Levitikọs 8:3 - Edo Bible (E Baibol Ẹdo) Version 1996

³ U ghi tie emwa nii hia sikoko ye evba.”

Levitikọs 8:3 ပူးပေါင်းရင်းမြစ်များ

I Krọnikol 13:5

Ẹre Devid na si emwa ni hia ke ehe ne ẹvbo ni sẹe ehe ne ọ rhanmwẹ koko ke uwu Igipt vbe odẹ ekẹn ya sẹ Ada e Hamat vbe odẹ okuọ, ne iran miẹn ehe na ya mu Ẹkpẹti Ile Nọyaẹnmwa ke kirriat Jearim gha die Jerusalẹm.

I Krọnikol 15:3

E Devid keghi rhunmwuda ọnii tie ivbi Izrẹl hia gha die Jerusalẹm ne a miẹn ehe na mu Ẹkpẹti Ile gha die ehe ne a dọlọ yi ye otọ khẹ ọre.

II Krọnikol 30:13

Emwa ni bun keghi si egbe koko ye Jerusalẹm vbe uki ne ogieva ne iran do ru Emwiukpo Ebrẹd Ne ọma hue.

II Krọnikol 30:25

Ẹko emwa keghi gha rhiẹnrhiẹn, avbe ivbi e Juda, avbe ohẹn avbe Livai, iran ni ke odẹ okuọ rre deba avbe orhunmwuyẹn ni wa yin Izrẹl kevbe Juda.

II Krọnikol 5:2

Ẹre Solomọn ne ọba na tie avbe ọkaolotu ọghe dọmwadẹ ẹgbẹe kevbe ẹwae ni rre Izrẹl ne iran do miẹn egbe vbe Jerusalẹm, ne iran do mu Ẹkpẹti Ile e Nọyaẹnmwa ke Zaiọn ne Ẹvbo e Devid gha rrie Ọgua Osa.

II Krọnikol 5:6

E Solomọn ne ọba kevbe ivbi Izrẹl hia keghi si egbe koko vbe odaro Ẹkpẹti Ile, iran na ya ohuan kevbe ẹmila ni bun zẹ ese — ehia bu sẹrriọ wẹ ẹ i gia ka.

Nehimaia 8:1

Vbe ọ ghi te sẹ uki ne ogihinrọn, ivbi Izrẹl hia keghi gbe ẹkun sotọ vbe ẹvbo edọmwadẹ ọghọe. vbe uki ne okaro ọghe, uki ni, iran hia ke do si egbe koko vbe Jerusalẹm, vbe ehe ne otọe na vbe aro vbe uwu Urho Amẹ. Iran ke wẹ ne Ẹzra ne ohẹn kevbe ne ọ rẹn uhi ne Nọyaẹnmwa rhie la obọ e Mosis gie ivbi Izrẹl ne ọ mu ebe nene uhi re.

Psalm 22:25

I gha rho ruẹ ye emwi ne u ru, vbe adesẹ iko ne ọ gbae, vbe sirra iran hia ni ga a, I gha zọ ese emwi ne I ve.

Levitikọs 14:11

Ohẹn ghi rhie ọmwa na, ke ẹe kevbe emwi izẹọhẹ na, gha rrie onurho Owa Ukpọn Ile.

Levitikọs 8:2

“Rhie Errọn kevbe ivbi ẹre gha rrie onurho Owa Ukpọn Ile, u ghi vbe viọ avbe ẹwu ohẹn rre, ofigbọn ne a sa ye emwa uhunmwu, ovbi ẹkhuia ẹmila ne a ra ya zọ ese orukhọ, ogho eveva ke ẹe kevbe okhuae ebrẹd ne ọ ma hue.

Levitikọs 8:4

E Mosis keghi ru zẹ vbene Nọyaẹnmwa tama rẹn, ugbẹn vbe emwa nii ghi sikoko nẹ.

Nọmbas 20:8

“Rhie ọkpọ ne ọ rre odaro Ẹkpẹti Ile, ne uwẹ vbe Errọn si emwa nii hia koko, vbe odaro iran vba, gu okuta nọkhua ne ọ rre odọ nii na guan, amẹ gha vẹ ladian vbọ. Vbe odẹ vberriọ, u gha rhie amẹ ke uwu okuta ni ladian ne emwa ni, ne iran kevbe emwirri iran miẹn wọn.”

Nọmbas 21:16

Evba nii ọre iran ke kpao gha rrie ehe ne a tie ẹre Uhae, ehe ne Nọyaẹnmwa na tama e Mosis wẹẹ, “Sii avbe emwa ni koko, I gha sa amẹ ne iran wọn.”

Nọmbas 8:9

U ghi tie ivbi Izrẹl hia si koko, ne u viọ avbe Livai ma iran vbe odaro Owa Ukpọn Ile.

Iwinna 2:1

Ugbẹn vbe ọ ghi sẹ ẹdẹ Pẹntikọst, iran ni yayi hia keghi si egbe koko ye ihe ọkpa.