Levitikọs 7:2 - Edo Bible (E Baibol Ẹdo) Version 1996
2 Aranmwẹ ne a ya zọ ese na, odẹ okuọ ọghe aka ọre a gha na gbe ẹe, ehe ne a na gbele aranmwẹ ese na giẹn uan, a ghi rhurhẹ esagiẹn ọnrẹn ye igienenẹ ọghe aka.
Sokpan, te irẹn khian gha re ọyunnuan ne avbe uhunmwu ẹvbo nibun, avbe ọba gha yan unu uan, iran i miẹn ẹmwẹ ta. Iran gha bẹghe, iran ghi vbe rẹn otọ emwi ne iran ma he rẹn ẹdẹ.”
Eteburu enẹ kegha rre ughugha nọkhua na, eveva vbe obọ ọkpọkpa vbe ughugha nii. Uhunmwu avbe eteburu na ọ re iran na gbele avbe aranmwẹ ne iran ya zọ ese, ọ gha re te a ra wa gien ikun ẹnrẹn hia nọ, ra ne a ra ya zọ ese ye orukhọ ra imuohan a hae werriegbe.
A deghẹ ẹmila obọ ẹre ọre ọmwa ra ya zọ ese ne a giẹn uan, ọ ghi mu ẹkhuia ẹmila ne ẹ i mwẹ okan rre. Ọ ghi mu ẹẹn gha die onurho Owa Ukpọn e Nọyaẹnmwa, ne Nọyaẹnmwa miẹn ehe na rhan obọ miẹn rẹn.
Ọ ghi gbe ovbi ohuan amwẹ nii vbe ehe ne a na gbele aranmwẹ ese orukhọ ke ọghe ese ne a giẹn uan. Ọ ghi ru ẹe vberriọ, rhunmwuda, izọese a hae werriegbe, zẹ vbene ese orukhọ vbe ye, avbe ohẹn ọre ọ yanrẹn, emwi ne ọ huanrẹn ẹsẹse ọre nọ.
Ọ ghi rhie obọ yan ẹre uhunmwu, ọ ghi gbe ẹe vbe odẹ okuọ ọghe aka ne a na gbe avbe aranmwẹ ne a ya zọ ese na giẹn uan. Ese ne a ya kpe orukhọ kua ọre ọna khin.
Ọ ghi do dọlegbe ha avbe emwi ne ọ te ke ya nii, ọ ghi vbe hae obọkpa vbe a gha emwi nii ye ihe ugie gbe ẹe. Ọ ghi mu gie ohẹn, ohẹn ghi ye aranmwẹ nii zọ ese ye orukhọ ọmwa nii, a ghi ya bọe.
“A deghẹ obọ ọmwa na gba ẹwe ra iye ohuan, ọ ghi viọ idu eva ra elikhukhu eva gie Nọyaẹnmwa, ọkpa ne a ya zọ ese ye orukhọ, nọkpa ọghe ese ne a giẹn rẹn uan.
“We ne ọ ma Errọn kevbe ivbi ẹre, emwamwa na, ọ ghe vbene a zọ ese ye orukhọ hẹẹ. Aranmwẹ ne a ya zọ ese ye orukhọ, odẹ okuọ ọghe aka ọre a gha na gha gbe ẹe, odẹ ehe ne a na gbele aranmwẹ eso ne a giẹn uan, izọese ne ọ huansẹ ẹsẹse ọre ọna khin.
Ọ ghi vbe dọlegbe ya ẹghẹ ọre fi ohan zẹ vbe Agbihiagha. A i ghi ka ẹghẹ ne ọ ka ruẹ la yọ rhunmwuda, awua la eto nọ te ka ya fi ohan. Ọ ghi mu ivbi ohuan ne ọ rre ukpo ọkpa rre do ya zọ ese ahaewerriegbe.
Te a hannọ uwa zẹ vbe emwamwa ekhọe ọghe Osanobua ne Erha, ne Orhiọn rẹn ye uwa khian emwa ni huanrẹn, ne uwa gha họn ẹmwẹ ne Jesu Kristi, ne esagiẹn ọnrẹn kpe uwa iruẹn kua. Ẹsọhẹ kevbe ọfumwegbe gha re ọghe uwa vbene ọ vuọn sẹ omwa fo.