Levitikọs 8:23 - Edo Bible (E Baibol Ẹdo) Version 1996

²³ E Mosis keghi gbe ẹe, ọ na rhie vbe esagiẹn ọnrẹn ye etọghọ ehọ ọghe obọ erha ọmwa Errọn, ke ikpinhianbọ ne ogie ọghe obọ erha ọmwa kevbe ikpinhianwẹ ne ogie ọghe owẹ erha ọmwa.

Levitikọs 8:23 ပူးပေါင်းရင်းမြစ်များ

Ẹksọdọs 29:20

Gbe ẹe ne u rhie vbe esagiẹn ọnrẹn, u ghi ya ẹe kan etọghọ ehọ obọ erha ọmwa ọghe Errọn kevbe avbe ivbi ẹre, kevbe ikpinhianbọ nogie, kevbe ikpinhianwẹ nogie ọghe owẹ erha ọmwa iran, u ghi mu ni dekẹe vbọ rhurhẹ lele igienenẹ aka.

Ẹksọdọs 29:21

U ghi rhie vbe esagiẹn nii rre aka, kevbe ofigbọn ne a nọnọ ye emwa uhunmwu, u ghi miẹn rẹn yan Errọn kevbe ukpọn rẹn, kevbe avbe ivbi ẹre kevbe ukpọn iran, rẹn, avbe ivbi ẹre kevbe ukpọn iran hia gha khian ne a ya fiohan.

Levitikọs 14:14

Ohẹn ghi rhie vbe esagiẹn ovbi ohuan amwẹ nii, ọ ghi rhi ẹre ye etọghọ ehọ obọ erha ọmwa, ikpinhianhọ nogie ọghe obọ erha ọmwa, kevbe ikpinhianwẹ ne ogie ọghe owẹ erha ọmwa ọmwa ne a ra ya khian ne ẹ i ghi mwẹ awua nii.

Levitikọs 14:17

Ọ ghi rhie vbe ofigbọn nii ne ọ rre ọre atataobọ kevbe esagiẹn ovbi ohuan amwẹ nii, ọ ghi rhie ẹre ye eto ọghe ehọ obọ erha ọmwa kevbe ikpinhianwẹ ne ogie ọghe owẹ obọ erha ọmwa ọghe ọmwa ne a ra kha ighẹ ẹ i ghi mwẹ awua nii.

Levitikọs 14:25

Rẹn ghi gbe ovbi ohuan nii, ọ ghi rhie vbe esagiẹn ọnrẹn ye etọghọ ehọ obọ erha ọmwa, ikpi-nhianbọ ne ogie obọ erha ọmwa, kevbe ikpinhianwẹ ne ogie owẹ erha ọmwa ọmwa nii.

Levitikọs 14:28

Ọ ghi sa vbe ofigbọn nii lele dọmwadẹ ehe ne ọ vbe rhie esagiẹn ọnrẹn lele, etọghọ ehọ obọ erha ọmwa, ikpinhianbọ ne ogie obọ erha ọmwa, kevbe ikpinhianwẹ ne ogie obọ erha ọmwa ọghe ọmwa nii.

Levitikọs 7:37

Ena ọrọre emwamwa ne a ru vbe ọghe ese na giẹn uan, ese ọka, ese orukhọ, ese a hae werriegbe, ese na ya ma ohẹn kevbe isara.

Ebe ne Pọl gbẹẹn gie emwa Rom 12:1

Rhunmwuda ọnii etẹn mwẹ, I la ekpa itohan nọkhua ọghe Osanobua ghe emwa rinmwian uwa ne uwa ya egbe uwa fi ohan ne Osanobua zẹ vbe emwi izọ ese ne ọ ye rre agbọn, ne ọ mu aro ye ẹmwẹ iwinna ẹnrẹn, kevbe ne ọ vbe yẹ ọre. Ọnọna ọrọre ugamwẹ ẹmwata ne uwa gha rhie nẹẹn.

