Levitikọs 7:6 - Edo Bible (E Baibol Ẹdo) Version 1996

⁶ Ọmọ okpia ne ọ rhirhi gha re ovbi ohẹn sẹtin rri ọe, a ghi rri ọe vbe ehe ne awua i ye, rhunmwuda emwi ne ọ mobọ huan nọ.

Levitikọs 7:6 ပူးပေါင်းရင်းမြစ်များ

Ezikiẹl 42:13

Ọmwa nii keghi tama mwẹ wẹẹ, “Owa nihuanrẹn ọ re eveva na khin. Evba nii ọ re avbe ohẹn ni sẹ ehe ne Nọyaẹnmwa ye na rri avbe emwi izọ ese nihuansẹ ehia. Rhunmwuda ighe te avbe owa nii huanrẹn, evba nii ọ re avbe ohẹn viọ avbe emwi izọese nihuansẹ ehia yi, avbe ọka ne a ya ru imuohan, kevbe avbe ese ne a zọ ye orukhọ, ra ne a ya ha osa werriegbe.

Levitikọs 2:3

Ni ghi dekẹe vbe emwi imuohan ọghe ọka nii, avbe ohẹn ne ivbi Errọn ọre ọ ghi yaẹn, emwi ne ọ huansẹ ẹsẹse wa nọ rhunmwuda usun evbare ne a ya fi ohan ne Nọyaẹnmwa nọ.

Levitikọs 21:22

Ọmwa vberriọ sẹtin rri evbare ne a ya zẹ ọhẹ mẹ kevbe evbare izẹọhẹ ne ọ huanrẹn kevbe izẹọhẹ evbare ne ọ huanrẹn ẹsẹse.

Levitikọs 6:11

Ọ ghi ya fi ẹwu werriẹ, ọ ghi viọ emuẹn nii lahin agọ rre gha rrie ehe ne ẹ i mwẹ awua.

Levitikọs 6:29

Ọmọ okpia ike ọmọ okpia vbe ẹgbẹe ọghe ohẹn sẹtin rri emwi izọese nii, emwi ne ọ huansẹ ẹsẹse nọ.

Levitikọs 7:5

Ohẹn ghi giẹn ẹvbi na hia vbe aka zẹ vbe izẹ ọhẹ evbare gie Nọyaẹnmwa. Izẹ ọhẹ a hae werriegbe nọ.

Hagai 2:12

Gie a kha ighe orhunmwu ọkpa rhie ukpudu emiowo vbe aranmwẹ ne a ya fi ohan nẹ vbe uwu aranmwẹ ne a ya zẹ ese, ọna vbuẹ ọre ye agbada ẹwu ẹre mu gha rrie, a deghẹ ọ ghi gie ẹwu ẹre ni dekan ebrẹd, evbare ne a le nẹ, ayọn ofigbọn oliv, ra evbareikevbare ne ọ rhirhi a gha khin, ọ gha ye evbare nii khian ne avbe ya fi ohan ra?” A ghi nọ ọta na, avbe ohẹn keghi wanniẹn wẹẹ, “Ẹn o.”

I Kọrinti 10:18

Wa ghe avbe emwa Hibru, iran ni re vbe emwi ne a ya zẹ ese, te iran ghae vbe ugamwẹ ne a ke ya ga Osanobua.

I Kọrinti 9:13

Vbe ne a i na gbe awẹawẹ, wa rẹnrẹn wẹ, iran ni winna vbe uwu Ọgua Osa, uwu Ọgua Osa iran na viọ evbare ne iran re, kevbe wẹ iran ni gbe emwi ne a ya zọ ese vbe aka, vbe ghae vbe emwi ne a ya zọ ese nii.