Levitikọs 8:31 - Edo Bible (E Baibol Ẹdo) Version 1996

³¹ E Mosis keghi tama Errọn kevbe ivbi ẹre wẹẹ, “Wa mu emiowo nii gha rrie onurho Owa Ukpọn Ile, wa le ẹe, ne uwa vbe rri ọe vba ba ebrẹd ni ne ọ rre okhuae emwi izọhẹ ohẹn ne a maa, zẹ vbene Nọyaẹnmwa tama mwẹ ne I wẹ uwa ru.

Levitikọs 8:31 ပူးပေါင်းရင်းမြစ်များ

Levitikọs 10:17

“Vbọzẹ ne uwa ma na rri izọ ese orukhọ nii vbe ehe ne ọ huansẹ yi? Emwi ne ọ huansẹ ẹsẹse nọ, te Nọyaẹnmwa vbe rhie ẹre ne uwa, ne uwa miẹn ehe na kpe orukhọ emwa nii kua.

Levitikọs 6:28

Uwawa ne a rhirhi ya le ẹe, a ghi gbe ẹe rua sokpan deghẹ ẹgere nọ, a ghi khiakhia ẹe, a ghi ye amẹ rria ẹre.

Levitikọs 7:15

Ẹdẹ ne a ya aranmwẹ nii zọ ẹse ọre a gha vbe rri emiowo ẹre, a ghẹ gie ẹe kẹrre vbọ ne ẹdẹ gbe ẹe.

Iyẹn ne ọ Maan Ọghe Jọn 6:33

Rhunmwuda evbare ne Osanobua rhie ne ọmwa ọrọre rẹn ni ne ọ ke ẹrinmwi gha dee do rhie arrọọ ne agbọn.”

Iyẹn ne ọ Maan Ọghe Jọn 6:35

Jesu tama iran wẹẹ, “Mẹ ọrọre evbare ẹfe, ọmwa ne ọ rhirhi bu mwẹ rre, ohanmwẹ i ghi gbe ẹe ẹdẹ, ọmwa ne ọ vbe ya mwẹ yi, ohanmwẹ amẹ i ghi gbe ẹe ẹdẹ.

Iyẹn ne ọ Maan Ọghe Jọn 6:51

Mẹ ọrọre evbare ẹfe ne ọ ke ẹrinmwi rre: ọmwa ne ọ rhirhi rri evbare na, ọ gha rre agbọn ẹdẹdẹmwẹdẹ. Nene evbare ne I khian rhie nẹẹn ọrọre efun egbe mwẹ ne imẹ ya fi ohan, ne agbọn miẹn ehe na miẹn uhunmwu.”

Galatia 2:20

Ọre a ghi na miẹn nian wẹ, ẹ i re imẹ ọre ọ ghi rre agbọn ọvbehe, sokpan Kristi ọre ọ rre agbọn vbe uwu imẹ vbene I ghi ya rre agbọn na nian, iyayi ọre I ghi ya rrọọ vbe uwu ovbi Osanobua, ọmwa ne ọ ho ẹmwẹ mwẹ, ọ na rhie ẹdẹ agbọn rẹn mẹ.