Levitikọs 7:32 - Edo Bible (E Baibol Ẹdo) Version 1996

³² Owẹ ọre ne obọ erha ọmwa vbo, a ghi mu zẹ vbe oghae kpataki.

Levitikọs 7:32 ပူးပေါင်းရင်းမြစ်များ

Ẹksọdọs 29:27

“A gha ma ohẹn, ẹwẹe kevbe ekuawẹ ogho nii ne a gbe ya ru ẹe, a ghi ya fiohan mẹ zẹvbe izọhẹ kpataki, a ghi vbe muẹn ye efẹn ọkpa ne ohẹn.

Levitikọs 10:14

Sokpan wẹ vbe ẹgbẹe ruẹ sẹtin rri ewẹn ke owẹ ọre ne a rhie rre zẹ vbe izọhẹ kpataki gie Nọyaẹnmwa ne avbe ohẹn, wa sẹtin rri ọe vbe eheikehe ne awua i ye. Izọhẹ na, a rhie ẹre ne uwẹ kevbe avbe ivbi uwa zẹ vbe ne ọ khẹke uwa vbe izọhẹ isara ọghe ivbi Izrẹl.

Levitikọs 7:33

Ne ohẹn ne ọ ye esagiẹn kevbe ẹvbi izọhẹ isara nii zọ ese.

Levitikọs 7:34

Ẹwẹn ọnrẹn keghi re oko kpataki, owẹ obọ erha ọmwa rẹn keghi re oghae kpataki ne Nọyaẹnmwa miẹn ivbi Izrẹl re viọ ne avbe ohẹn. Ọna keghi re emwi ne ọ khẹke iran, ne ivbi Izrẹl gha mwẹ iran re, kevbe orre ya sẹ orre.

Levitikọs 9:21

Ọ keghi viọ ewẹn ọnrẹn kevbe owẹ obọ erha ọmwa rẹn zẹ vbe oko kpataki ne a rhie gie Nọyaẹnmwa vbe kpa avbe ohẹn zẹ vbene Mosis khare.

Nọmbas 5:9

Erriọ vbe nọ, izẹ ọhẹ kpataki ne ivbi Izrẹl rhie gie Nọyaẹnmwa, ọ ghe ohẹn ne a viọ ẹre na nọ.

Nọmbas 6:20

Iyekọnii, ohẹn ghi ya ẹe zẹ ọhẹ kpataki gie Nọyaẹnmwa, izẹọhẹ ne ọ huanrẹn, ọghe ohẹn nọ, do deba ẹwẹe kevbe owẹ ogho nii, ne a wa rẹn wẹ ọghe ohẹn nọ. Iyeke ọnii, Agbihiagha nii sẹtin da ayọn.

Diuteronomi 18:3

Ọmwaikọmwa gha do ya ẹkhuia ẹmila ra ohuan zọ ese, a ghi viọ izabọ ẹre, agbanmwẹ ọnrẹn kevbe ẹkpokhurhu ẹre ne avbe ohẹn.

I Samuẹl 9:24

Ẹre ọmwa ne ọ le evbare nii na mu owẹ aranmwẹ nii kevbe efun esiesi ne ọ lele ẹe, ọ na mu ye Sọl otọ. E Samuẹl keghi kha wẹẹ, “Ghe emiowo ne a fian khẹ ruẹ. Riọe, rhunmwuda, te a rhie ẹre ye otọ khẹ ruẹ ne u deba avbe emwa na ne I tiere rri evbare ẹghẹ na.” Ẹre Sọl na gu e Samuẹl rri evbare ẹdẹrriọ.