Levitikọs 8:27 - Edo Bible (E Baibol Ẹdo) Version 1996

²⁷ Ọ keghi viọ evbare na hia ye Errọn vbe ivbi ẹre obọ, iran keghi viọ ẹre gie Nọyaẹnmwa, zẹ vbe emwi izọhẹ kpataki.

Levitikọs 8:27 ပူးပေါင်းရင်းမြစ်များ

Jerimaia 30:21

Ẹvbo iran ọ re ogie iran gha ke rre ovbiọba iran ghi gha re okpa vbe uwu iran I gha tie ẹre, ọ ghi bu mwẹ gha dee rhunmwuda, de ọmwa ne ohan gha giee rre vbe a ma tie ẹre? Iran ghi gha re emwa mwẹ, mẹ ghi gha re Osanobua iran. Mẹ ne Nọyaẹnmwa tae nẹ.”

Levitikọs 14:12

Iyeke ọnii ohẹn ghi mu ọkpa vbe ivbi ogho nii, ọ ghi ya ẹe zọ ese zẹ vbe ese a hae werriegbe ke ẹe kevbe ukhiọnmwẹ ọgọ ofigbọn ọliv nii, ọ ghi viọ ẹre rre zẹ vbe ihaoko kpataki gie Nọyaẹnmwa ne avbe ohẹn.

Levitikọs 8:28

E Mosis keghi miẹn iran evbare na, ọ na giẹn ọnrẹn uan vbe uhunmwu aka ese na giẹn uan, zẹ vbe ese ne a ya ma ohẹn. Ọna ke gha re izọhẹ evbare, uwinhinmwẹ ọnrẹn ke gha yẹ e Nọyaẹnmwa.

Hibru 9:14

Ugbẹn vbe a ghi miẹn wẹ ẹmwata ọna khin, Inuinu ọre ne esagiẹn Kristi gha ru ya kpọlọ sẹẹ! Ọ la ekpa Orhiọn etẹbitẹ nii ya egbe ẹre zọ ese ne ọ gbae ghe Osanobua. Esagiẹn ọnrẹn ọre ọ gha khuẹ ekhọe orhiọn mwa huan hin obọ iwinna ọrhiae rre, ne ima miẹn ehe na gha ga Osanobua ne ọ rrọọ.