Ọka imuohan, imuohan ye orukhọ, kevbe imuohan a hae werriegbe ọrọre evbare avbe ohẹn. Emwi hia ne a ghi zẹ kọ ne imẹ nẹ vbe Izrẹl, iran ọ re ọ kere ne ọ gha viọ ẹre.
Ni ghi dekẹe vbe emwi iha oko nii, ọghe avbe ohẹn nọ, emwi ne ọ huansẹ ẹsẹse wa nọ vbene a na miẹn wẹ evbare ne a ya haoko gie Nọyaẹnmwa ọre a na rhie ẹre rre.
Avbe izẹọhẹ nọhuansẹ ehia, ne a ma giẹn uan vbe aka, ne ọ re ọ wuẹ vbọ ọre ena khin: izẹọhẹ ọka, izọese orukhọ, izẹ ọhẹ ahaewerriegbe. Emwi hia ne a viọ gunmwẹ ze vbe emwi ihaoko nọhuanrẹn ọghe uwẹ kevbe ivbi uẹ nọ.
Vbe ne a i na gbe awẹawẹ, wa rẹnrẹn wẹ, iran ni winna vbe uwu Ọgua Osa, uwu Ọgua Osa iran na viọ evbare ne iran re, kevbe wẹ iran ni gbe emwi ne a ya zọ ese vbe aka, vbe ghae vbe emwi ne a ya zọ ese nii.
Wa he vbe họn ovbiyokuo ne ọ ya igho obọ ẹre ha osa ne egbe ẹre vbe ọ gbinna vbe okuo? Ra ọgbugbo ne ẹ i re vbe emwiokọ ne ugbo ẹre? Ra ọsuohuan ne ẹ i rri ewẹn ne a mi vbe ohuan irẹn?