Levitikọs 7:21 - Edo Bible (E Baibol Ẹdo) Version 1996

²¹ A deghẹ ọmwaikọmwa ye vbe re vbe emiowo izọese na, vbe ọ ya obọ kan emwi awua nẹ, ọre ke egbe ọmwa nagbọn ra aranmwẹ rre nọ, a ghẹ ghi ka ẹe ba emwa Osanobua.”

Levitikọs 7:21 ပူးပေါင်းရင်းမြစ်များ

Gẹnẹsis 17:14

Okpia ne a ma he rhuẹ, a ghi wannọẹn hin uwe ẹbu emwa rẹn rre rhunmwuda ọ ma họn ẹmwẹ mwẹ.”

Ẹksọdọs 12:15

“Wa ghi ya ẹdẹ ihinrọn rri ebrẹd ne ọ ma hue. Vbe ikpẹdẹ ne okaro, wa ghi viọ ebrẹd ne ọ huere hin owa rua rre, rhunmwuda ọmwaikọmwa ne ọ rri ebrẹd ne ọ huere ke ikpẹdẹ nokaro ya sẹ ikpẹdẹ ne okiekie, a gha kan ẹn fua hin ọbuohiẹn emwa mwẹ rre.

Ẹksọdọs 12:19

Wa ghẹ ghi miẹn ebrẹd ne ọ huere vbe owa uwa, rhunmwuda, a deghẹ a miẹn ọmwa ne ebrẹd ne ọ huere gue, a gha kan ẹn fua hin uwu ọbuohiẹn emwa mwẹ rre, ọre ọrriọvbe nọ ra ọmọ otọ nọ. Wa ghẹ rri ebrẹd ne ọ huere hiehiere vbe owa uwa.”

Ezikiẹl 33:25

“Tama iran vbene imẹ ne Nọyaẹnmwa ne Udazi kha hẹ, wa rri emiowo ke ẹe kevbe esagiẹn. Wa gho ẹbọ. Wa de izigha. De emwi ne ọ ghi ya uwa gha ro yi ighe wa ọ re ọ yan otọ nii?

Ezikiẹl 4:14

Sokpan, mẹ keghi wanniẹn wẹẹ, “Ẹn o, e Nọyaẹnmwa ne Udazi, I ma he mu awua ye egbe mwẹ egbe ẹdẹ, ke ọvbokhan wa gha dee, I ma he rri aranmwẹ ne ọ tobọ ẹre wu ẹdẹ, ra ne aranmwẹ ọvbehe gbe. I ma he rri evbare ne a ka ye ọghe awua ẹdẹ.”

Levitikọs 11:20

“Ivbi otutu ni ghi zẹ ifuẹn hiehie mwẹ awua.

Levitikọs 12:1

E Nọyaẹnmwa keghi yi avbe uhi na ma e Mosis,

Levitikọs 17:10

Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn.

Levitikọs 17:14

Rhunmwuda ighẹ esagiẹn ọre orhiọn emwi hia nii rre agbọn ye, e Nọyaẹnmwa keghi tama ivbi Izrẹl wẹ ne iran ghẹ rri aranmwẹ rri esagiẹn, kevbe wẹ ọmwa ne ọ ru ẹe, rẹn i ghi ra ka ẹe ba emwa irẹn.

Levitikọs 18:29

Wa rẹnrẹn wẹ ọmwaikọmwa ne ọ ru emwi ifaegbua na, a i ghi ka ẹe ba emwa Osanobua.

Levitikọs 19:8

Ọmwaikọmwa ne ọ rri ọe, ọ gha rri abe ọghe wẹ ọ kegha ru emwi ne a ya fi ohan mẹ zẹ vbe ne a miẹn wẹ ọ ma sẹ emwirhọkpa, a i ghi vbe dọlegbe ka ẹe ba emwa mwẹ.

Levitikọs 20:3

Rhunmwuda ọ rhie vbe avbe ivbi ẹre ne Milkọm, ọ keghi mu awua ye Owa Ukpọn mwẹ ne ọ huanrẹn, ọ kevbe fa emwi mwẹ ne ọ huanrẹn uan. I gha mu aro da ẹre, I i ghi ra vbe ka ẹe ba avbe emwa mwẹ.

Levitikọs 22:3

A deghẹ a miẹn orhiọnkpa vbe uwu avbe ivbi uẹ ne ọ sikẹ emwi izẹọhẹ nihuanrẹn ne ivbi Izrẹl ya fiohan mẹ vbe awua rre ọre egbe, a ghẹ gie ẹe dọlegbe ladian vbe odaro mwẹ do ga mwẹ ọvbehe. Iyi ẹdẹdẹmwẹdẹ ọna khin. Mẹ ọ re Nọyaẹnmwa.

Levitikọs 22:4

“Vbe uwu avbe ivbi Errọn, a deghẹ a miẹn ne ọ khuọnmwi emianmwẹ ikpakpa egbe ra egbe ne ọ gin vbọ, a ghẹ gie ẹe re vbe uwu izẹọhẹ nihuanrẹn a te do miẹn wẹ awua i ghi guẹe. Ohẹn ne ọ rhirhi ya obọ kan emwi ne awua ye rhunmwuda ne ọ na dekan orinmwi ra ne eku ladian vbe egbe ẹre.

Levitikọs 23:29

Ọmwaikọmwa ne ọ rrie evbare ẹdẹ nẹdẹrriọ, a i ghi ka ẹe ba emwa Nọyaẹnmwa ọvbehe.

Levitikọs 7:20

Sokpan ọmwa ne awua gue gha rri ọe, a ghẹ ka ẹe ba emwa Osanobua.

Levitikọs 7:22

E Nọyaẹnmwa keghi viọ emwamwa na ne Mosis:

Levitikọs 7:25

Ọmwaikọmwa ne ọ rri ẹvbi aranmwẹ ne a ya zẹ ọhẹ gie Nọyaẹnmwa a ghẹ ghi vbe ka ẹe ba emwa Osanobua ọvbehe.

Levitikọs 7:27

Ọmwa ne ọ rhirhi rra uhi na, a ghẹ ghi ka ẹe ba ọmwa Osanobua ọvbehe.”

Nọmbas 19:22

Emwikemwi ne ọmwa ne awua gue ye obọ kan, vbe khian ne awua ye, ọmwaikọmwa ne ọ vbe ya obọ kan rẹn khian ne awua gue ya sẹ ota.

Diuteronomi 14:10

sokpan emwikemwi ne ọ rre amẹ nẹ i mwẹ ikpakpa ne ọ bolo ra ifuẹn ne ọ ya khuẹ, wa ghẹ rri ọe, a ghi ka ẹe ye ne ọ mwẹ awua.

Diuteronomi 14:3

“Wa ghẹ rri emwikemwi ne Nọyaẹnmwa khare wẹ ọ mwẹ awua.

I Samuẹl 20:26

Sokpan e Sọl ma zẹyọ ẹdẹrriọ, ọ kegha ro wẹẹ u gha ghe, “Emwi eso ọ re ọ ru ẹe, awua rre ọ re egbe.”