Levitikọs 8:30 - Edo Bible (E Baibol Ẹdo) Version 1996

³⁰ E Mosis keghi rhie vbe ori ne a sa ye emwa uhunmwu ne ọ rre aka, ọ ke sanmwẹ ọẹn ku Errọn ke ẹe kevbe ivbi ẹre kevbe ukpọn. Odẹ vberriọ, ọ keghi ya iran kevbe ukpọn iran fi ohan ne Nọyaẹnmwa.

Levitikọs 8:30 ပူးပေါင်းရင်းမြစ်များ

Ẹksọdọs 28:2

U ghi se ẹwu ne ọ huanrẹn ne Errọn ne ọtuẹn ne ọ gha re ọghe ọghọ kevbe ose.

Ẹksọdọs 29:21

U ghi rhie vbe esagiẹn nii rre aka, kevbe ofigbọn ne a nọnọ ye emwa uhunmwu, u ghi miẹn rẹn yan Errọn kevbe ukpọn rẹn, kevbe avbe ivbi ẹre kevbe ukpọn iran, rẹn, avbe ivbi ẹre kevbe ukpọn iran hia gha khian ne a ya fiohan.

Ẹksọdọs 30:30

U ghi nọnọ ori ye Errọn uhunmwu ke ẹe kevbe avbe ivbi ẹre, u ghi ya iran fi ohan ne iran gha ga mwẹ zẹ vbe ohẹn.

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Aizaia 61:3

ne I ya rhie ne iran ni khiẹ vbe Zaiọn oghọghọ kevbe ọyẹnmwẹ ye ihe akhiẹ. Ihuan urhomwẹ ye ihe akhiẹ. Iran gha yevbe avbe erhan, ne Nọyaẹnmwa tobọ ẹre kọ. Iran gha ru emwi ne ọ kere a gha vbe rho Osanobua ye iwinna ne ọ winna ẹn.

Levitikọs 10:3

Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.

Levitikọs 7:35

Ehe ne a viọ ne Nọyaẹnmwa vbe evbare nii, ne Nọyaẹnmwa ghi vbe viọ ne Errọn kevbe ivbi ẹre vbe ẹdẹ ne a ma iran ohẹn, ọre ena khin.

Levitikọs 7:36

Ẹdẹ nẹdẹrriọ ọre Nọyaẹnmwa yi ẹre iyi ne ivbi Izrẹl wẹ ne iran gha viọ vbe emwi izẹ ọhẹ ne iran. Emwamwa ne ivbi Izrẹl gha rhie owẹ lele nọ, ke orre ya sẹ orre.”

Levitikọs 8:12

Ọ keghi ya Errọn ma ohẹn vbe ne ọ na sa eso vbe ori ne a sa ye ọmwa uhunmwu ye ọre uhunmwu.

Nọmbas 3:3

A nọnọ ori ye iran uhunmwu, a kevbe ma iran ohẹn.

Hibru 2:11

Ọ khuẹ emwa huan hin orukhọ iran rre, irẹn kevbe emwa ni irẹn khuẹ huan, erha ọkpa iran mwẹ. Ọnii ọ si ẹe ne ekhue i na mu Jesu vbe ọ gha tie iran etiọnrẹn.

I Pita 1:2

Te a hannọ uwa zẹ vbe emwamwa ekhọe ọghe Osanobua ne Erha, ne Orhiọn rẹn ye uwa khian emwa ni huanrẹn, ne uwa gha họn ẹmwẹ ne Jesu Kristi, ne esagiẹn ọnrẹn kpe uwa iruẹn kua. Ẹsọhẹ kevbe ọfumwegbe gha re ọghe uwa vbene ọ vuọn sẹ omwa fo.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.

Arhie Maan 7:14

Mẹ keghi wanniẹn wẹ, “Dọ mọ o, mẹ ma rẹn, sokpan wẹ rẹnrẹn.” Ọ keghi tama mwẹ wẹ, “Ena ọrọre emwa ni sẹtin la ukpokpo nọkhua ni fo, vbe hẹnnẹdẹn. Iran họ ukpọn iran, iran keghi ye esagiẹn Oteghe Ohuan nii ya iran khian ni fua.