Ebe ne Pọl gbẹẹn gie emwa Rom 6:13

Ra ne uwa vbe fan obọ egbe uwa rhọkpa ne orukhọ, ne a gha lo ẹre ye odẹ ọkhọ, sokpan wa fan obọ egbe uwa ne Osanobua zẹ vbe emwa ne a viọ ke uwu ladian la ẹfe nẹ, wa ghi zẹ egbe uwa hia obọ nẹẹn, ne ọ gha lo ẹre ye odẹ ẹmwata.

Ebe ne Pọl gbẹẹn gie emwa Rom 6:19

I ta ẹe vbene a wa ya guan kẹkan, rhunmwuda, wa ma he wegbe vbe oghẹ vbene a yi uwa hẹ. Vbe ẹghẹ ọkpa yi, wa ke wa zẹ egbe uwa obọ fẹẹrẹ zẹ vbe eviẹn ne emwi iruẹn kevbe ekhọe dan, ne a miẹn ehe na gha ru emwi dan. Vbe odẹ vberriọ zẹ, wa vbe zẹ egbe obọ fẹẹrẹ nian, zẹ vbe eviẹn emwi ẹmwata ne a ya gha ru emwi ne ọ huanrẹn.

I Kọrinti 1:2

gie esọsi Osanobua ne ọ rre Kọrinti, gie emwa ne a tie re ne iran do gha re emwa ni huanrẹn Osanobua, emwa ni khian ọghọe rhunmwuda ighẹ iran ya egbe ba Kristi Jesu, deba emwa hia ni ghi na erhunmwu ghe Nọyaẹnmwa Jesu Kristi nẹ, zẹ vbe Nọyan iran kevbe ima.

I Kọrinti 1:30

Sokpan Osanobua ku uwa kugbe ba Kristi Jesu nẹ, Osanobua kevbe ru ẹe ne Kristi gha re ẹwaẹn ima, ekpa ẹre ọre a na ya ima khian ni mudia ẹse vbe odaro Osanobua, ma keghi khian emwa Osanobua, a na fannọ ima ye otọ.

I Kọrinti 6:20

Te ọ dẹ uwa ha osa, rhunmwuda ọnii, wa gha lo egbe uwa ne uyi Osanobua.

Filipai 1:20

Rhunmwuda, emwi ne I mobọ ho kevbe ne I danmwehọ ẹre, ọrọre ne a ghẹ miẹn ighẹ I ma ghi sẹtin winna iwinna mwẹ, sokpan ne a miẹn wẹ vbe ẹghẹ hia, kpataki vbe iwinna na, ne ẹtin gha rre iwu, vbe ne a gha na miẹn wẹ, egbe mwẹ hia ọre I ghi ya rhie uyi gie Kristi, te I rre agbọn ra te I wu.

Filipai 2:17

Ogha kẹe, te a ra gbe esagiẹn arrọọ mwẹ ye otọ zẹ vbe emwi imuohan ye ese ne iyayi uwa zọ ghe Osanobua. Ọ gha yerriọ I gha ghọghọ, I gha vbe ghae ne uwa hia vbe oghọghọ mwẹ na.

I Tẹsalonaika 5:22

Wa gha lẹ ne emwi dan hia ne ọ rhirhi gha khin.

Hibru 2:10

Ma miẹn ọẹn vbe a ya ọghọ kevbe uyi rhu ẹre ẹde, rhunmwuda oya uwu ne ọ ree. Emwi ọkpa ne ọ gele wa ke ne ọ ru ighẹ Osanobua, ọmwa ne ọ ọre ne ọ yi kevbe ne ọ viọ emwi hia mwẹ, ọrọre ne ọ ye Jesu khian ne ọ gbae vbe uyi ẹre, rhunmwuda, Jesu ọrọre ọmwa ne ọ su iran gha rrie imiẹnfan.

Hibru 5:8

A gha rhe miẹn wẹ, Ovbi Osanobua ọre irẹn gha khin sẹ evba, te ọ ye la ekpa oya ne ọ re ruẹ, vbe ne a họn ẹmwẹ hẹẹ.