Levitikọs 7:31 - Edo Bible (E Baibol Ẹdo) Version 1996

³¹ Ohẹn ghi giẹn ẹvbi ẹre vbe aka, sokpan ohẹn ọ re ọ yan ewẹn ne ọ rrọọ.

Levitikọs 7:31 ပူးပေါင်းရင်းမြစ်များ

Ẹksọdọs 29:26

“U ghi mu ẹwẹe ọghe ogho na, u ghi ya ẹe fi ohan kpataki mẹ. Ehe ne ọre ọwuẹ vbe aranmwẹ nii ọre ọ na khin.

Levitikọs 3:11

Ohẹn ne ọ ru ugamwẹ ghi giẹn ena hia zẹ vbe evbare ihaoko gie Nọyaẹnmwa.

Levitikọs 3:16

Avbe ohẹn ghi giẹn ena hia zẹ vbe emwi ihaoko evbare gie Nọyaẹnmwa. Ẹvbi ni rrọ hia, ọghe Nọyaẹnmwa nọ.

Levitikọs 3:5

Avbe ohẹn ghi giẹn ena hia vbe uhunmwu aka deba ese ne a giẹn uan nii. Uwinhinmwẹ emwi ihaoko evbare na yẹ Nọyaẹnmwa.

Levitikọs 5:13

Odẹ vberriọ ọre ohẹn gha na zọ ese ye orukhọ ọmwa nii, a ghi vbe ya bọe. Irhuarhua ni ghi dekẹe, ọghe ohẹn nọ, zẹ vbene ovbe ye vbe ọghe izẹọhẹ ọka.”

Levitikọs 6:16

Avbe ohẹn ghi rrie ni dekẹe vbọ. A ghi ya ẹe ru ebrẹd, a ghi rri ọe vbe ehe ne ẹ i mwẹ awua, vbe orere ọghe Owa Ukpọn e Nọyaẹnmwa. A ghẹ ye eyist gbe ẹe, te Nọyaẹnmwa rhie ẹre ne iran zẹ vbe ne ọ sẹ iran egbe vbe izẹ ọhẹ evbare nii. Te ọ wa huan ẹsẹse, zẹ vbe izọese orukhọ kevbe izese a hae werriegbe.

Levitikọs 6:26

Ohẹn ne ọ ya aranmwẹ nii zọọ ese ghi rri ọe vbe ehe ne ọ huanrẹn, vbe orere Owa Ukpon Nọyaẹnmwa.

Levitikọs 7:34

Ẹwẹn ọnrẹn keghi re oko kpataki, owẹ obọ erha ọmwa rẹn keghi re oghae kpataki ne Nọyaẹnmwa miẹn ivbi Izrẹl re viọ ne avbe ohẹn. Ọna keghi re emwi ne ọ khẹke iran, ne ivbi Izrẹl gha mwẹ iran re, kevbe orre ya sẹ orre.

Levitikọs 8:29

Ẹre Mosis na mu ewẹn ọnrẹn, ọ na mu ẹẹn gie Nọyaẹnmwa zẹ vbe ọhẹ kpataki. Eso ne ọ sẹ Mosis obọ nọ vbe ogho ne a ya ma ohẹn. E Mosis keghi ru emwi hia zẹ vbe ne Mosis tama rẹn.

Nọmbas 18:11

“Yevbe deba ọnii, izẹ ọhẹ kpataki ọvbehe hia ne ivbi Izrẹl viọ gun mwẹ, ọwuẹ khian gha nọ. Te ime viọ ehia ne uwẹ, kevbe ivbuẹ ne ikpia kevbe ne ikhuo rhinrin ẹdẹ. Ọmwa ne awua i ghi rrọ re egbe vbe uwu emwa ruẹn hia sẹtin rri ọe.

Nọmbas 18:18

Emiowo ni rrọ, ọwuẹ nọ, zẹ vbe ewẹn kevbe owẹ obọ erha ọmwa ọghe izẹọhẹ kpataki.

I Kọrinti 9:13

Vbe ne a i na gbe awẹawẹ, wa rẹnrẹn wẹ, iran ni winna vbe uwu Ọgua Osa, uwu Ọgua Osa iran na viọ evbare ne iran re, kevbe wẹ iran ni gbe emwi ne a ya zọ ese vbe aka, vbe ghae vbe emwi ne a ya zọ ese nii.

Diuteronomi 18:3

Ọmwaikọmwa gha do ya ẹkhuia ẹmila ra ohuan zọ ese, a ghi viọ izabọ ẹre, agbanmwẹ ọnrẹn kevbe ẹkpokhurhu ẹre ne avbe ohẹn.