Levitikọs 8:11 - Edo Bible (E Baibol Ẹdo) Version 1996

¹¹ Ọ keghi rhie vbe ori nii, ọ keghi sanmwẹ ọẹn igba ihinrọn yan aka kevbe emwi ne a ya ru emwi vbọ hia, deba ọkpan nọkhua kevbe emwi ne a mu ẹẹn yan, ne a miẹn ehe na ya ehia fi ohan ne Nọyaẹnmwa.

Levitikọs 8:11 ပူးပေါင်းရင်းမြစ်များ

Ẹksọdọs 16:14

Evbu nii ghi ka nẹ, emwi eso ne hẹghẹhẹghẹ ne ọ ye vbe ibobo keghi rhu gba ato nii hia, ọ keghi ye mose mose zẹ vbe esia vbe otọ.

Ẹksọdọs 16:19

E Mosis keghi tama iran wẹẹ, “Ọmwarhọkpa ghẹ rhie vbọ hin rre khẹ akhuẹ.”

Ẹksọdọs 29:36

Ẹdẹgbegbe u ghi gha ya ẹkhuia ẹmila zọ ese ye orukhọ ne a miẹn ehe na ya orukhọ bọ. U gha ghi zọ ese ye orukhọ nẹ, u rhie orukhọ hin aka rre nẹ, iyeke ọnii, u ghi nọnọ ori oliv yọ ne u ya ẹe khian ne ọ hunanrẹn.

Ẹksọdọs 29:37

U ghi ru ọna ẹdẹgbegbe la ikpẹdẹ ihinrọn, ẹghẹ nii aka ghi do huan fo fẹẹrẹ. Ọmwaikọmwa, ra emwikemwi ne ọ ghi dekan rẹn ghi miẹn ikuangbe rhunmwuda ẹtin uhuanmwẹ ọnrẹn nii.

Ẹksọdọs 30:29

Erriọ u gha ya ye avbe emwi na hia fiohan, iran ghi do gha re ne ọ huan fo, emwi ne ọ rhirhi dekan iran gha miẹn ikuan egbe rhunmwuda uhuanmwẹ ọnrẹn.

Ẹksọdọs 4:17

Rhie ọkpọ ne a ya tua otọ khian nii mwẹ obọ, ọnii ọre u ra ya gha winna iwinna ọyunnuan.”

Ẹksọdọs 4:6

E Nọyaẹnmwa keghi dọlegbe gu e Mosis guan wẹẹ, “Rhie obọ ruẹ ye ototọ ẹwu ruẹ.” Ọ keghi ru vberriọ, ọ ghi rhie ẹre ladian, emianmwẹ keghi gba ẹre, emwi ne ọ fuọfua vbe esia ke salọ ẹe gba.

Aizaia 52:15

Sokpan, te irẹn khian gha re ọyunnuan ne avbe uhunmwu ẹvbo nibun, avbe ọba gha yan unu uan, iran i miẹn ẹmwẹ ta. Iran gha bẹghe, iran ghi vbe rẹn otọ emwi ne iran ma he rẹn ẹdẹ.”

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Levitikọs 14:16

Ọ ghi fi ikpinhianbọ obọ erha ọmwa ọghọe yọ, ọ ghi sanmwẹ eso vbọ ye evba igba ihinrọn vbe sirra e Nọyaẹnmwa.

Levitikọs 4:17

Ọ ghi fi ikpinhianbọ ẹre yọ, ọ ghi sanmwẹ ọẹn ye odaro ukpọn onurho igba ihinrọn.

Levitikọs 4:6

“Ọ ghi fi ikpinhianbọ ẹre yọ igba ihinrọn, ọ ghi sanmwẹ ọẹn ye odaro ukpọn onurho ne ọ huansẹ nii.

Taitọs 3:6

Te Osanobua wa mobọ tue Orhiọn Ne Ọ Huanrẹn yan ima ẹsẹse, la ekpa Jesu Kristi Ọmiọnmwafan mwa.