Levitikọs 8:14 - Edo Bible (E Baibol Ẹdo) Version 1996

¹⁴ E Mosis keghi do mu ovbi ẹkhuia ẹmila ọghe ese orukhọ, Errọn kevbe ivbi ẹre keghi viọ obọ iran yan ẹre uhunmwu.

Levitikọs 8:14 ပူးပေါင်းရင်းမြစ်များ

Psalm 66:15

I gha mu ohuan rre ne a giẹn ọnrẹn vbe ogiukpo I gha ya ẹmila kevbe ẹwe zọ ese, Ighogho ẹre ghi kpaegbe laghe iso.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Ezikiẹl 43:19

Avbe ohẹn ni re ẹwae Livai, ni vbe re ivbi uniẹn Zadọk, iran ni ọkpa ọ re ọ gha rrie odaro mwẹ do gha ga mwẹ. Mẹ ne Nọyaẹnmwa ne Udazi ọ re ọ yi iyi na. U ghi mu ovbi ẹkhuia ẹmila ne iran ya zọ ese ye orukhọ.

Ezikiẹl 43:20

U ghi rhie vbe esagiẹn ọnrẹn, u ghi sa ẹe yan ehe ne ọ yuo ladian vbe odukhunmwu ogiukpo vbe dọmwadẹ ehọ ẹre, u ghi vbe sa ye adesẹneva ogiukpo, kevbe lẹga ehọ ẹre hia. Odẹ vberriọ, u gha ya ogiukpo khian nọhuanrẹn, u ghi vbe ya ẹe fi ohan.

Ezikiẹl 44:27

Iyekọni, ọ ghi la Ọgua ne ọ ke uwu ẹre vbe Ọgua Osa, ọ ghi ya zọ ese ihọnmwegbe ẹre, ne ọ miẹn ehe na dọlegbe gha yo itaemwi vbe Ọgua Osa. Mẹ ne Nọyaẹnmwa ne Udazi ọre ọ tae.

Levitikọs 1:4

Ọ ghi rhie obọ yan rẹn uhunmwu, a ghi rhan obọ miẹn rẹn zẹ vbe ese ne ọ gha viọ orukhọ ẹre gha rrie.

Levitikọs 16:21

Ọ ghi viọ obọ re eveva yan ẹwe nii uhunmwu, ọ ghi miẹn rẹn kue uyimwẹ dan hia, ke avbe orukhọ kevbe uyinmwẹ isọtẹ ne ivbi Izrẹl ru yan ẹre uhunmwu, ọ ghi la ekpa odẹ vberriọ werriẹ ehia yan ẹwe nii uhunmwu. Iyeke ọnii, ọmwa ne a zẹ ye otọ ne ọ ru ẹe ghi khu ẹwe nii la uwu ato.

Levitikọs 16:6

Ọ ghi ye ẹkhuia ẹmila zọ ese ye orukhọ ọghe emwa ẹgbẹe ẹre kevbe ọghe egbe ẹre.

Levitikọs 4:15

Avbe ekaolotu ghi viọ obọ yan ẹre uhunmwu, a ghi gbe ẹe vbe evba.

Levitikọs 8:2

“Rhie Errọn kevbe ivbi ẹre gha rrie onurho Owa Ukpọn Ile, u ghi vbe viọ avbe ẹwu ohẹn rre, ofigbọn ne a sa ye emwa uhunmwu, ovbi ẹkhuia ẹmila ne a ra ya zọ ese orukhọ, ogho eveva ke ẹe kevbe okhuae ebrẹd ne ọ ma hue.

Nọmbas 8:12

“Iyeke ọnii, avbe Livai ghi viọ obọ iran yan ekhuia ẹmila eva nii uhunmwu, a ghi ya ọkpa vbọ zọ ese orukhọ, a ghi ya nọkpa zọ ese na giẹn uan, ne a miẹn ehe na ru iruemwi akpehuan ne avbe Livai.

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

I Pita 3:18

Rhunmwuda, Kristi tobọ ẹre wu ne uwa, ọ wu ye orukhọ, uhukpa ne emwa hia, ọmwa esi wu ne emwa dan, ne ọ miẹn ehe na viọ uwa gie Osanobua. A gbe ẹe ua vbe ekpa ọghe egbe, a keghi huẹn ọnrẹn kpaegbe vbe ekpa ọghe orhiọn.