkpa, kevbe ogho ọkpa zọ ese orukhọ ẹdẹgbegbe la ikpẹdẹ ihinrọn. Ehia ghi wa gha re ne ẹ i mwẹ okan.

Ezikiẹl 48:11

Ako nọhuanrẹn na ghi gha re ọghe avbe ohẹn ni re ivbi uniẹn e Zadọk. Ekhọekekhọe ọ re iran ya ga mwẹ, iran ma deba ivbi Izrẹl nekpa ya gha ru emwi dan zẹ vbe ne ivbi ẹwae e Livai nekpa ru.

Levitikọs 10:1

Ivbi Errọn ighẹ Nadab kevbe Abihu keghi viọ ọkpan erhẹn iran, iran gua ugiọnmwẹ erhẹn yọ, iran keghi zẹ eturari yọ, iran na mu gie Nọyaẹnmwa.

Levitikọs 14:8

Ọmwa nii ghi họ ukpọn rẹn, ọ ghi zẹ eto ẹre hia kua, ọ ghi ya khuẹ, ẹghẹ nii, ọ ghi do gha re ne ẹ i ghi mwẹ awua. Ọ sẹtin la uwu agọ sokpan, ọ ghi di owa ẹre ya ọ te sẹ ikpẹdẹ ihinrọn.

Levitikọs 8:30

E Mosis keghi rhie vbe ori ne a sa ye emwa uhunmwu ne ọ rre aka, ọ ke sanmwẹ ọẹn ku Errọn ke ẹe kevbe ivbi ẹre kevbe ukpọn. Odẹ vberriọ, ọ keghi ya iran kevbe ukpọn iran fi ohan ne Nọyaẹnmwa.

Levitikọs 8:34

E Nọyaẹnmwa ọre ọ tama ima ne ima ru emwi ne ima ru ẹrẹna ne a ya kpe orukhọ rua kua.

Levitikọs 8:36

Ẹre Errọn kevbe ivbi ẹre na wa ru emwi hia ne Nọyaẹnmwa gie Mosis do kha.

Nọmbas 19:12

Ọ ghi ya ye amẹ akpehuan khuẹ egbe ẹre huan vbe ikpẹdẹ ne ogieha ke ikpẹdẹ ne ogihinrọn, rẹn keghi do gha re ne ọ huanrẹn, sokpan a deghẹ ọ ma khuẹ egbe ẹre huan vbe ikpẹdẹ ne ogihinrọn, ọ ghi gha re nọ ma huan.

Nọmbas 3:7

Iran ghi gha winna iwinna ni rre uwu Owa Ukpọn Ile, iran ghi gha winna ne avbe ohẹn kevbe avbe emwa nii hia.

Nọmbas 9:19

Okuku ni gha mudia kpẹe vbe agọ nii, iran ghi ru vbe ne Nọyaẹnmwa khare, iran i si kpao.

II Kọrinti 7:1

Emwi na hia ọre a ve ima ẹre, wa ne ọse mwẹ ni ghan. Rhunmwuda ọnii, wa gie ima khuẹ egbe mwa huan hin emwi ne ọ sẹtin ye egbe ra orhiọn khian ne ọ ma huan, wa gie ima hia ne ima gha re ne ọ huanrẹn fẹẹrẹ, vbe ekpa ne ima gha na gha rrọọ vbe a mu ohan Osanobua.

Diuteronomi 11:1

“Wa ho ẹmwẹ Nọyaẹnmwa Osanobua rua, ne uwa vbe gha ya uhi ẹre hia ru emwi.

I Timoti 1:18

E Timoti ne ovbi mwẹ, te I ka iyi na yuẹ obọ, zẹ vbe ẹmwẹ akhasẹ ne a guan ye otọ vbe ekpa ruẹ ẹghẹ nii. U ghi gie avbe ẹmwẹ nii, gha re emwi igbinna vbe obọ ruẹ, vbe u a gha gbinna igbinna esi nii khian.

I Timoti 5:21

Vbe sirra Osanobua kevbe Kristi Jesu, kevbe avbe odibo Osa ni huranrẹn, I ya imuegberriotọ tama ruẹn, ne u gha ye avbe ẹmwẹ na ru emwi vbe ne a i na zẹ ọmwa ẹkpe, ra ne a gha ghe ọmwaikọmwa ikpanro vbe uwu emwi ne u ru hia.

I Timoti 6:13

Vbe odaro Osanobua ne ọ rhie arrọọ ne emwi hia, kevbe odaro Kristi Jesu, ọmwa ne ọ vbe miẹn iyayi ẹre kue gbangbaangban vbe odaro Pọntiọs Pailet, te I yi iyi nuẹn.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

I Timoti 6:20

Timoti ye obọ da ẹe yi vbe ne a i na mwẹ ẹbe, ighẹ emwi ne a ka ye uẹ obọ. Ghẹ mwẹ obọ vbe ọta ne ẹ i mwẹ emwi ne ọ khọ ọghe Osanobua, kevbe imuaẹmwẹ ukọnmwẹ, egbe emwi ne emwa ukọnmwẹ tie ẹre “Irẹnmwi.”

II Timoti 4:1

I ye ọghọ vbe ute tama ruẹn, vbe odaro Osanobua kevbe Kristi Jesu, Ọmwa ne ọ ra bu ohiẹn emwa ni rre agbọn kevbe ni wulo nẹ, rhunmwuda urremwẹ ọnrẹn kevbe Arriọba ẹre, I yi ẹre iyi nuẹn.

Hibru 7:28

Emwa ne ọ ma khia na, ọre Uhi e Mosis zẹlẹ ye ukpo igie ohẹn, sokpan ẹmwẹ eyan Osanobua, ne ọ ghi do kiekie rre khẹ nene Uhi, keghi zẹ Ovbi Osanobua ọmwa ne a ya khian ne ọ gba na fo nẹ rhinrin ẹdẹ.